ខេត្តកំពត ៖ នាព្រឹកថ្ងៃចន្ទ ១៣រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី០៦ ខែឧសភា ឆ្នាំ២០២៤ ឯកឧត្តម សាន វិសាល រដ្ឋ លេខាធិការ តំណាងដ៏ខ្ពង់ខ្ពស់ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ អមដំណើរដោយ ឯកឧត្តម អុឹង វណ្ណា អនុរដ្ឋលេខាធិការ លោក ហ៊ សូរិន ប្រធានមន្ទីរអភិវឌ្ឍន៍ជនបទខេត្តកំពត រួមជាមួយអាជ្ញធរ ភូមិ ឃុំ  បានអញ្ជើញចុះទៅពិនិត្យការដ្ឋានខួងអណ្ដូងស្នប់ Afridev ចំនួន ២កន្លែង និងការដ្ឋានស្តារស្រះទឹកសហគមន៍ចំនួន ១កន្លែង មានទំហំ ៤០ម៉ែត្រ x ៣០ម៉ែត្រ x ៣ម៉ែត្រ នៅភូមិដូនស៊យ ឃុំថ្មី ស្រុកទឹកឈូ ខេត្តកំពត ៕

ខេត្តប៉ៃលិន ៖ នាព្រឹកថ្ងៃចន្ទ ១៣រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០៦ ខែឧសភា ឆ្នាំ ២០២៤ លោកប្រធានមន្ទីរអភិវឌ្ឍន៍ជនបទខេត្តប៉ៃលិន បានចាត់បញ្ជូនក្រុមការងារបច្ចេកទេសស្អាត ចូលរួមសហការជាមួយមន្ត្រីស្រុកសាលាក្រៅ ក្នុងការចុះជួសជុលអណ្តូងស្នប់ជូនប្រជាពលរដ្ឋបានចំនួន ០៣អណ្តូង ស្ថិតនៅភូមិភ្នំស្ពង់ ឃុំសាលាក្រៅ ស្រុកសាលាក្រៅ៕

ខេត្តស្ទឹងត្រែង៖  នាថ្ងៃចន្ទ ១៣រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៦ ខែឧសភា ឆ្នាំ២០២៤ ក្រុមការងារបច្ចេកទេស នៃមន្ទីរអភិវឌ្ឍន៍ជនបទខេត្តស្ទឹងត្រែង បានបន្តចុះអន្តរាគមន៍ជួសជុលអណ្តូងស្នប់ដែលខូច បានចំនួន ៤អណ្តូង ដើម្បីដាក់ឱ្យប្រជាពលរដ្ឋប្រើប្រាស់ ស្ថិតនៅភូមិផ្អាវ ឃុំអន្លង់ភេ ស្រុកថាឡាបរិវ៉ាត់ ខេត្តស្ទឹងត្រែង៕

ខេត្តព្រៃវែង ៖ នាថ្ងៃសុក្រ ១០ រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៣ ខែឧសភា ឆ្នាំ២០២៤ លោក ឡុក វុឌ្ឍី ប្រធានមន្ទីរ និងក្រុមការងារបច្ចេកទេសផ្គត់ផ្គង់ទឹកជនបទ នៃមន្ទីរអភិវឌ្ឍន៍ជនបទខេត្តព្រៃវែង បានចុះពិនិត្យស្ថានភាពអណ្តូងទឹកសម្រាប់ប្រើប្រាស់ នៅរដូវរាំងស្ងួតដែលអូសបន្លាយពេលយូរ នៅឃុំរកា ឃុំព្រៃស្រឡិត និងឃុំកញ្ចំ ស្រុកពារាំង។

ក្រុមការងារបានពិនិត្យឃើញថា នីវ៉ូស្តារទិចទឹកអណ្តូង មានពី ១១ម ទៅ ១៣,៧ម ហើយប្រជាពលរដ្ឋនៅមានទឹកប្រើប្រាស់គ្រប់គ្រាន់ មិនមានបញ្ហាខ្វះទឹកនោះទេ៕

ខេត្តបន្ទាយមានជ័យ៖ នាថ្ងៃសៅរ៍ ១១ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី៤ ខែឧសភា ឆ្នាំ២០២៤ លោក ជា យុទ្ឋារុណ ប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ បានអញ្ជើញចុះពិនិត្យការសាងសង់ស្ពានចំនួន២កន្លែងនៅក្នុង សង្កាត់ព្រះពន្លា ក្រុងសិរីសោភ័ណ រួមមាន ៖

១. ស្ពានបេតុងព្រះពន្លា ប្រវែង ៩០ម៉ែត្រ ភ្ជាប់ពីភូមិ៣ ទៅភូមិព្រៃឫស្សី សង្កាត់ព្រះពន្លា

២. ស្ពានបេតុងចក ប្រវែង ១១០ម៉ែត្រ ភ្ជាប់ពីភូមិចក ទៅភូមិព្រះពន្លា សង្កាត់ព្រះពន្លា៕

ខេត្តកំពត៖ នាថ្ងៃសៅរ៍ ១១រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី៤ ខែឧសភា ឆ្នាំ២០២៤ ក្រុមការងារមន្ទីរអភិវឌ្ឍន៍ជនបទខេត្តកំពត បានពិនិត្យ និងដោះស្រាយបញ្ហា ខ្វះទឹកសម្រាប់ហូប និងប្រើប្រាស់របស់ប្រជាពលរដ្ឋក្នុងស្ថានភាពនៃការរីងស្ងួតប្រភពទឹក បណ្ដាលមកពីការប្រែប្រួលអាកាសធាតុ ដូចខាងក្រោម៖

–  បានដឹកទឹកស្អាត ចែកជូនប្រជាពលរដ្ឋដែលរស់នៅក្នុងភូមិរបងក្រាស ឃុំកំពង់ត្រាចខាងកើត ស្រុកកំពង់ត្រាច ចំនួន ៣២ គ្រួសារ

–  បានដំណើរការជីកស្រះសហគមន៍ជូនប្រជាពលរដ្ឋមួយកន្លែងមានបណ្ដោយ ៤០ម៉ែត្រ ទទឹង ៣០ម៉ែត្រ  និងជម្រៅ ៣ម៉ែត្រ ស្ថិតនៅក្នុងភូមិដូនស៊យ ឃុំថ្មី  ស្រុកទឹកឈូ

–  បានចុះពិនិត្យទីតាំង អណ្តូងស្នប់អាហ្វ្រីដេវ ដែលបានខូចចំនួន ០៣អណ្តូង ដើម្បីជួសជុល ស្ថិតនៅឃុំដងទង់ និងឃុំទទុង ស្រុកដងទង់៕