ខេត្តកំពត៖ នៅថ្ងៃព្រហស្បតិ៍ ១ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨

ត្រូវនឹងថ្ងៃទី២៣ ខែឧសភា ឆ្នាំ២០២៤ មន្ទីរ​អភិវឌ្ឍ​ន៍ជនបទខេត្តកំពត បានធ្វើការ ខួងអណ្ដូង​ស្នប់​ Afridev (ទី២) ចំនួន​ ១ អណ្តូង​ស្ថិត​នៅ ភូមិ​រលួស សង្កាត់​បឹងទូក​ ក្រុង​បូកគោ​ ខេត្តកំពត។

ខេត្តព្រៃវែង៖ ថ្ងៃអង្គារ ១៤កើត ខែពិសាខ ឆ្នាំរោង ឆស័ក ព.ស. ២៥៦៧ ត្រូវនឹង ថ្ងៃទី២១ ខែឧសភា ឆ្នាំ២០២៤ លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទ ខេត្តព្រៃវែង ដឹកនាំមន្ត្រីបច្ចេកទេសផ្លូវរបស់មន្ទីរ ចុះត្រួតពិនិត្យការងារស្ថាបនាផ្លូវរបស់គម្រោងអភិវឌ្ឍន៍ហេដ្ឋារចនាសម្ព័ន្ធជនបទដែលធន់នឹងការប្រែប្រួលអាកាសធាតុ ចំនួន១ខ្សែ (ពីភូមិព្រៃដើមថ្នឹង ទៅភូមិកោងទន្លេលើ) មានប្រវែង១០,៤៣ គម ស្ថិតក្នុងស្រុកស៊ីធរកណ្តាល ខេត្តព្រៃវែង ដែលបច្ចុប្បន្ន ស្ថាបនាសម្រេចបាន ៨៣%។

សូមបញ្ជាក់ផងដែរថា ខ្សែផ្លូវនេះលាតសន្ធឹងឆ្លងកាត់ឃុំចំនួនពីរគឺឃុំព្រៃដើមថ្នឹង និងឃុំល្វេ ស្ថិតក្នុងស្រុកស៊ីធរកណ្ដាល ដោយបែកចេញពីផ្លូវកៅស៊ូពីរជាន់(DBST) ផ្លូវលេខ៣១១១ ត្រង់ចំណុចទីរួមស្រុកស៊ីធរកណ្ដាល ភ្ជាប់ទៅផ្លូវ បេតុងស្របនឹងមាត់ទន្លេតូច ស្ថិតក្នុងឃុំល្វេ និងភ្ជាប់ជាមួយផ្លូវក្រាលកៅស៊ូរពីជាន់(DBST) ឆ្ពោះទៅកាន់ទីរួមស្រុកអូររាំងឪ នៃខេត្តត្បូងឃ្មុំ និងស្រុកកោះសូទិន នៃខេត្តកំពង់ចាម ។

ខេត្តរតនគិរី៖ នាព្រឹកថ្ងៃពុធ ១៥ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែឧសភា ឆ្នាំ២០២៤

លោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរី បានដឹកនាំក្រុមការងារបច្ចេកទេសជួសជុលអណ្តូងទឹក ចុះពិនិត្យអណ្តូងស្នប់ខូច នៅភូមិកាឡៃតាវ៉ង ឃុំភ្នំកុក ស្រុកវើនសៃ ខេត្តរតនគិរី ។

ខេត្ដបន្ទាយមានជ័យ៖ នាថ្ងៃចន្ទ១៣កើត-អង្គារ១៤កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹង

ថ្ងៃទី២០-២១ ខែឧសភា ឆ្នាំ២០២៤ លោក សួន សុវន្ដារ អនុប្រធានមន្ទីរ និងជាប្រធានក្រុមការងារសម្របសម្រួលគម្រោង “កសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” នៃមន្ទីរអភិវឌ្ឍន៍ជនបទខេត្តបន្ទាយមានជ័យ បានអញ្ជើញបើកវគ្គបណ្តុះបណ្តាលស្តីពី ការជួសជុល និងថែទាំគ្រឿងយន្តកសិកម្មខ្នាតតូច នៅភូមិចំបក់ ឃុំបឹងបេង ស្រុកម៉ាឡៃ ដែលមានសមាជិកចូលរួមសរុបចំនួន១៨នាក់។

វគ្គបណ្តុះបណ្តាលនេះ មានរយៈពេល២ថ្ងៃ ដោយសិក្ខាកាមសិក្សានូវទ្រឹស្តី និងការអនុវត្តសាកល្បង លើការរុះរើ ដោះ និងដំឡើងឡើងវិញនូវ ម៉ាស៊ីនម៉ាស៊ូត ប្រព័ន្ធប្រអប់លេខ  និងសំណុំកូនជ្រូក ជាដើម៕

ខេត្តព្រះសីហនុ ៖ នាព្រឹកថ្ងៃអង្គារ ១៤កើត ខែពិសាខ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២១ ខែឧសភា ឆ្នាំ២០២៤ មន្ទីរអភិវឌ្ឍន៍ជនបទ ខេត្តព្រះសីហនុ បានសហការជាមួយរដ្ឋបាលខេត្តព្រះសីហនុ រៀបចំកិច្ចប្រជុំត្រៀម ដើម្បីរៀបចំប្រារព្ធពិធី ប្រកាសជ័យលាភី ខេត្តព្រះសីហនុ ជាខេត្តបញ្ចប់ការបន្ទោបង់ពាសវាលពាសកាល (ODF) ក្រោមអធិបតីភាពឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដោយមានសមាសភាពក្រុមការងារ PWGខេត្តចូលរួមចំនួន ២៤នាក់ នៅសាលប្រជុំក្រុមប្រឹក្សាខេត្ត។

ជាលទ្ធផល ឯកឧត្តមអភិបាលខេត្ត បានសម្រេចយកថ្ងៃទី៦ ខែមិថុនា ឆ្នាំ២០២៤ ជាថ្ងៃរៀបចំពិធីប្រកាសជ័យលាភី ODF ខេត្ត ដែលរៀបចំឡើងនៅវេទិកា៧មករា ក្រុងព្រះសីហន