ខេត្តកំពង់ឆ្នាំង: នាថ្ងៃចន្ទ ១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែធ្នូ ឆ្នាំ២០២៤ ឯកឧត្តម សាន វិសាល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ  បានអញ្ជើញចូលរួមជាគណៈអធិបតីក្នុងពិធីបើកវគ្គបណ្តុះបណ្តាលនាយទាហានរង នៃកងរាជអាវុធហត្ថ ជំនាន់ទី៤៧ ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅមជ្ឈមណ្ឌលហ្វឹកហ្វឺនកងរាជអាវុធហត្ថ (ភ្នំជុំសែនរីករាយ)។  ក្នុងពិធីបើកវគ្គបណ្តុះបណ្តាលនាយទាហានរង នៃកងរាជអាវុធហត្ថ ជំនាន់ទី៤៧ មានការអញ្ជើញចូលរួមពីតំណាងក្រសួងស្ថាប័នពាក់ព័ន្ធ អគ្គនាយករង នាយក នាយរងចំណុះក្រសួងការពារជាតិ នាយរងសេនាធិការចម្រុះ នាយក នាយករង មេបញ្ជាការរង ចំណុះអគ្គបញ្ជាការដ្ឋាននៃកងយោធពលខេមរភូមិន្ទ អភិបាលរងខេត្ត អភិបាលស្រុក មេបញ្ជាការរង នាយសេនាធិការរង ស្នងការ ស្នងការរង នាយការិយាល័យ នាយកសាលាទាំងពីរ ចំណុះបញ្ជាការដ្ឋានកងរាជអាវុធហត្ថលើផ្ទៃប្រទេស មេបញ្ជាការ មេបញ្ជាការរងកងរាជអាវុធហត្ថរាជធានី-ខេត្តទាំង២៥ និងសិក្ខាកាម។

ខេត្តប៉ៃលិន ៖ នាព្រឹកថ្ងៃច័ន្ទ ១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងទី១៦ ខែធ្នូ ឆ្នាំ២០២៤ ឯកឧត្ដម អុិន ចន្ថា រដ្ឋលេខាធិការតំណាងដ៏ខ្ពង់ខ្ពស់ ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានដឹកនាំគណ:កម្មការអន្តរក្រសួងរួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុអញ្ជើញទៅត្រួតពិនិត្យនិង វាយតម្លៃការងារថែទាំខួបផ្លូវចំនួន២ខ្សែ ដោយក្រាលល្បាយថ្មភ្នំមានប្រវែងសរុប ១០ ៩០០ម៉ែត្រ ទទឹង ៥ម៉ែត្រ កម្រាស់ ០,២ម៉ែត្រ សាងសង់លូមូលមុខមួយចំនួន ២កន្លែង និងលូមូលមុខពីរចំនួន ១កន្លែង ស្ថិតនៅសង្កាត់អូរតាវ៉ៅ ឃុំស្ទឹងកាច់ឃុំអូរអណ្តូងក្រុងប៉ៃលិន និងស្រុកសាលាក្រៅខេត្តប៉ៃលិន។

ផ្លូវទាំងពីរខ្សែនេះមាន ៖

-ខ្សែទី១ ៖ ផ្លូវភ្នំជ្រូក សង្កាត់អូរតាវ៉ៅក្រុងប៉ៃលិនមាន ប្រវែង ៥៤០០ម៉ែត្រ ទទឹង ៥ម៉ែត្រ កម្រាស់ ០២ម៉ែត្រ សាងសង់លូមុខមួយចំនួន ១កន្លែង ។

-ខ្សែទី២ ៖ ជាផ្លូវលេខ៥២ ភូមិបឹងប្រលិត ឃុំស្ទឺងកាច់ និងឃុំអូរអណ្តូងស្រុកសាលាក្រៅខេយ្តប៉ៃលិន។

 

ឯកឧត្ដម អុិន ចន្ថា បានជួបសំណេះសំណាលជាមួយមេឃុំ ក្រុមប្រឹក្សាឃុំ  ប្រធានភូមិ និងប្រជាពលរដ្ឋដែលរស់នៅសងខាងផ្លូវ ដោយបានពាំនាំនូវប្រសាសន៍ផ្ដាំផ្ញើសួរសុខទុក្ខ ប្រកបដោយមនោសញ្ចេតនា សេចក្តីនឹករលឹកយ៉ាងជ្រាលជ្រៅបំផុត ពីសំណាក់សម្ដេចអគ្គមហាសេនាបតីតេជោ ហ៊ុន សែន មគ្គុទេសក៏ឯកនយោបាយឈ្នះ ឈ្នះ, បិតាស្ថាបនិកសន្តិភាព, និងជាប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត និង ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ជូនប្រជាពលរដ្ឋនៅទីនោះ ។

 

បន្ទាប់ពីបានត្រួតពិនិត្យរួចមកគណៈកម្មការអន្តរក្រសួងបានសម្រេចទទួលយកផ្លូវទាំង ២ខ្សែតាមសំណូមពរអ្នកទទួការ ៕

រាជធានីភ្នំពេញ ÷ នាថ្ងៃចន្ទ ១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ១៦ ខែធ្នូ ឆ្នាំ២០២៤ នៅអគារមិត្តភាព ទីស្តីការគណៈរដ្ឋមន្រ្តី លោកជំទាវ ហូ សុវណ្ណិកា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយលោកជំទាវឡាយ វីរៈបុត្រ អនុរដ្ឋលេខាធិការ បានអញ្ជើញចូលរួមសិក្ខាសាលាស្តីពី “ រសជាតិម្ហូបអាហាររបស់កម្ពុជា ៖ បិតិកភណ្ឌនៃការធ្វើម្ហូបអាហារខ្មែរ” ក្រោមអធិបតីភាព ឯកឧត្តម ឆែម គាតរិទ្ធី ទេសរដ្ឋមន្រ្តី ប្រធានក្រុមប្រឹក្សាសេដ្ឋកិច្ច  សង្គមកិច្ច និងវប្បធម៌ (ក.ស.វ) ក្នុងគោលបំណង ដើម្បីផ្សព្វផ្សាយ និងអប់រំអំពីប្រពៃណី ទំនៀមទម្លាប់ធ្វើម្ហូបអាហារដ៏សម្បូរបែបរបស់ប្រជាជនរស់នៅតំបន់អង្គរ និងតំបន់ឆ្នេរ រួមចំណែក ដល់ការលើកកម្ពស់វិស័យទេសចរណ៍ក្នុងស្រុក គាំទ្រផលិតផលក្នុងស្រុក និងផ្តល់វេទិកាផ្លាស់ប្តូរចំណេះដឹង ដើម្បីលើកកម្ពស់អត្តសញ្ញាណជាតិយើង ទំនាក់ទំនងការទូត និងសេដ្ឋកិច្ច “ម្ហូបខ្មែរប្រៀបដូចជាត្បូងនៃវប្បធម៌នៅក្នុងដៃ “ ។

 

សមាសភាពចូលរួម  ឯកឧត្តម លោកជំទាវ លោក លោកស្រី តំណាងក្រសួង ស្ថាប័ន និស្សិត សិស្ស យុវជន សសយក និងលោកជំទាវ ឯកឧត្តម លោក លោកស្រី តំណាងភោជនីយដ្ឋានដែលមានចំនួនសរុបប្រមាណ ៣២០ នាក់៕

 

រាជធានីភ្នំពេញ÷ នាថ្ងៃចន្ទ ១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែធ្នូ ឆ្នាំ២០២៤ ឯកឧត្តម ជា ស្រ៊ុន រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានអញ្ជើញចូលរួមវេទិកា រដ្ឋ-ឯកជន កម្ពុជា ជប៉ុន លើកទី៥ ស្តីពីការអភិវឌ្ឍនគរូបនីយកម្ម ក្រោមប្រធានបទ “ទីក្រុងឆ្លាតប្រកបដោយសុខដុមរមនា”ក្រោមអធិបតីភាព ឯកឧត្តម ឡៅ ទិព្វសីហា តំណាងដ៏ខ្ពង់ខ្ពស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់នៃប្រទេសកម្ពុជា និងឯកឧត្តម AMAKAWA Hirofumi អនុរដ្ឋមន្ត្រីក្រសួងដីធ្លី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ នៃប្រទេសជប៉ុន។ នៅសាលសន្និបាត២០២១ នៃទីស្តីការ ក្រសួងរៀប ចំដែនដី នគរូបនីយកម្ម និងសំណង់។

 

វេទិកានេះមានការចូលរួមពីគណៈប្រតិភូ នៃក្រសួងដីធ្លី ហេដ្ឋា រចនា សម្ព័ន្ធ ដឹកជញ្ជូន និងទេសចរណ៍ នៃប្រទេសជប៉ុន, ស្ថានទូត ជប៉ុន ប្រចាំកម្ពុជា, ក្រុមហ៊ុនពាណិជ្ជកម្មនិង វិនិយោគ មកពីប្រទេស ជប៉ុន, ក្រសួង រៀបចំដែនដី នគរូបនីយកម្ម និងសំណង់, តំណាង ក្រសួង ស្ថាប័នពាក់ព័ន្ធ, គណៈកម្មាធិការរៀបចំដែនដីនិង នគរូបនីយកម្ម ថ្នាក់ជាតិ, គណៈកម្មាធិការជាតិគ្រប់គ្រង និងអភិវឌ្ឍ តំបន់ឆ្នេរ សមុទ្រកម្ពុជា, គណៈស្ថាបត្យករកម្ពុជា, រដ្ឋបាលរាជធានី ខេត្តទាំង២៥, សភាពាណិជ្ជកម្មកម្ពុជា, សមាគមអ្នកសាងសង់កម្ពុជា, សមាគមអ្នកអភិវឌ្ឍ លំនៅឋានកម្ពុជា, សមាគមអ្នកវាយតម្លៃ និងភ្នាក់ ងារអចលនទ្រព្យកម្ពុជា, សមាគមធនាគារកម្ពុជា, សមាគម មីក្រូហិរញ្ញ វត្ថុកម្ពុជា, និងគណៈវិជ្ជាជីវៈកម្ពុជា សរុបចំនួន៦០០នាក់។

 

ក្នុងកិច្ចដំណើរការនៃវេទិកា វាគ្មិនជាអ្នកជំនាញជាន់ខ្ពស់របស់កម្ពុជា និងជប៉ុន បានធ្វើបទបង្ហាញ ពិភាក្សា និងចែករំលែកចំណេះដឹងនិង បទពិសោធន៍ អំពីការរៀបចំដែនដី នគរូបនីយកម្ម សំណង់ លំនៅឋាន ការអភិវឌ្ឍទីក្រុង និងការអភិវឌ្ឍអចលនទ្រព្យ ដោយផ្តោតលើ ប្រធាន បទ “ទីក្រុងឆ្លាតប្រកបដោយសុខដុមរមនា”។ តាមរយៈវេទិកានេះ អ្នកចូលរួមមកពីវិស័យ ឯកជន និងអ្នកជំនាញវិជ្ជាជីវៈ នៃប្រទេសជប៉ុន និងប្រទេសកម្ពុជា នឹងមានឱកាសបន្ថែមទៀតសម្រាប់ជំនួបធុរៈកិច្ច ដើម្បីពិភាក្សាជំរុញការវិនិយោគនៅកម្ពុជា ជាពិសេសការជំរុញឱកាស ធុរៈកិច្ច និងវិនិយោគពីប្រទេសជប៉ុនមក ប្រទេសកម្ពុជាលើការអភិវឌ្ឍន គរូបនីយកម្ម ដោយផ្តោតលើការអភិវឌ្ឍទីក្រុងឆ្លាតនិងការអភិវឌ្ឍ អចលនទ្រព្យ៕

ខេត្តប៉ៃលិន៖ នាថ្ងៃព្រហស្បតិ៍ ១២កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែធ្នូ ឆ្នាំ២០២៤ លោក គឺន សុគា អនុប្រធានមន្ទីរអភិវឌ្ឍន៍ជនបទ ខេត្តប៉ៃលិន និងជាប្រធានក្រុមសម្របសម្រួលថ្នាក់ខេត្តនៃគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” បានចូលរួមកម្មវិធីទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើ ផលិតកម្មដំណាំដំឡូងមី ស្ថិតនៅភូមិបរហ៊ុយខ្មែរជើង សង្កាត់បរយ៉ាខា ក្រុងប៉ៃលិន ខេត្តប៉ៃលិន។

 

កម្មវិធីនេះមានគោលបំណងពង្រីក និងលើកកម្ពស់កសិដ្ឋានបច្ចេកទេសកសិកម្មឆ្លាតវៃ និងផ្ទេរចំណេះដឹងកសិកម្មល្អកម្ពុជា(CamGAP) ដល់ក្រុមកសិករក្នុងតំបន់គោលដៅគម្រោង ដោយមានការចូលរួមពី ក្រុមការងារសម្របសម្រួលគម្រោងរបស់មន្ទីរអភិវឌ្ឍន៍ជនបទ អាជ្ញាធរស្រុក ឃុំ ភូមិ និងកសិករគំរូសរុបចំនួន ៣៦នាក់ ស្រី ២០នាក់។

 

សូមបញ្ជាក់ថា៖គម្រោងភូមិសន្តិភាពបានទទួលហិរញ្ញប្បទានពីទីភ្នាក់ងារសហប្រតិបត្តិការ អន្តរជាតិកូរ៉េ (KOICA) ដែលក្នុងគោលដៅខេត្តប៉ៃលិន បានជ្រើសរើសមេក្រុមកសិករ គំរូចំនួន ១៩ក្រុម និងកសិករគំរូចំនួន ៥៨៥ គ្រួសារ ដើម្បីបណ្ដុះបណ្ដាល និងផ្ទេរចំណេះដឹងបច្ចេកទេសកសិកម្មឆ្លាតវៃ ឬកសិកម្មល្អកម្ពុជា(CamGAP) ។

រាជធានីភ្នំពេញ ៖ នាថ្ងៃចន្ទ ១រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ខែធ្នូ ឆ្នាំ២០២៤ ឯកឧត្តម ប៉ែន ពេជ្រសាលី រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមពិធីសម្ពោធដាក់ឱ្យដំណើរការថ្នាលឌីជីថល ចុះឈ្មោះអ្នកសេដ្ឋកិច្ចក្រៅប្រព័ន្ធ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅសណ្ឋាគារសុខាភ្នំពេញ។

 

ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ គឺជាវឌ្ឍនភាពដ៏សំខាន់មួយនៅក្នុងការអនុវត្ត “យុទ្ធសាស្រ្តជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨” ដែលជាកម្មវិធីគោលនយោបាយអាទិភាពទី៤ របស់រាជរដ្ឋាភិបាល ដែលត្រូវបានប្រកាសដាក់ឱ្យអនុវត្តកាលពីចុងឆ្នាំ២០២៣ កន្លងទៅ។ ការរៀបចំ និងការដាក់ឱ្យដំណើរការ “ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ” នាពេលនេះ ឆ្លុះបញ្ចាំងពីការខិតខំប្រឹងប្រែង និងការយកចិត្តទុកដាក់របស់រាជរដ្ឋាភិបាល ក្នុងការគាំទ្រ និងជួយសម្រួលដល់បងប្អូនប្រជាពលរដ្ឋដែលកំពុងប្រកបមុខរបរ ធ្វើការងារ និង មានអាជីវកម្មនៅក្នុងសេដ្ឋកិច្ចក្រៅប្រព័ន្ធ ព្រមទាំងបង្កើតឱកាសឱ្យបងប្អូនអាចអភិវឌ្ឍន៍អាជីវកម្ម និងពង្រីកមុខរបរ ជាពិសេសធ្វើឱ្យកម្រិតជីវភាព និងសុខុមាលភាពរបស់បងប្អូនឱ្យកាន់តែល្អប្រសើរឡើងថែមមួយកម្រិតទៀត៕

រាជធានីភ្នំពេញ ៖ នាថ្ងៃសុក្រ ១៣កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ នៅមន្ទីរអភិវឌ្ឍន៍ជនបទរាជធានីភ្នំពេញ លោកជំទាវ ហូ សុវណ្ណិកា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារត្រីមាសទី៤ និងលើកទិសដៅការងារត្រីមាសទី១ ឆ្នាំ២០២៥ របស់មន្ទីរអភិវឌ្ឍន៍ជនបទរាជធានីភ្នំពេញ ដោយមានការចូលរួមពីសំណាក់លោកជំទាវ ឡាយ វីរ:បុត្រ អនុរដ្ឋលេខាធិការ លោក គឹម វិបុល ប្រធានមន្ទីរអភិវឌ្ឍន៍ជនបទរាជធានីភ្នំពេញ និងលោក លោកស្រី ជាមន្ត្រីរាជការនៃមន្ទីររអភិវឌ្ឍន៍ជនបទរាជធានីភ្នំពេញ សរុបចំនួន៣១នាក់៕