ប្រទេសនេប៉ាល់៖ នាថ្ងៃអង្គារ ៤រោច ដល់ថ្ងៃសុក្រ ៧រោច ខែជេស្ឋ ឆ្នាំរោង ឆស័ក ពស ២៥៦៨ ត្រូវនឹងថ្ងៃទី២៥ ដល់ ទី២៧ ខែមិថុនា ឆ្នាំ២០២៤ កញ្ញា ច័ន្ទថេត សុខាទេវា អគ្គនាយករងបច្ចេកទេស បានអញ្ជើញចូលរួម កិច្ចប្រជុំកំពូលសកលដើម្បីពន្លឿនវឌ្ឍនភាពឆ្ពោះទៅរកការទទួលបានជាសកលនូវការគ្រប់គ្រងអនាម័យប្រកបដោយសុវត្ថិភាព នៅទីក្រុងកាត់ថាម៉ាន់ឌូ ប្រទេសនេប៉ាល់ ក្រោមអធិបតីភាព ឯកឧត្តម Rajendra Kumar Rai រដ្ឋមន្រ្តីក្រសួងផ្គត់ផ្គង់ទឹក នៃប្រទេសនេប៉ាល់។

 

កិច្ចប្រជុំនេះមានការអញ្ជើញចូលរួមពីសំណាក់ថ្នាក់ដឹកនាំតំណាងប្រទេសជាដៃគូ ទីភ្នាក់ងារទទួលបន្ទុកអនាម័យនៅថ្នាក់ជាតិ និងថ្នាក់មូលដ្ឋាន អង្គការអន្តរជាតិ អង្គការមិនមែនរដ្ឋាភិបាល/ស៊ីវិលសង្គម និងអ្នកសិក្សាស្រាវជ្រាវ សរុបប្រមាណ ១០០រូប ចូលរួមដោយផ្ទាល់ និងតាមរយៈប្រព័ន្ធនិម្មិត។

គោលបំណងនៃកិច្ចប្រជុំរួមមាន៖

១. លើកកម្ពស់ការយល់ដឹងរួមគ្នាលើអ្វីដែលចាំបាច់ ដើម្បីគាំទ្រប្រទេសនានាក្នុងការបង្កើតឱ្យកាន់តែប្រសើរឡើងនូវ

វឌ្ឍនភាពឆ្ពោះទៅរកការទទួលបានជាសកលទៅកាន់អនាម័យដែលត្រូវបានគ្រប់គ្រងដោយសុវត្ថិភាព

 

៣. សម្របសម្រួលកិច្ចសន្ទនារបស់ប្រទេសស្តីពីការចែករំលែកវិធីសាស្រ្ត និងបទពិសោធន៍ ដើម្បីអនុវត្តជំហានឆ្ពោះទៅរកការគ្រប់គ្រងអនាម័យប្រកបដោយសុវត្ថិភាពតាមរបៀបសម្របសម្រួល

 

៤. ចែករំលែកចំណេះដឹងបច្ចេកទេស និងឧបករណ៍ដែលមាននៅក្នុងវិស័យនេះ ដើម្បីគាំទ្រការផ្លាស់ប្តូរទៅកាន់អនាម័យដែលគ្រប់គ្រងដោយសុវត្ថិភាពសេវាកម្ម

 

កិច្ចប្រជុំនេះធ្វើឡើងដោយផ្ទាល់រយៈពេល ៣ថ្ងៃ ហើយបានរួមបញ្ចូលវគ្គបច្ចេកទេសលើប្រធានបទជាក់លាក់ត្រូវបានរៀបចំឡើងជុំវិញជំហានជាក់ស្តែងចំនួនប្រាំបីនៃក្របខ័ណ្ឌរួមមាន៖

១. ការគ្រប់គ្រងអនាម័យប្រកបដោយសុវត្ថិភាពនៅថ្នាក់ជាតិ៖ គោលដៅ គោលនយោបាយ យុទ្ធសាស្ត្រ បទប្បញ្ញត្តិ

២. ការពង្រឹងប្រព័ន្ធទិន្នន័យសម្រាប់អនាម័យដែលគ្រប់គ្រងដោយសុវត្ថិភាព

៣. ការផ្តល់អាទិភាពផ្អែកលើហានិភ័យនៃការវិនិយោគអនាម័យ

៤. ការប្រើប្រាស់ទិន្នន័យសុខភាពដើម្បីកំណត់គោលដៅវិនិយោគអនាម័យ

៥. ការផ្តល់សេវាតាមខ្នាត (ការបង្កើតតម្រូវការ ការផ្គត់ផ្គង់សេវា ការពង្រឹងប្រព័ន្ធកម្រិតមូលដ្ឋាន)

៦. គ្រប់គ្រងសេវាអនាម័យ

៧. ហិរញ្ញប្បទានអនាម័យ

៨. អនាម័យធន់នឹងអាកាសធាតុ

ដោយឡែកវគ្គបច្ចេកទេសនីមួយៗត្រូវបានរៀបចំដោយសហការជាមួយដៃគូ និងរួមបញ្ចូលបទបង្ហាញរបស់ប្រទេស និងធាតុចូលដើម្បីជួយសម្រួលដល់ការចែករំលែកបទពិសោធន៍រវាងប្រទេសនីមួយៗ។

 

ក្នុងនោះផងដែរ នៅថ្ងៃទី២ កញ្ញាក៏បានតំណាងឲ្យប្រទេសកម្ពុជាធ្វើបទបង្ហាញ និងចែករំលែកបទពិសោធន៍ ស្តីពី ការពង្រឹងប្រព័ន្ធទិន្នន័យអនាម័យ ក្នុងកម្រិតជាតិតាមរយៈ ការត្រួតពិនិត្យអនាម័យ ដើម្បីបន្ស៊ីគ្នាលើនិយមន័យ និងសូចនាករ និងបានឆ្លើយសំនួរជាច្រើនពីអ្នកចូលរួមផងដែរ។

រាជធានីភ្នំពេញ៖ នៅរសៀលថ្ងៃព្រហស្បតិ៍ ៦រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ ឯកឧត្តម ជី ស៊ីថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ប្ញទ្ឋិសែន រដ្ឋមន្រ្តីក្រសួងអភិវឌ្ឍន៍ជនបទ បានចូលរួមជាកិតិ្តយសក្នុងពិធីសំណេះសំណាល និងពិសាភោជនាហារសាមគ្គីមហាគ្រួសារ សហគ្រាសធុនតូច មធ្យម និង សិប្បកម្មកម្ពុជា ក្នុងឱកាសអបអរសាទរ ទិវាជាតិសហគ្រាសធុនមីក្រូ តូច និងមធ្យម ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ (អគារ G H I J K L)។

 

ពិធីដ៏មានសារៈសំខាន់នេះរៀបចំឡើងដោយសមាគមមូលនិធិសម្ដេចតេជោ ដែលមានការចូលរួមពីបណ្តាសហគ្រាសធុនមីក្រូ តូច និង មធ្យមទូទាំង២៥ រាជធានី-ខេត្ត រួមទាំងភ្ញៀវជាតិ អន្តរជាតិ សរុបប្រមាណ៥ពាន់នាក់។

ខេត្តសៀមរាម៖ នាព្រឹកថ្ងៃព្រហស្បតិ៍ ៦រោច ខែជេស្ឋឆ្នាំរោង ឆស័ក ព.ស.២៤៥៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ ឯកឧត្តម ឌៀប កាណូរ៉ា អនុរដ្ឋលេខាធិការ ទទួលបន្ទុកលើការងារសម្របសម្រួលជាមួយអង្គការមិនមែនរដ្ឋភិបាល តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំមន្រ្តីជំនាញនៃនាយកដ្ឋានផែនការ និងទំនាក់ទំនងសាធារណៈ ចំនួន ២នាក់ ដើម្បីត្រួតពិនិត្យ និងវាយតម្លៃ សមិទ្ធផលរបស់អង្គការសួនមូលនិធិ ដែលមានទីតាំងនៅឃុំកំពុងក្ដី ស្រុកជីក្រែង ខេត្តសៀមរាប ។

 

បន្ទាប់ពីបានជួបសំណេះសំណាលជាមួយថ្នាក់ដឹកនាំ និងមន្រ្តីជំនាញរបស់អង្គការរួចមក ឯកឧត្តមអនុរដ្ឋលេខាធិការ បានពិនិត្យសមិទ្ធផលមួយចំនួនដែលអង្គការអនុវត្តបាននាពេលកន្លងមករួមមាន៖

 

១-ចុះពិនិត្យមើល ឡជីវឧស្ម័ន និងឧបករណ៍ព្រួសស្រូវពូជ នៅភូមិសំបូរ និងភូមិស្ពានត្នោត ឃុំស្ពានត្នោត ស្រុកជីក្រែង

 

២-ចុះជួបជាមួយក្រុមសន្សំប្រាក់ ដែលប្រើប្រាស់ ឧបករណ៍ Tablet នៅភូមិស្ពានត្នោត ឃុំស្ពានត្នោត ហើយក្រុមសន្សំប្រាក់ទាំអស់មានចំនួន ៣៩ក្រុម និងមានប្រាក់សន្សំសរុបចំនួន ប្រហែល400,000$ (សែសិបម៉ឺនដុល្លា) ជាងនៅទូទាំងស្រុកជីក្រែង

 

៣-ចុះពិនិត្យមើលសាលាមត្តេយ្យសហគមន៍ នៅភូមិថ្នល់លោក

 

៤-ពិនិត្យមើលស្រះទឹកសហគមន៍ដែលទើបស្ដារហើយ និងគ្រោងរៀបចំទៅជាប្រព័ន្ធចែកចាយទឹកស្អាតនៅពេលខាងមុខ ដែលឋិតនៅភូមិអូរក្រោម

 

៥-ពិនិត្យមើលប្រពន្ធ័បណ្តាញទឹកលាងដៃក្នុងសាលា បណ្ណាល័យ និងសកម្មភាពសិក្សារបស់សិស្ស នៅសាលាបឋមសិក្សាអូសាមគ្គីនៅឃុំស្ពានត្នោត ស្រុកជីក្រែង ខេត្តសៀមរាប។

រាជធានីភ្នំពេញ ៖ នាព្រឹកថ្ងៃព្រហស្បតិ៍ ៦រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ នៅទីស្តីការក្រសួងប្រៃសណីយ៍ និងទូរគមនាគមន៍ ឯកឧត្តមបណ្ឌិត នួន ដាញ៉ិល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយលោក ប៊ុន ចាន់ អគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញចូលរួមសិក្ខាសាលាផ្សព្វផ្សាយ និងដាក់ឱ្យអនុវត្ត “ក្របខណ្ឌសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន (អ.ឌ.ប.ព.)” ក្រោមអធិបតីភាពឯកឧត្តម ជុន វ៉ាត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍  និងទូរគមនាគមន៍ ដោយមានការចូលរួមពីតំណាងក្រសួង ស្ថាប័នពាក់ព័ន្ធ សុរបប្រមាណ ៣៧៩នាក់៕

រាជធានីភ្នំពេញ៖ នៅព្រឹកថ្ងៃព្រហស្បតិ៍ ៦ រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ នៅទីស្តីការគណៈរដ្ឋមន្ត្រី ឯកឧត្តម  ឌី ឡាំថា អនុរដ្ឋលេខាធិការ តំណាងឯកឧត្តម ផូ ផារិទ្ធ រដ្ឋលេខាធិការក្រសួងអភិវឌ្ឍន៍ជនបទ អមដោយលោក ផឹង សុផាត អនុប្រធាននាយកដ្ឋានផែនការ និងទំនាក់ទំនងសាធារណៈ បានចូលរួមកិច្ចប្រជុំអន្តរក្រសួង ដើម្បីពិនិត្យ និងពិភាក្សាលើសេចក្តីព្រាងអនុក្រឹត្យ ស្តីពីការគ្រប់គ្រងកម្មវិធីវិនិយោគសាធារណៈ ៣ ឆ្នាំរំកិល ក្រោមកិច្ចដឹកនាំដោយ ឯកឧត្តម ឈាង វណ្ណារិទ្ធ រដ្ឋលេខាធិការ ទីស្ដីការគណៈរដ្ឋមន្ត្រី។

ខេត្តសៀមរាប ៖ នាព្រឹកថ្ងៃពុធ ៥រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៦ ខែមិថុនា ឆ្នាំ២០២៤ នៅសាលប្រជុំមន្ទីរអភិវឌ្ឍន៍ជនបទខេត្តសៀមរាប ឯកឧត្តមបណ្ឌិត នួន ដាញ៉ិល រដ្ឋលេខាធិការ និងជានាយកកម្មវិធី RID4CAM តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំ ជាមួយក្រុមហ៊ុនទទួលការ និងទីប្រឹក្សាបច្ចេកទេស JV INROS LACKNER SE – GITEC IGIP GmbH ដើម្បីពង្រឹង និងពន្លឿនការអនុវត្តការងារសាងសង់ ក្នុងក្របខ័ណ្ឌកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) សម្រាប់ខេត្តព្រះវិហារ ខេត្តសៀមរាប និងខេត្តបាត់ដំបង ដោយមានការអញ្ជើញចូលរួមពីតំណាងក្រុមហ៊ុនទទួលការ ប្រធានការដ្ឋាន វិស្វករ និងអ្នកទទួលបន្ទុកផ្នែកសុវត្ថិភាពសង្គម និងបរិស្ថាន៕

ខេត្តពោធិ៍សាត់៖ នាព្រឹកថ្ងៃពុធ ៥រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងទី២៦ ខែមិថុនា ឆ្នាំ២០២៤ ឯកឧត្តម អុិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមជាអធិបតីភាព ក្នុងពិធីបើកការដ្ឋាន ថែទាំខួបផ្លូវប្រវែង ១០,៣គីឡូម៉ែត្រ ផ្លូវផ្លូវថែទាំប្រចាំប្រវែង ១០៤,៣៥គីឡូម៉ែត្រ សាងសង់អណ្តូងស្នប់ចំនួន២០អណ្តូង និងផ្តល់សម្ភារៈបង្គន់ចំនួន៣០០ឈុត សម្រាប់ផែនការឆ្នាំ២០២៤ របស់មន្ទីរអភិវឌ្ឍន៍ជនបទខេត្តពោធិ៍សាត់ ដែលបានប្រារព្ធឡើងក្នុងភូមិបរវង្ស សង្កាត់ចំរើនផល ក្រុងពោធិ៍សាត់ ខេត្តពោធិ៍សាត់ ដោយមានការអញ្ជើញចូលរួមពី ឯកឧត្តម សុង សុផល អនុរដ្ឋលេខាធិការ ឯកឧត្តម ឡាយ វិសិដ្ឋ អភិបាលរងនៃគណៈអភិបាលខេត្តពោធិ៍សាត់ លោក-ស្រីតំណាងនាយកដ្ឋានផ្គត់ផ្គង់ទឹកជនបទ លោក-ស្រីតំណាងនាយកដ្ឋានថែទាំសុខភាពជនបទ ថ្នាក់ដឹកនាំនិងមន្រ្តីរាជការមន្ទីរអភិវឌ្ឍន៍ជនបទខេត្ត អាជ្ញាធរ និងប្រជាពលរដ្ឋក្នុងសង្កាត់ចំរើនផល សរុបចំនួន ១៧៥រូប។

 

ពិធីបើកការដ្ឋាននាពេលនេះរួមមាន៖

១-បើកការដ្ឋានការងារថែទាំជាលក្ខៈខួប ផ្លូវក្រាលល្បាយក្រួស ចំនួន ០២ខ្សែ ប្រវែងសរុប ១០,៣គ.ម ៖

-ផ្លូវថ្មបីដុំ-ជន្ទូលកូន ប្រវែង ៧.០គ.ម ទទឹងខ្នងលើ ៥ម៉ែត្រ ក្រាលល្បាយក្រួស កម្រាស់ ០,១៨ម និង មានសាងសង់លូមួល ចំនួន ៣កន្លែង។

-ផ្លូវទួលគ្រួស-បរវង្ស-សាយ ប្រវែង ៣,៣គ.ម ទទឹងខ្នងលើ ៥ម៉ែត្រ ក្រាលល្បាយក្រួស កម្រាស់ ០,១៨ម និងមានសាងសង់លូមូល ចំនួន ២កន្លែង។

 

២-បើកការដ្ឋានការងារថែទាំជាលក្ខណៈប្រចាំ ផ្លូវក្រាលល្បាយក្រួស ចំនួន ១០ខ្សែ ប្រវែងសរុប ១០៤,៣៥គ.ម មានដូចខាងក្រោម៖

-ស្រុកបាកានប្រវែង ៧,៧ គ.ម

-ស្រុកតាលោសែនជ័យ ប្រវែង ២៥,៩គម

-ស្រុកក្រគរ ប្រវែង ១៤,៦គម

-ភ្នំក្រវាញ ប្រវែង ៣៥,៧៥គ.ម

-ពោធិ៍សាត់ ប្រវែង ១៦,៣គ.ម

-ស្រុកកណ្ដៀង ប្រវែង ៤,២គ.ម

 

៣-បើកការដ្ឋានការងារសាងសង់អណ្តូងស្នប់ចំនួន ២០អណ្តូង ក្នុងនោះរួមមាន៖

-ស្រុកតាលោសែនជ័យ ចំនួន ០៨ អណ្តូង

-ស្រុកកណ្តៀង ចំនួន ០២ អណ្ដូង

-ស្រុកក្រគរ ចំនួន ០៣ អណ្តូង

-ស្រុកភ្នំក្រវាញ ចំនួន ០៦ អណ្ដូង

-ក្រុងពោធិ៍សាត់ ចំនួន ០១ អណ្ដូង

 

៤-ផ្តល់សម្ភារៈបង្គន់អនាម័យ ចំនួន ៣០០ឈុត សម្រាប់ផែនការ ឆ្នាំ២០២៤ ដូចខាងក្រោម៖

-ស្រុកតាលោសែនជ័យ ឃុំតាលោ ចំនួន ១៧៩ ឈុត

-ក្រុងពោធិ៍សាត់ សង្កាត់ចំរើនផល ចំនួន ១២១ ឈុត។

 

នាពេលរសៀលថ្ងៃដដែល ឯកឧត្តមរដ្ឋលេខាធិការ បានអញ្ជើញដឹកនាំបន្ត កិច្ចប្រជុំបូកសរុបលទ្ធផលការងារប្រចាំឆមាសទី១ និងទិសដៅ ការងារឆមាសទី២ របស់មន្ទីរអភិវឌ្ឍន៍ជនបទខេត្តពោធិ៍សាត់ ដែលមានការអញ្ជើញចូលរួមប្រតិភូអមដំណើរ ឯកឧត្តម ឡាយ វិសិដ្ឋ អភិបាលរងនៃគណៈអភិបាលខេត្តពោធិ៍សាត់ និងថ្នាក់ដឹកនាំ និងមន្រ្តីរាជការមន្ទីរអភិវឌ្ឍន៍ជនបទខេត្ត សរុបចំនួន ៣០រូប។

 

បន្ទាប់ពីការអានរបាយការណ៍ស្តីពី វឌ្ឍនភាពការងារសម្រាប់ឆមាសទី១ ដោយលោក ធីម សុធារ៉ា ប្រធានមន្ទីរ ឯកឧត្តមរដ្ឋលេខាធិការ បានធ្វើការវាយតម្លៃខ្ពស់ ចំពោះសមិទ្ធិផលការងារសម្រេចបានរបស់មន្ទីរក្នុងឆមាសទី១ ឆ្នាំ២០២៤ និងបានផ្តល់ជាអនុសាសន៍លើបញ្ហាប្រឈមរបស់មន្ទីរ និងណែនាំដល់ថ្នាក់ដឹកនាំ និងមន្ដ្រីរាជការទាំងអស់ត្រូវគោរពវិន័យ មានសាមគ្គីភាពផ្ទៃក្នុងឱ្យបានល្អ មានកិច្ចសហការគ្នាល្អ មានការលើកទឹកចិត្ត និងយកចិត្តទុកដាក់លើសុខទុក្ខរបស់មន្រ្ដីរាជការ និងត្រូវខិតខំអនុវត្តន៍នូវបេសកកម្មរបស់ក្រសួងឱ្យទទួលបានជោគជ័យ ជាពិសេសការបញ្ឈប់ការបន្ទោរបង់ពាសវាលពាសកាលក្នុងខេត្តពោធិ៍សាត់ ដើម្បីរួមចំណែកអនុវត្តន៍នូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលឱ្យសម្រេចបានជោគជ័យ ក្រោមការដឹកនាំប្រកបដោយគតិបណ្ឌិតរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា។

អង្គប្រជុំបានបញ្ចប់ទៅក្រោមបរិយាកាសរីករាយស្និទ្ធស្នាលក្រៃលែង៕