ខេត្តព្រៃវែង ៖ នាថ្ងៃអង្គារ ៤កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤ ឯកឧត្តម ជួប រតនា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ប្ញទ្ឋិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយ ឯកឧត្តម ឌុច គន្ធា អភិបាលរង នៃគណៈអភោបាលខេត្តព្រៃវែង និងជាប្រធាន PWG ខេត្តព្រៃវែង ឯកឧត្តម ស្រ៉ិន ពុទ្ធី ទីប្រឹក្សាក្រសួង និងប្រធាននាយកដ្ឋានផ្គត់ផ្គង់ទឹកជនបទ លោក ឡុក វុឌ្ឍី ប្រធានមន្ទីរអភិវឌ្ឍន៍ជនបទខេត្តព្រៃវែង និងលោក លោកស្រីក្រុមការងារ DWG ឃុំកន្សោមអក ស្រុកកំពង់ត្របែក និងឃុំអំពិលក្រៅ ស្រុកស៊ីធរកណ្តាល បានចូលរួមប្រជុំ និងចុះទស្សនកិច្ចសិក្សាផ្ទាល់លើការងារអនាម័យ និងទឹកស្អាតរបស់ប្រជាពលរដ្ឋនៅឃុំកន្សោមអក និងឃុំអំពិលក្រៅ៕

ខេត្តកណ្តាល ៖ នាព្រឹកថ្ងៃពុធ ៥កើត ខែអាសាឍ ឆ្មាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីបើកពិព័រណ៍ផ្សព្វផ្សាយ និងចែកកូនឈើ នៅទីស្តីការក្រសួងបរិស្ថាន ក្រោម អធិបតីភាពដ៏ខ្ពង់ខ្ពស់ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ។

 

ពិធីបើកពិព័រណ៍ផ្សព្វផ្សាយនិងចែកកូនឈើ រៀបចំឡើងក្នុងគោលបំណងតាំងបង្ហាញ និងចែកជូនកូនឈើជូនប្រជាពលរដ្ឋយកទៅដាំដុះតាមគេហដ្ឋាន សាលារៀន វត្តអារាម និងទីសាធារណៈ ដោយឥតគិតថ្លៃ៕

ខេត្តកណ្តាល ៖ នាព្រឹកថ្ងៃពុធ ៥កេីត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ ឯកឧត្តម ផូ ផារិទ្ធ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជាអធិបតីក្នុងពិធីបើកការដ្ឋានការងារកែលម្អផ្លូវក្រាលដីល្បាយថ្មភ្នំ ទៅជាផ្លូវក្រាលបេតុង ចំនួន ០១ខ្សែ ប្រវែង ២ ០០០ម៉ែត្រ ទទឹង ៦ម៉ែត្រ កម្រាស់ ០,២ម៉ែត្រ និងចញ្ចេីមផ្លូវសងខាងក្រាលដីល្បាយក្រួស ទទឹងម្ខាងៗ ១ម៉ែត្រ កម្រាស់ ០,២ម៉ែត្រស្ថិតនៅភូមិកំពង់អូស ឃុំកំពង់អូស ស្រុកពញ្ញាឮ ខេត្តកណ្តាល។

 

នៅក្នុងពិធីនេះផងដែរមានការអញ្ជើញចូលរួម ពីក្រុមប្រឹក្សាឃុំ មេឃុំ នគរបាលប៉ុស្តិ៍ យុវជន និងប្រជាពលរដ្ឋសរុប ៩០នាក់។

 

ចំពោះសមិទ្ធផលនេះជាចំណងដៃថ្មីបន្ថែមទៀតពីរាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ សម្រាប់ប្រជាពលរដ្ឋដែលរស់នៅក្នុងតំបន់នេះប្រេីប្រាស់ ។

 

នាឱកាសនោះ ឯកឧត្តមរដ្ឋលេខាធិការ បានមានមតិសំណេះសំណាល និងពាំនាំនូវការសាកសួរសុខទុក្ខ និងសព្ទសាធុការពរពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ព្រមទាំង ឯកឧត្តមរដ្ឋមន្ត្រី ជូនដល់សមាជិក សមាជិកាទាំងអស់ផងដែរ៕

រាជធានីភ្នំពេញ ៖ នាព្រឹកថ្ងៃពុធ ៥កេីត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១ ០ ខែកក្កដា ឆ្នាំ២០២៤ នៅទីស្តីការគណៈរដ្ឋមន្រ្តី ឯកឧត្តម ប៉ែន ពេជ្រសាលី រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោក ហាក់ សុខម៉េង បានអញ្ជើញចូលរួមកិច្ចប្រជុំអន្តរក្រសួង ដើម្បីបន្តពិនិត្យ និងពិភាក្សាលើសេចក្តីព្រាងច្បាប់ស្តីពីការទទួលខុសត្រូវលេីផលិតផល ក្រោមអធិបតីភាព ឯកឧត្តម ឡេង សេង រដ្ឋលេខាធិការទីស្តីការគណៈរដ្ឋមន្រ្តី  ដែលមានការអញ្ជើញចូលរួមពីតំណាងក្រសួង ស្ថាប័ននានា ប្រមាណ៨០រូប៕

រាជធានីភ្នំពេញ៖ នាព្រឹកថ្ងៃព្រហស្បតិ៍ ១៣រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកក្កដា ឆ្នាំ២០២៤ ឯកឧត្តម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ និងជាប្រធានគ្រប់គ្រងគម្រោង “អភិវឌ្ឍន៍ភូមិតាមវិធីសាស្រ្តចលនាភូមិថ្មី” បានទទួលជួបសម្តែងការគួរសមពីសំណាក់ Dr. ANN Seongil ប្រធាននាយកដ្ឋានកិច្ចសហប្រតិបត្តិការអន្តរជាតិ នៃមជ្ឈមណ្ឌលចលនាភូមិថ្មីកូរ៉េ និងគណៈប្រតិភូនិស្សិតស្ម័គ្រចិត្តកូរ៉េ សរុបចំនួន ៣០នាក់ នៅទីស្តីការក្រសួងអភិវឌ្ឍន៍ជនបទ។

 

ការចូលជួបសម្តែងការគួរសមនេះក្នុងគោលបំណងដឹកនាំក្រុមនិស្សិតស្ម័គ្រចិត្តកូរ៉ មកស្វែងយល់បន្ថែមទៀតអំពីកិច្ចការអភិវឌ្ឍន៍ជនបទនៅកម្ពុជា និងកិច្ចសហប្រតិបត្តិការរវាងមជ្ឈមណ្ឌលចលនាភូមិថ្មីកូរ៉េ និងក្រសួងអភិវឌ្ឍន៍ជនបទ ជាពិសេសកិច្ចសហប្រតិបត្តិការនៃការអនុវត្តគម្រោង “អភិវឌ្ឍន៍ភូមិតាមវិធីសាស្រ្តចលនាភូមិថ្មី” ដែលគាំទ្រដោយមជ្ឈមណ្ឌលចលនាភូមិថ្មីកូរ៉េ។

 

ក្នុងឱកាសនោះដែរ ឯកឧត្តម អឿន ធារិទ្ធ បានទទួលស្វាគមន៍យ៉ាងកក់ក្តៅបំផុត និងបានបង្ហាញពីចក្ខុវិស័យរបស់ក្រសួងអភិវឌ្ឍន៍ជនបទក្នុងការចូលរួមចំណែកអនុវត្តយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជានីតិកាលទី៧ នៃរដ្ឋសភា ក្រោមការដឹកនាំប្រកបដោយបញ្ញាញណរបស់ សម្ដេចមហាបវរធិបតី ហ៊ុន ម៉ាណែត នាយរដ្ឋមន្រ្តី នៃព្រះរាជាណាចក្រកម្ពុជា ដើម្បីកំណើន ការងារ សមធ៌ម ប្រសិទ្ធភាព និងចិរភាព ដែលមានគន្លឹះអាទិភាព៥ គឺ មនុស្ស ផ្លូវ ភ្លើង និងបច្ចេកវិទ្យាឌីជីថល សំដៅសម្រេចឱ្យបានចក្ខុវិស័យកម្ពុជា ជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ ២០៥០។

 

ក្នុងឱកាសនោះដែរ ឯកឧត្តម អឿន ធារិទ្ធ បានពាំនាំនូវមតិផ្តាំផ្ញើសួរសុខទុករបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងបានថ្លែងអំណរគុណយ៉ាងជ្រាលជ្រៅចំពោះមជ្ឈមណ្ឌលចលនាភូមិថ្មីកូរ៉េ ដែលមានកិច្ចសហប្រតិបត្តិល្អជាមួយក្រសួងអភិវឌ្ឍន៍ជនបទ។

 

បន្ទាប់ពីកិច្ចសម្តែងការគួរសមនៅទីស្តីការក្រសួងអភិវឌ្ឍន៍ជនបទ Dr. ANN Seongil និងគណៈប្រតិភូ ព្រមទាំងក្រុមនិស្សិតស្ម័គ្រចិត្ត បានបន្តដំណើរទៅឃុំព្រៃរំដួល ស្រុកភ្នំស្រួច ខេត្តកំពង់ស្ពឺ ដើម្បីធ្វើសកម្មភាពស្ម័គ្រចិត្ត តាមរយៈការផ្លាស់ប្តូរវប្បធម៌ ការធ្វើសកម្មភាពកែលម្អបរិស្ថានក្នុងភូមិរួមគ្នា និងការរៀនពីគ្នាទៅវិញទៅមករវាងកូនសិស្សខ្មែរ និងនិស្សិតកូរ៉េ ក្នុងសាលារៀន និងសហគមន៍ នៅតាមភូមិគោលដៅនៃគម្រោង៕

រាជធានីភ្នំពេញ ÷ នាថ្ងៃអង្គារ ៤កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៩ ខែកក្កដា ឆ្នាំ២០២៤ ទីស្តីការក្រសួងសេដ្ឋកិច្ច និងហិរញ្ញវត្ថុ ឯកឧត្ដម ជី ស៊ីថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ រួមជាមួយ ឯកឧត្តម គង់ ភឿន ប្រធាននាយកដ្ឋានផ្លូវលំជនបទ បានអញ្ជើញចូលរួមកិច្ចប្រជុំលើកទី៣ គណៈកម្មាធិការសម្របសម្រួលអន្តរក្រសួងរៀបចំផែនការមេ ដើម្បីអភិវឌ្ឍខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណង ក្រោមអធិបតីភាពដ៏ខ្ពង់ខ្ពស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការ។

 

កិច្ចប្រជុំនេះក៏មានការអញ្ជើញចូលរួមពីសំណាក់ ឯកឧត្តមឧបនាយករដ្ឋមន្រ្តី ឯកឧត្តម លោកជំទាវ រដ្ឋមន្រ្តី និងឯកឧត្តម លោកជំទាវ ជាតំណាងក្រសួងស្ថាប័នពាក់ព័ន្ធជាច្រើនរូនទៀត ។

 

កិច្ចប្រជុំនេះមានគោលបំណងពិនិត្យ និងកែសម្រួលសេចក្តីព្រាងរបាយការណ៍ផែនការមេរបស់ខេត្តព្រះសីហនុ និងសេចក្តីព្រាងរបាយការណ៍ផែនការសកម្មភាព ព្រមទាំងការស្នើសុំគោលការណ៍ឯកភាពលើការផ្លាស់ប្តូរទីតំាងវិស័យកែច្នៃប្រេង និងគីមីឥន្ធនៈ ពីខេត្តព្រះសីហនុ ទៅខេត្តកំពតផងដែរ ។

 

បន្ទាប់ពីបានពិភាក្សា អង្គប្រជុំបានឯកភាពលើសេចក្តីព្រាងរបាយការណ៍ទាំងពីរ និងការផ្លាស់ប្តូរទីតាំង ដោយបញ្ចូលផែនការមេអភិវឌ្ឍន៍បណ្តាខេត្តជាប់ឆ្នេរសមុទ្រកម្ពុជា ចំនួនបីផ្សេងទៀត ជាមួយផែនការមេរបស់ខេត្តព្រះសីហនុ ទៅជាផែនការមេតែមួយ ដើម្បីដាក់ជូនរាជរដ្ឋាភិបាលអនុម័តនៅដំណាច់ ឆ្នាំ២០២៤ ៕

ខេត្តកំពត៖ នាព្រឹកថ្ងៃអង្គារ ៤ កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤

នៅសាលប្រជុំមន្ទីរអភិវឌ្ឍន៍ជនបទខេត្តកំពត ឯកឧត្តមសាន វិសាល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយឯកឧត្តម អុឹង វណ្ណា អនុរដ្ឋលេខាធិការ និងក្រុមការងារ បានអញ្ជើញជាអធិបតីក្នុងកិច្ចប្រជុំកិច្ចត្រួតពិនិត្យវឌ្ឍនភាពការងារប្រចាំឆមាសទី១ និង លើកទិសដៅការងារបន្តសម្រាប់ឆមាសទី២ ឆ្នាំ២០២៤ របស់មន្ទីរអភិវឌ្ឍន៍ជនបទ ខេត្តកំពត និងមានការអញ្ជើញចូលរួមពី ឯកឧត្តម សេង សេរីបុត្រ អភិបាលរង នៃគណ:អភិបាលខេត្តកំពត។

 

បន្ទាប់ពីបញ្ចប់ការអានរបាយការណ៍ដោយលោកប្រធានមន្ទីរអភិវឌ្ឍន៍ជនបទខេត្តកំពត រួចមក ក្នុងឱកាសនោះ ឯកឧត្តមរដ្ឋលេខាធិការ បានពាំនាំនូវការផ្តាំផ្ញើសាកសួរសុខទុក្ខពីសំណាក់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងសម្តែងនូវការកោតសរសើរចំពោះថ្នាក់ដឹកនាំ និងមន្ត្រីទាំងអស់ ដែលបានខិតខំបំពេញការងារបានល្អនាពេលកន្លងមក ទន្ទឹមនឹងនោះ ឯកឧត្តមរដ្ឋលេខាធិការ បានណែនាំ និងផ្តល់អនុសាសន៍មួយចំនួនដូចខាងក្រោម៖

 

– ស្នើឱ្យមន្ត្រីរាជការទាំងអស់នៃមន្ទីរអភិវឌ្ឍន៍ជនបទ ត្រូវខិតខំបំពេញការងារដើម្បីឆ្លើយតបជាមួយនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។

 

-ត្រូវខិតខំបំពេញការងារទាំងអស់គ្នាដើម្បីឱ្យប្រជាពលរដ្ឋទទួលបានប្រាក់ចំណូលមធ្យមកម្រិតខ្ពស់ ក្នុងឆ្នាំ២០៣០ និងចំណូលកម្រិតខ្ពស់ក្នុងឆ្នាំ២០៥០។

 

-ស្នើឲ្យថ្នាក់ដឹកនាំ និងមន្ត្រីរាជការទាំងអស់នៃមន្ទីរ ត្រូវខិតខំគោរពវិន័យ ថែរក្សាបរិស្ថានខាងក្នុង និង ក្រៅមន្ទីរឱ្យបានស្អាត មានអនាម័យល្អ និងសុំកុំឱ្យមានការស្នាក់នៅក្នុងបន្ទប់ការិយាល័យធ្វើការ។

 

-ស្នើឱ្យមន្ទីរខិតខំធ្វើការ សហការនិងជម្រុញ ដល់អជ្ញាធរ ភូមិ  ឃុំ  ស្រុក លើការងារអនាម័យក្នុង ក្រុង / ស្រុកទាំង៧ ដែលមិនទាន់ទទួលបាន ODF ដើម្បីឈានដល់ការប្រកាសទទួលបាន ODF ក្នុងខេត្តកំពតទាំងមូល។

 

-ស្នើឱ្យមន្ទីរយកចិត្តទុកដាក់ពង្រឹងសមត្ថភាព និង ធ្វើ បច្ចុប្បន្ន គ.អ.ភ ឡើងវិញ ជាពិសេសនៅទីតាំងជ្រើសរើសភូមិគម្រូ។

 

– ណែនាំឱ្យថ្នាក់ដឹកនាំ និងមន្ត្រីរាជការទាំងអស់នៃមន្ទីរត្រៀមទូងស្គរ  ទះប៉ោត និង វាយ ជួង ជាការសារទរចំពោះការបើកការដ្ឋានគម្រោងសាងសង់ព្រែកជីកហ្វូណនតេជោ ក្នុង ថ្ងៃទី៥ ខែសីហា ឆ្នាំ២០២៤ ខាងមុខនេះ។  នាឱកាសដ៏មានអត្ថន័យនេះ ឯកឧត្តម រដ្ឋលេខាធិការ បានប្រគល់ជូននូវ ទូរទស្សន៍ជាស្មាតTV ទំហំ ៨៥ អ៊ីង ចំនួន១គ្រឿងជាអំណោយដ៏ថ្លៃថ្លារបស់ឯកឧត្តម ឆាយ ឬទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ជូនដល់មន្ទីរដើម្បីប្រើប្រាស់ជាប្រយោជន៍រួម ។

 

នារសៀលថ្ងៃដដែលនេះ ឯកឧត្តមរដ្ឋលេខាធិការ បានបន្តចុះពិនិត្យសមិទ្ធផល និងចែកសម្ភារៈបង្គន់មួយចំនួនទៀតរួមមាន៖

 

–  ចែកសម្ភារៈបង្គន់អនាម័យជូនប្រជាពលរដ្ឋចំនួន ១៨ គ្រួសារ និងពិនិត្យអណ្តូង Afridev នៅក្នុងភូមិត្រពាំងច្រាប ឃុំថ្មី ស្រុកទឹកឈូ។

 

-ពិនិត្យការដ្ឋានសាងសង់ផ្លូវកៅស៊ូ,បេតុង របស់គម្រោង SAAMBAT ចំនួន ២ ខែ្ស ប្រវែងសរុប ១៦ ១៦៩ ម៉ែត្រ ស្ថិតនៅក្នុងស្រុកទឹកឈូ ខេត្តកំពត ។ ឯកឧត្តមរដ្ឋលេខាធិការ បានណែនាំដល់ក្រុមហ៊ុនសាងសង់ឱ្យយកចិត្តទុកដាក់ខ្ពស់អនុវត្តតាមបទដ្ឋានបច្ចេកទេស អនុវត្តតាមបទដ្ឋានបច្ចេកដើម្បីធានាឲ្យគុណភាពផ្លូវជនបទមានភាពរឹងមាំនិងយូរអង្វែង៕