រាជធានីភ្នំពេញ ៖ នាព្រឹកថ្ងៃព្រហស្បតិ៍ ៦កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែកក្កដា ឆ្នាំ២០២៤ នៅទីស្ដីការក្រសួង ឯកឧត្ដមបណ្ឌិត នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំ ខែកក្កដា និងលើកទិសដៅការងារ ខែសីហា ឆ្នាំ២០២៤ របស់នាយកដ្ឋានបណ្តុះបណ្តាល និងស្រាវជ្រាវ ។

កិច្ចប្រជុំនេះមានការអញ្ជើញចូលរួមពី ឯកឧត្តម អនុរដ្ឋលេខាធិការទទួលបន្ទុក លោកប្រធាននិង អនុប្រធាននាយកដ្ឋាន ប្រធាននិងអនុប្រធានការិយាល័យ និងមន្ត្រីរាជការក្នុងនាយកដ្ឋានសរុបចំនួន ២៩រូប។

ជាកិច្ចចាប់ផ្ដើម ឯកឧត្ដមបណ្ឌិត នួន ពេជ្រនិមិត្ត

បានមានប្រសាសន៍បើកអង្គប្រជុំ និងបានផ្ដល់វេទិកាជូនលោក ឌី សារ៉ាត់ ប្រធាននាយកដ្ឋានបណ្ដុះបណ្ដាល និងស្រាវជ្រាវ  ដើម្បីអានរបាយការណ៍ស្ដីពី វឌ្ឍនភាពការងាររួម និងផ្ដល់វេទិកាជូនប្រធានការិយាល័យជំនាញ ឬតំណាងការិយាល័យទាំង៥ ចំណុះនាយកដ្ឋាន ពិភាក្សា លើបញ្ហាប្រឈមនានា ដើម្បីស្វែងរកដំណោះស្រាយ និងដាក់ទិសដៅអនុវត្តការងារបន្ដឱ្យកាន់តែមានប្រសិទ្ធភាព។

ក្នុងឱកាសនោះ ឯកឧត្ដមបណ្ឌិត ប្រធានអង្គប្រជុំបានផ្ដល់អនុសាសន៍មួយដល់ថ្នាក់ដឹកនាំ និងមន្រ្ដីរាជការចំនួនដូចខាងក្រោម ៖

១. ត្រូវខិតខំសម្រេចឱ្យបាននូវរាល់ទិសដៅការងារដែលបានដាក់ចេញក្នុងខែកន្លងមក និងត្រូវរាយការណ៍ជូនអង្គប្រជុំនៅក្នុងកិច្ចប្រជុំនាខែបន្ទាប់។

២. ត្រូវបន្តពង្រឹងគុណភាពបណ្តុះបណ្តាល ឱ្យកាន់តែល្អប្រសើរឡើងឆ្លើយតបនឹងតម្រូវការជាក់ស្តែង។

៣. ត្រូវបង្កើនការផ្សព្វផ្សាយរាល់សកម្មភាពបណ្តុះបណ្តាលទាំងការបណ្តុះបណ្តាលមន្រ្តី និងប្រជាពលរដ្ឋនៅជនបទ ដើម្បីគោរពជូនថ្នាក់ដឹកនាំក្រសួង និងមហាជនជ្រាប៕

រាជធានីភ្នំពេញ ៖ នាព្រឹកថ្ងៃព្រហស្បតិ៍ ៦កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែកក្តដា ឆ្នាំ ២០២៤ ឯកឧត្តម គុយ ឆាយ រដ្ឋលេខាធិការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកស្វាយជ្រុំ ខេត្តស្វាយរៀង តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារប្រចាំឆមាសទី១ និងលើកទិសដៅការងារឆមាសទី២ ឆ្នាំ២០២៤ របស់ក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ក្រោមអធិបតីភាពដ៍ខ្ពង់ខ្ពស់លោកជំទាវបណ្ឌិតសភាចារ្យ ភឿន សកុណា រដ្ឋមន្ត្រីក្រសួងវប្បធម៌ និងវិចិត្រសិល្ប: និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តស្វាយរៀង ដោយមានការអញ្ជើញចូលរួមពីសំណាក់ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គនាយក ប្រធានក្រុមប្រឹក្សាខេត្ត អភិបាល នៃគណៈអភិបាលខេត្ត និងលោក លោកស្រី ជាអនុប្រធានក្រុមការងារចុះមូលដ្ឋានខេត្ត និងប្រធាន អនុប្រធាន ក្រុមការងារចុះមូលដ្ឋានក្រុង ស្រុក សរុបចំនួន ២៩៥នាក់ ស្រី ៧៨នាក់៕

រាជធានីភ្នំពេញ៖ នាព្រឹកថ្ងៃព្រហស្បតិ៍ ៦កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១១ ខែកក្កដា ឆ្នាំ២០២៤ ឯកឧត្តមបណ្ឌិត សួស គង់ រដ្ឋលេខាធិការ និងជាអ្នកសម្របសម្រួល គម្រោងកែលម្អការតភ្ជាប់ផ្លូវជនបទ (RRCIP) ដោយមានការអញ្ជើញចូលរួមផងដែរពីសំណាក់ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោង និងលោក ផេង សំបូរ ប្រធាននាយកដ្ឋានផែនការនិងទំនាក់ទំនងសាធារណៈ និងជាប្រធានគ្រប់គ្រងគម្រោង បានដឹកនំាកិច្ចប្រជុំ Kick-off ជាមួយក្រុមហ៊ុន Nippon Koei Co., Ltd ដឹកដោយលោក Yoshihisa Yamashita, Team Leader ដែលបានទទួលកិច្ចសន្យាពីក្រសួងអភិវឌ្ឍន៍ជនបទ លើការសិក្សាគ្រោងប្លង់ និងត្រួតពិនិត្យការអនុវត្តគម្រោង កែលម្អការតភ្ជាប់ផ្លូវជនបទ ក្រោមហិរញ្ញប្បទានរបស់ទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA)។ កិច្ចប្រជុំនេះ ក៏មានការអញ្ជើញចូលរួមពីមន្ត្រីបច្ចេកទេសគម្រោងក្រសួង (PMU) និងសហការី នៃក្រុមហ៊ុន Nippon Koei Co., Ltd ដែលចូលរួមដោយផ្ទាល់ ព្រមទាំងលោកប្រធានមន្ទីរអភិវឌ្ឍន៍ជនបទ និងមន្ត្រីបច្ចេកទេសរបស់ខេត្តគោលដៅទាំង៤ ដែលចូលរួមប្រជុំតាមប្រព័ន្ធនិម្មិត Zoom។

គួរបញ្ជាក់ផងដែរថា៖ គម្រោងកែលម្អការតភ្ជាប់ផ្លូវជនបទ (RRCIP) ត្រូវកែលម្អផ្លូវជនបទឱ្យទៅជាផ្លូវក្រាលកៅស៊ូពីរជាន់ប្រភេទ DBST ប្រវែងសរុប ៥២០ គ.ម. ស្ថិតនៅខេត្តកំពង់ឆ្នាំង, ពោធិ៍សាត់, បាត់ដំបង និងខេត្តបន្ទាយមានជ័យ។

ជាលទ្ធផល កិច្ចប្រជុំ សម្រេចបានលទ្ធផលសំខាន់ៗ រួមមាន៖ បានឯកភាពគ្នាលើគោលបំណងគម្រោង (ដូចមានចែងក្នុងឯកសារគម្រោង), បានបញ្ជាក់និងឯកភាពលើប្រតិទិនការងារអនុវត្តគម្រោង, ព្រមទាំងបានបញ្ជាក់និងឯកភាពលើលក្ខខណ្ឌនិងប្រតិទិនការងារចុះសិក្សាគ្រោងប្លង់លម្អិត។