រាជធានីភ្នំពេញ: នាព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៩ ខែធ្នូ ឆ្នាំ២០២៤ ឯកឧត្តម ម៉ា សុវណ្ណា អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ប្ញទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញចូលរួមកិច្ចប្រជុំគណៈ កម្មាធិការសម្របសម្រួល ការងារសម្រាប់យន្តការវេទិការាជរដ្ឋាភិបាល-ផ្នែកឯកជន ដែលបានប្រព្រឹត្តទៅនៅក្រុមប្រឹក្សាភិវឌ្ឍន៍កម្ពុជា (CDC) ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាភិវឌ្ឍន៍កម្ពុជា។ កិច្ចប្រជុំនេះដែរក៏ មានការចូលរួមឯកឧត្តម លោកជំទាវ សមាជិក សមាជិកាក្រុមការងារ ២៤រូប , ផ្នែកឯកជនចំនួន ១៦ ក្រុម សរុបប្រមាណ ៦០នាក់ ។

 

ឯកឧត្តមឧបនាយករដ្ឋមន្រ្តីអនុប្រធានទី១ ក្រុមប្រឹក្សាភិវឌ្ឍន៍កម្ពុជាបានលើកឡើង ថាកិច្ចប្រជុំនេះធ្វើឡើង៦ខែម្តងដើម្បីតាមដានវឌ្ឍនភាពការងាររបស់គណៈកម្មាធិការ ។ កិច្ចប្រជុំមានគោលបំណង ៣គឺ ៖ទី១.ពិនិត្យបញ្ហាការប្រឈមរបស់វិស័យឯកជនទាំង ១៦ក្រុម ។

ទី២.ការសំណូមពរដោះស្រាយរបស់វិស័យឯកជននិង ទី៣.ធ្វើរបាយការណ៍ ឆមាសទី១ ឆ្នាំ២០២៤ គោរពរាយការណ៍ជូនសម្តេចធិបតី នាយករដ្ឋមន្ត្រី និងជាប្រធាន ក្រុមប្រឹក្សាអភិវឌ្ឍន៍កម្ពុជា ។

 

ឯឧត្តមប្រធានអង្គប្រជុំបានលើកឡើងពីកិច្ចខិតខំប្រឹងប្រែងទាក់ទាញក្រុមហ៊ុនវិនិយោគធំៗល្បីៗ មករកស៊ីនៅកម្ពុជាដូចជាក្រុមហ៊ុន ផលិតរថយន្ត Ford  និង បានអនុម័ត ៤១៤ គំរោងដែលមានទឹកប្រាក់ជិត ៧ លានដុល្លា នៅឆ្នាំ២០២៤ ដោយប្រើប្រព័ន្ធ Digital Registration Investment ។ នៅឆ្នាំ២០២៥ ក្រុមហ៊ុន  BYD នឹងតម្លើងរោចចក្រនៅកម្ពុជា ។ ក្រុមហ៊ុនផលិតសំបកកង់រថយន្តជាដើមមកវិនិយោគនៅកម្ពុជាបន្ថែមទៀត ។ តំណាងសភាពាណិជ្ជកម្ម លោកឧកញ៉ា លឹម សុជាតិ ក៏បានសរសើរ និងអបអរសាទរដល់ CDC ដែលមានវឌ្ឍនភាពយ៉ាងច្រើនក្នុងអណត្តិនេះ និងដោះស្រាយ បញ្ហាក៏ដូចជាអនុម័តគំរោងវិនិយោគបានលឿន ( Online Approved with 20 days) ។

បន្ទាប់មកមានកិច្ចពិភាក្សារវាងវិស័យឯកជន និងរាជរដ្ឋាភិបាល ដើម្បីរកដំណោះស្រាយផ្សេងៗ និងពន្លឿនការងារអោយបានឆាប់រហ័សនិងមានប្រសិទ្ធភាព និងបានបញ្ចប់ដោយរលូន និងប្រកបដោយផ្លែផ្កា ។

រាជធានីភ្នំពេញ៖ នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៨ ខែធ្នូ ២០២៤ នៅទីស្តីការក្រសួង ឯកឧត្ដម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឬទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបវឌ្ឍនភាពការងារប្រចាំខែធ្នូ ឆ្នាំ២០២៤ និងលើកទិសដៅការងារបន្ត របស់នាយកដ្ឋានអភិវឌ្ឍន៍ជនជាតិភាគតិច ដោយមានការអញ្ជើញចូលរួមពីសំណាក់ឯកឧត្តមអនុរដ្ឋលេខាធិការ លោកអគ្គនាយករង លោកស្រី លោកប្រធាន អនុប្រធាននាយកដ្ឋាន និងមន្ត្រីជំនាញក្រោមឱវាទ។

 

កិច្ចប្រជុំនេះមានគោលបំណង ដើម្បីត្រួតពិនិត្យលទ្ធផលការងារប្រចាំខែធ្នូ និងប្រចាំឆ្នាំ ២០២៤ ដែលបានអនុវត្តនាពេលកន្លងមក ព្រមទាំងលើកយកបញ្ហាប្រឈមមួយចំនួនដែលជួបប្រទះ និងស្វែងរកដំណោះស្រាយរួមគ្នា សម្រាប់អនុវត្តបន្តនៅឆ្នាំ២០២៥៕

ខេត្តកោះកុង ៖ នាថ្ងៃពុធ៣រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ លោកជំទាវ ឯក គន្ធវារី អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃលើការងារថែទាំជាខួបផ្លូវចំនួន ១ខ្សែ ដោយក្រាលល្បាយក្រួស ប្រវែងសរុប ៧ ៤០០ម៉ែត្រ និងសំណង់សិល្បការ្យមួយចំនួន ស្ថិតក្នុងឃុំប៉ាក់ខ្លង ស្រុកមណ្ឌលសីមា ខេត្តកោះកុង អនុវត្តដោយមន្ទីរអភិវឌ្ឍន៍ជនបទខេត្តកោះកុង។

 

បន្ទាប់ពីបានត្រួតពិនិត្យ និងប្រជុំពិភាក្សាជាមួយអ្នកទទួលការ អ្នកបច្ចេកទេស និងគណៈកម្មការអន្តរក្រសួងបានឯកភាព និងទទួលយកបញ្ចប់ការងារ ១០០% តាមការស្នើសុំរបស់អ្នកទទួលការ។

 

ជាមួយគ្នានេះ លោកជំទាវ ឯក គន្ធវារី បានជួបសំណេះសំណាលជាមួយប្រជាពលរដ្ឋដែលជាអ្នកទទួលផល អាជ្ញាធរ មូលដ្ឋាន ភូមិ ឃុំ ស្រុក និងបានសំណូមពរសូមឱ្យបងប្អូនប្រជាពលរដ្ឋជួយថែទាំផ្លូវនេះឱ្យបានដិតដល់ដើម្បីធានាថាផ្លូវនេះអាចប្រើប្រាស់បានយូរអង្វែង ដើម្បីបម្រើផលប្រយោជន៍ជូនបងប្អូនប្រជាពលរដ្ឋ៕

ខេត្តតាកែវ ៖ នាថ្ងៃពុធ ៣រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ ឯកឧត្តមបណ្ឌិត នួន ដាញ៉ិល រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំគណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ ចុះត្រួតពិនិត្យ និងវាយតម្លៃលទ្ធផលការងារផ្លូវថែទាំខួបផ្លូវចំនួន ៣ខ្សែ ប្រភេទកម្រាលល្បាយក្រួស ប្រវែងសរុប ១៣ ៥០០ម៉ែត្រ ស្ថិតក្នុងឃុំរនាម ឃុំគោកព្រេច និងឃុំព្រៃស្លឹក ស្រុកគរីវង់ និងស្រុកទ្រាំង ខេត្តតាកែវ អនុវត្តដោយមន្ទីរអភិវឌ្ឍន៍ជនបទខេត្តតាកែវ។

 

បន្ទាប់ពីបានត្រួតពិនិត្យ និងប្រជុំពិភាក្សាជាមួយអ្នកទទួលការ អ្នកបច្ចេកទេស និងគណៈកម្មការអន្តរក្រសួងរួចមក គណៈកម្មការបានឯកភាព និងទទួលយកការអនុវត្តការងារបញ្ចប់ ១០០% តាមការស្នើសុំរបស់អ្នកទទួលការ។

 

ជាមួយគ្នានេះ ឯកឧត្តមបណ្ឌិតរដ្ឋលេខាធិការ បានជួបសំណេះសំណាល និងពាំនាំនូវប្រសាសន៍ផ្ដាំផ្ញើសួរសុខទុក្ខ ប្រកបដោយមនោសញ្ចេតនា សេចក្តីនឹករលឹកយ៉ាងជ្រាលជ្រៅ និងពរសព្ទសាធុការពីសំណាក់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ព្រមទាំងបានអំពាវនាវដល់ប្រជាពលរដ្ឋដែលជាអ្នកទទួលផល អាជ្ញាធរ មូលដ្ឋាន ភូមិ ឃុំ ស្រុក និងបានសំណូមពរសូមឱ្យបងប្អូនប្រជាពលរដ្ឋជួយថែទាំផ្លូវនេះឱ្យបានដិតដល់ដើម្បីធានាថាផ្លូវនេះអាចប្រើប្រាស់បានយូរអង្វែង អាចបម្រើផលប្រយោជន៍ជូនប្រជាពលរដ្ឋ៕

ខេត្តសៀមរាប ÷ នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ លោកជំទាវ ហូ សុវណ្ណិកា រដ្ឋលេខាធិការ និងជានាយកគម្រោង កែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដោយមានការចូលរួមពី លោកជំទាវ ឡាយ វិរៈបុត្រ អនុរដ្ឋលេខាធិការ និងជានាយករងគម្រោង លោក ផេង សំបូរ ប្រធាននាយកដ្ឋានផែនការ និងទំនាក់ទំនងសាធារណៈ និងជាប្រធានគ្រប់គ្រងគម្រោង ក្រុមការងារគម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) របស់ក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីបើកសិក្ខាសាលា ស្តីពីការឆ្លុះបញ្ចាំនៃកាអនុវត្ត និងត្រួតពិនិត្យលើវឌ្ឍនភាពរបស់គម្រោងប្រចាំឆ្នាំ និងមានការអញ្ជើញចូលរួមពី តំណាងធនាគារពិភពលោក ប្រធានកមន្ទីរអនុវត្តន៍គម្រោងទាំង៣ខេត្ត (ត្បូងឃ្មុំ កំពង់ចាម ក្រចេះ) ជាទីប្រឹក្សាជាតិ មន្ត្រីតំណាងនាយកដ្ឋានចំនួន៤ នៃក្រសួងអភិវឌ្ឍន៍ជនបទ និងមន្រ្តីអនុវត្តគម្រោង ដែលមានសមាសភាពសរុបចំនួន៤១នាក់ ស្រី១៨នាក់ នៅសណ្ឋាគារ The Sanctuary Residence ខេត្តសៀមរាប ចាប់ពីថ្ងៃទី១៨-២០ ខែធ្នូ ឆ្នាំ២០២៤។

 

គោលបំណងនៃសិក្ខាសាលានេះ គឺដើម្បីពិភាក្សា និងវាយតម្លៃវឌ្ឍនភាព ការកំណត់បញ្ហាប្រឈម និងការឆ្លុះបញ្ចាំងពីបទពិសោធន៍ការងារដែលបានអនុវត្តន៍នាពេលកន្លងមក៕

រាជធានីភ្នំពេញ៖ នាថ្ងៃសុក្រ ១៣កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ នៅសណ្ឋាគារ Hyatt Regency Phnom Penh ឯកឧត្តម លោកជំទាវ ជានាយក នាយករង និងប្រធានគ្រប់គ្រងគម្រោង និងលោក លោកស្រី ជាមន្ត្រីជំនាញតាមគម្រោងពីក្រសួងអភិវឌ្ឍន៍ជនបទ សរុបចំនួន ២៧រូប បានអញ្ជើញចូលរួមកិច្ចប្រជុំពិគ្រោះយោបល់លើសេចក្តីព្រាងគោលការណ៍ណែនាំស្តីពីការវាយតម្លៃសមិទ្ធកម្មគម្រោងក្រោមក្របខ័ណ្ឌហិរញ្ញប្បទានពីស្ថាប័នហិរញ្ញវត្ថុ និងដៃគូអភិវឌ្ឍ, ពីការឱ្យខ្ចីផ្ទាល់ពីរដ្ឋ, និងពីមូលបត្ររដ្ឋ ដែលរៀបចំដោយអគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល (អ.ស.ប.) នៃក្រសួងសេដ្ឋកិច្ច និងហិរញ្ញវត្ថុ ក្រោមអធិបតីភាព ឯកឧត្តម ឈួន សំរិទ្ធិ អនុរដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ៕

រាជធានីភ្នំពេញ៖ នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ នៅសាលប្រជុំទីស្តីការ ឯកឧត្តម ប៉ែន ពេជ្រសាលី រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំក្រុមការងារទទួលជួបពិភាក្សាការងារជាមួយប្រតិភូទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដែលដឹកនាំដោយលោកបណ្ឌិត Kyechun Lee ជានាយកគម្រោង និងប្រតិភូក្រសួងអភិវឌ្ឍន៍ជនបទ មានការអញ្ជើញចូលរួមពី ឯកឧត្តម ពុត ហេម៉ុណ្ណា អនុរដ្ឋលេខាធិការ ឯកឧត្តមអគ្គនាយកនៃអគ្គនាយកដ្ឋានបច្ចេកទេស លោក លោកស្រីជាតំណាងអគ្គនាយកដ្ឋានរដ្ឋបាល និងហិរញ្ញវត្ថុ នាយកដ្ឋានផែនការ និងទំនាក់ទំនងអន្តរជាតិ នាយកដ្ឋានអភិវឌ្ឍន៍សហគមន៍ និងនាយកដ្ឋានរដ្ឋបាល និងបុគ្គលិក។

 

ក្នុងជំនួបពិភាក្សានេះ បានអង្គប្រជុំបានពិភាក្សាលើ កិច្ចសហប្រតិបត្តិការរវាងក្រសួងអភិវឌ្ឍន៍ជនបទ និងទីភ្នាក់ងារសហប្រតិបត្តិការអន្តរជាតិកូរ៉េ លើការងារអភិវឌ្ឍន៍ជនបទ ពាក់ព័ន្ធនឹងតម្រូវការ និងវិស័យអាទិភាពនៃផែនការប្រទេស (Country plan) របស់ទីភ្នាក់ងារសហប្រតិបត្តិការអន្តរជាតិកូរ៉េ សម្រាប់ព្រះរាជាណាចក្រកម្ពុជា៕

ខេត្តកំពង់ឆ្នាំង៖នាថ្ងៃអង្គារ ២រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១២ ខែធ្នូ ឆ្នាំ២០២៤ លោក កាយ សុខជា អនុប្រធានមន្ទីរអភិវឌ្ឍន៍ជនបទខេត្តកំពង់ឆ្នាំង បានចូលរួមបើកសិក្ខាសាលាពិគ្រោះយោបល់ស្តីពីដំណាំសក្តានុពល ក្នុងការផ្សាភ្ជាប់ផលិតផល ទៅកាន់ទីផ្សារសហគមន៍ រៀបចំដោយអង្គការបំប៉នវិជ្ជាជីវៈ អភិវឌ្ឍន៍សេដ្ឋកិច្ច និងកសិកម្មជនបទ ដោយមានការចូលរួមពីមន្រ្តីនៃមន្ទីរអភិវឌ្ឍន៍ជនបទខេត្ត ក្រុមប្រឹក្សាឃុំ និងភូមិ ដែលមានសិក្ខាកាមជាសមាជិកក្រុមផលិតចំនួន២៥នាក់ ស្រ្តី  ២០នាក់ ដែលប្រព្រឹត្តិទៅនៅសាលាបុណ្យភូមិអូរលាជ ឃុំបន្ទាយព្រាល ស្រុករលាប្អៀរ ខេត្តកំពង់ឆ្នាំង ។

 

សិក្ខាសាលានេះមានគោលបំណង៖

-ស្វែងរកការឯកភាពគ្នារវាងជនបង្គោល និងសមាជិកក្រុមផលិត  ដើម្បីចាត់អាទិភាពលើផលិតផលសក្តានុពល នៅក្នុងសហគមន៍ ដែលឆ្លើយតបនឹងតម្រូវការទីផ្សារ  ធ្វើផែនការផលិតជាក្រុម និងផែនការបង្វឹកកសិករ

-សមាជិកក្រុមផលិត និងអាជ្ញាធរមូលដ្ឋាន អាចកំណត់អ្នកប្រមូលទិញ ដើម្បីនាំទៅកាន់ទីផ្សារ(ផ្សារពង្រ និងផ្សារកំពង់ឆ្នាំង)

– អាជ្ញាធរមូលដ្ឋាន និងមន្ទីរអង្គភាពជំនាញចូលរូមជំរុញ និងដោះស្រាយនូវបញ្ហាប្រឈមរបស់ក្រុមផលិត។

 

សូមបញ្ជាក់ថា៖ ភូមិអូរលាជ មានប្រពលរដ្ឋសរុប១២០គ្រួសារ និងផ្ទៃដីកសិកម្ម មានចំនួន៤៧៥ហិកតា  ប្រជាកសិករដាំដំណាំគ្រួសារ ដាំគ្រប់រដូវ មានចំនួន៩០ គ្រួសារ លើផ្ទៃ ៧៣ហិកតា ដូចជាត្រសក់ ស្ពៃ សាលាដ ត្រកួន ផ្ទី ត្រប់ ជីរណា និងសណ្តែកដី ។