ខេត្តពោធិ៍សាត់៖ នាព្រឹកថ្ងៃពុធ ១១រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែកក្កដា ឆ្នាំ ២០២៤ ឯកឧត្តមបណ្ឌិត លឹម អុីវ​ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំគណៈកម្មាធិការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អមដំណើរដោយក្រុមការបច្ចេកទេសផ្លូវជនបទ​របស់មន្ទីរអភិវឌ្ឍន៍ជនបទខេត្តពោធិ៍សាត់ ចុះពិនិត្យគម្រោង ៣កន្លែង ដែលប្រើប្រាស់ថវិកា ក្នុងផែនការឆ្នាំ២០២៥ ដូចខាងក្រោម៖

១/​ ផ្លូវក្រាលល្បាយក្រួស ប្រវែង ៥,១គីឡូម៉ែត្រ និងសំណង់សិល្បការ្យ នៅតំបន់ដី​ សម្បទានសង្គមកិច្ចប៊ុនរ៉ានីសែនជ័យដំណាក់ត្រយឹង ស្ថិតនៅក្នុង ឃុំព្រងិល ស្រុកភ្នំក្រវាញ ខេត្តពោធិ៍សាត់។

២/​ ផ្លូវក្រាលកៅស៊ូ២ជាន់ ១ខ្សែប្រវែង ៧ គីឡូម៉ែត្រ ដោយតភ្ជាប់ពីឃុំអន្លង់វិល ស្រុកកណ្តៀង ទៅកាន់ ឃុំកំពង់ពោធិ៍ ស្រុកក្រគរ ខេត្តពោធិ៍សាត់។

៣/ស្ពាន ១កន្លែង ប្រវែង ១៤៤ម៉ែត្រ តភ្ជាប់ពីភូមិបោះពួយ ឃុំលាច ទៅភូមិព្រែក៣ ឃុំសំរោង ស្រុកភ្នំក្រវាញ ខេត្តពោធិ៍សាត់​ ។

 

រាជធានីភ្នំពេញ ៖ នាព្រឹកថ្ងៃពុធ ១១រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤ នៅទីស្តីការក្រសួងមហាផ្ទៃ ឯកឧត្ដមបណ្ឌិត ជ្រុន ថេរ៉ាវ៉ាត រដ្ឋលេខាធិការ តំណាងដ៏ខ្ពង់ខ្ពស់ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន័ជនបទ បានអញ្ជើញចូលរួមក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំ ឆមាសទី១ និងលើកទីសដៅឆមាសទី២ ក្រោមអធិបតីភាពដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ៕

រាជធានីភ្នំពេញ ៖ នាថ្ងៃពុធ ១១រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣១ ខែកក្កដា ឆ្នាំ២០២៤ ឯកឧត្តមបណ្ឌិត នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ប្ញទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាលរបស់មជ្ឈមណ្ឌលបណ្តុះបណ្តាលជំនាញមូលដ្ឋាន នៃមន្ទីរអភិវឌ្ឍន៍ជនបទខេត្តបាត់ដំបង និងនាយកដ្ឋានបណ្តុះបណ្តាល និងស្រាវជ្រាវ ដោយលើជំនាញចំនួន៣ រួមមាន (១) ការថែទាំគ្រឿងយន្តកសិកម្ម (២) ការរៀបចំធ្វើសួនបន្លែទំនើប និង (៣) ការចិញ្ចឹមមាន់។

ពិធីខាងលើ ប្រព្រឹត្តទៅនៅវត្តព្រែកជីក ឃុំព្រែកជីក ស្រុករុក្ខគិរី ខេត្តបាត់ដំបង ដោយអញ្ជើញចូលរួមក្នុងពិធីនេះរួមមាន ឯកឧត្តមអនុរដ្ឋលេខាធិការ លោកអគ្គនាយករង នៃអគ្គនាយកដ្ឋានបច្ចេកទេស លោកប្រធាន-អនុប្រធាននាយកដ្ឋាន ព្រមទាំងលោក ប្រធាន-អនុប្រធានមន្ទីរអភិវឌ្ឍន៍ជនបទខេត្ត លោកស្រីអភិបាល នៃគណៈអភិបាលស្រុក លោកមេឃុំ លោកមេភូមិ នាយិការមជ្ឈមណ្ឌល លោកនាយក លោកនាយករង លោកគ្រូ អ្នកគ្រូ និងលោកស្រី សរុបប្រមាណ ១១៩រូប៕

ខេត្តក្រចេះ ៖ នាព្រឹកថ្ងៃអង្គារ ១០រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ ឯកឧត្តម  អ៊ុក ពញ្ញា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ ឯកឧត្តម គង់ វីរៈ អនុរដ្ឋលេខាធិការ បានអញ្ជើញដឹកនាំកិច្ចប្រជុំត្រួតពិនិត្យ និងបូកសរុបលទ្ធផលការងារប្រចាំត្រីមាសទី២ និងលើកទិសដៅការងារបន្ត ត្រីមាសទី៣ ឆ្នាំ២០២៤ របស់មន្ទីរអភិវឌ្ឍន៍ជនបទខេត្តក្រចេះ ដោយមានការអញ្ជើញចូលរួមពីឯកឧត្តម គង់ គឹមនី អភិបាលរង នៃគណៈអភិបាលខេត្តក្រចេះ។

 

ក្រោយពីលោកប្រធានមន្ទីរអភិវឌ្ឍន៍បានអានរបាយការណ៍លទ្ធផលការងាររួចមក ឯកឧត្តមអភិបាលរងខេត្ត បានមានមតិ និងវាយតម្លៃខ្ពស់ពីលទ្ធផលការងាររបស់មន្ទីរអនុវត្តសម្រេចបាន។

 

ជាកិច្ចបន្ត ឯកឧត្តមរដ្ឋលេខាធិការ បានឡើងមានប្រសាសន៍សំណេះសំណាល និងផ្តាំផ្ញើការសួរសុខទុក្ខពីសំណាក់ឯកឧត្តមរដ្ឋមន្រ្តី និងបិទកម្មវិធីប្រជុំដោយបានផ្តល់អនុសាសន៍ចំនួនដល់ប្រធានមន្ទីរ ក៏ដូចជាមន្រ្តីរាជការទាំងអស់នៃមន្ទីរអភិវឌ្ឍន៍ជនបទខេត្តក្រចេះ។

 

ក្រោយបញ្ចប់កិច្ចប្រជុំ នៅរសៀលថ្ងៃដដែល ឯកឧត្តមរដ្ឋលេខាធិការ រួមនិងលោកប្រធានមន្ទីរ ព្រមទាំងន្ត្រីជំនាញបាន :

– ចុះពិនិត្យស្ថានភាពផ្លូវកៅស៊ូរបស់គម្រោងWorldbank ខ្សែផ្លូវពីអូឬស្សី-គោលាប់ ស្ថិតក្នុងសង្កាត់អូឬស្សី ក្រុងក្រចេះ និងឃុំគោលាប់ ស្រុកចិត្របុរី ។

– ចុះពិនិត្យមើលស្ពានយោល នៅភូមិជួរក្រូច ឃុំថ្មអណ្តើក ស្រុកចិត្របុរី ខេត្តក្រចេះ៕

រាជធានីភ្នំពេញ៖ នាព្រឹកថ្ងៃអង្គារ ១០រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ នៅទីស្តីការក្រសួង ឯកឧត្តមបណ្ឌិត សួស គង់ រដ្ឋលេខាធិការ និងជាអ្នកសម្របសម្រួលគម្រោងអភិវឌ្ឍន៍ហេដ្ឋារចនាសម្ព័ន្ធជនបទដែលធន់នឹងការប្រែប្រួលអាកាសធាតុ (CRRIDP) តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ ដោយមានការអញ្ជើញចូលរួមពីសំណាក់ ឯកឧត្តមបណ្ឌិត ចាន់ ដារ៉ុង រដ្ឋលេខាធិការ និងជានាយកគម្រោង បានដឹកនាំកិច្ចប្រជុំដោយផ្ទាល់ និងតាមរយៈប្រព័ន្ធនិម្មិតសម្រាប់មន្ទីរអភិវឌ្ឍន៍ជនបទខេត្តគោលដៅ (Virtual Meeting with Zoom) ដើម្បីពិនិត្យរួមគ្នា លើកទី៣ នូវវឌ្ឍនភាពនៃការអនុវត្តគម្រោងអភិវឌ្ឍន៍ហេដ្ឋារចនាសម្ព័ន្ធជនបទដែលធន់នឹងការប្រែប្រួលអាកាសធាតុ។

កិច្ចប្រជុំមានសមាសភាពអញ្ជើញចូលរួមពី ថ្នាក់ដឹកនាំ និងក្រុមការងារអនុវត្តគម្រោងក្រសួងអភិវឌ្ឍន៍ជនបទ តំណាងអគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល នៃក្រសួងសេដ្ឋកិច្ច និងហិរញ្ញវត្ថុ ក្រុមការងារការិយាល័យធនាគារអាហរ័ណ-នីហរ័ណកូរ៉េ (Korea Eximbank) ប្រចាំនៅរាជធានីភ្នំពេញ ដែលតំណាងដោយ លោកស្រី Minnie Chey ក្រុមទីប្រឹក្សាបច្ចេកទេស KCIeng ថ្នាក់ដឹកនាំ និងមន្រ្តីបច្ចេកទេសគម្រោង នៃមន្ទីរអភិវឌ្ឍន៍ជនបទខេត្តគោលដៅទាំង៦ ព្រមទាំងក្រុមហ៊ុនទទួលការសាងសង់ផ្លូវសរុបចំនួន ៣១រូប។

សូមជម្រាបជូនផងដែរថា៖ គម្រោងអភិវឌ្ឍន៍ហេដ្ឋារចនាសម្ព័ន្ធជនបទដែលធន់នឹងការប្រែប្រួលអាកាសធាតុ បាននិងកំពុងដំណើរការស្ថាបនាផ្លូវកម្រាលបេតុង សរុបប្រវែង ១៤៩,៦០គីឡូម៉ែត្រ ស្ពានចំនួន ១ និងលូប្រអប់ចំនួន ២៨ នៅក្នុងខេត្តគោលដៅចំនួន៦  រួមមានខេត្តត្បូងឃ្មុំ កំពង់ចាម ព្រៃវែង កណ្តាល កំពង់ឆ្នាំង និងខេត្តកំពង់ស្ពឺ៕