![ឯកឧត្តម ឆាយ ឫទ្ធិសែន អញ្ជើញគោរពវិញ្ញាណក្ខន្ធសព ឧបាសិកា ទេស កំសាន ដែលត្រូវជាម្ដាយបង្កើតរបស់ ឯកឧត្ដម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ 9 3photo 2024 07 19 13 53 15](https://www.mrd.gov.kh/wp-content/uploads/2024/07/3photo_2024-07-19_13-53-15-150x150.jpg)
ឯកឧត្តម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី០១ និងលើកទិសដៅការងារឆមាសទី០២ ឆ្នាំ២០២៣ របស់នាយកដ្ឋានអភិវឌ្ឍន៍ជនជាតិភាគតិច
- ថ្ងៃទី៤ ខែកញ្ញា ឆ្នាំ២០២៣ ម៉ោង ៣:២៩ ល្ងាច
- សកម្មភាពក្រសួង
![ឯកឧត្តម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី០១ និងលើកទិសដៅការងារឆមាសទី០២ ឆ្នាំ២០២៣ របស់នាយកដ្ឋានអភិវឌ្ឍន៍ជនជាតិភាគតិច 2 photo 2023 09 04 11 34 22 4](https://www.mrd.gov.kh/wp-content/uploads/2023/09/photo_2023-09-04_11-34-22-4-1000x750.jpg)
រាជធានីភ្នំពេញ៖ នាព្រឹកថ្ងៃចន្ទ ០៤រោច ខែស្រាពណ៍ ឆ្នាំថោះ បព្ចាស័ក ព.ស.២៥៦៧ ត្រូវនឹងថ្ងៃទី០៤ ខែកញ្ញា ឆ្នាំ២០២៣ នៅទីស្តីការក្រសួង ឯកឧត្តម សួន សេរីរដ្ឋា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី០១ និងលើកទិសដៅការងារឆមាសទី០២ ឆ្នាំ២០២៣ របស់នាយកដ្ឋានអភិវឌ្ឍន៍ជនជាតិភាគតិច ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ លោកស្រីអគ្គនាយករង ទទួលបន្ទុកនាយកដ្ឋាន លោក លោកស្រី ជាថ្នាក់ដឹកនាំនាយកដ្ឋាន ព្រមទាំងមន្ត្រីរាជការ សរុបចំនួន ៣៣នាក់។
កិច្ចប្រជុំត្រូវបានរៀបចំដើម្បីពិនិត្យ និងវាយតម្លៃលើវឌ្ឍនភាព និងសមិទ្ធផលរបស់នាយកដ្ឋានដែលសម្រេចបាននាពេលកន្លងមក ជាពិសេសកិច្ចប្រជុំមានការពិភាក្សា លើបញ្ហាប្រឈម និងសំណូមពរផ្សេងៗពីថ្នាក់ដឹកនាំ និងមន្ដ្រីរាជការក្នុងនាយកដ្ឋានផងដែរ។ ជាមួយនេះ ឯកឧត្តមរដ្ឋលេខាធិការ បានផ្តល់នូវអនុសាសន៍ដឹកនាំ និងផ្ដាំផ្ញើដោយបង្ហាញពីចំណុចស្នូលនៃយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ក្រោមការដឹកនាំដ៏ត្រឹមត្រូវរបស់សម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ដ្រី៕