ឯកឧត្តមបណ្ឌិត សួស គង់ រដ្ឋលេខាធិការប្រចាំការ តំណាងឯកឧត្តមបណ្ឌិតសភាចារ្យ អ៊ុក រ៉ាប៊ុន រួមដំណើរដោយ ឯកឧត្តម ប៊ុន ច័ន្ទវណ្ណៈ រដ្ឋលេខាធិការ បានដឹកនាំគណៈកម្មការអន្តរក្រសួង អញ្ជើញទៅត្រួតពិនិត្យនិងវាយតម្លៃលទ្ធផលការងារស្ថាបនាផ្លូវក្រាលកៅស៊ូរពីរជាន់ប្រភេទ DBSTចំនួន០១ ខ្សែប្រវែង ៣ ៤០០ម៉ែត្រ នៅស្រុកស្ទឹងត្រង់ ខេត្តកំពង់ចាម

នាព្រឹកថ្ងៃព្រហស្បតិ៍ ០៥ រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែមិថុនា ឆ្នាំ២០២៣ ឯកឧត្តមបណ្ឌិត សួស គង់ រដ្ឋលេខាធិការប្រចាំការ តំណាង ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ រួមដំណើរដោយ ឯកឧត្តម ប៊ុន ច័ន្ទវណ្ណៈ រដ្ឋលេខាធិការ បានដឹកនាំគណៈកម្មការអន្តរក្រសួង រួមមានតំណាងក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញទៅត្រួតពិនិត្យ  និងវាយតម្លៃ លទ្ធផលការងារស្ថាបនាផ្លូវក្រាលកៅស៊ូរពីរជាន់ប្រភេទ DBSTចំនួន០១ ខ្សែប្រវែង ៣ ៤០០ម៉ែត្រ ទទឹង ៦ម៉ែត្រ ចិញ្ចើមផ្លូវសងខាងក្រាលដីល្បាយក្រួស មានទទឹងម្ខាងៗ ប្រវែង ១ម៉ែត្រ កម្រាស់ ០,២ ម៉ែត្រ តភ្ជាប់ពីភូមិតាមើង ឃុំទួលព្រះឃ្លាំង ទៅភូមិអង្កោល ឃុំសូភាស ស្រុកស្ទឹងត្រង់ខេត្ត កំពង់ចាម។ គម្រោងក៏បានស្ថាបនាសំណង់សិល្បៈការ្យដូចជា លូប្រអប់មុខបួនចំនួន ០១កន្លែង និងលូមូលមុខមួយចំនួន ០៥កន្លែង ៕