![ឯកឧត្តម ជា ស៊្រុន អញ្ជើញដឹកនាំគណៈកម្មការអន្តរចុះពិនិត្យ និងវាយតម្លៃបញ្ចប់សុពលភាពលើលទ្ឋផលការងារថែទាំខួបផ្លូវក្រាលក្រួសក្រហមចំនួន ១ខ្សែ ប្រវែង ១០ ៥០០ម ទទឹង ៦ម នៅស្រុកអូរយ៉ាដាវ ខេត្តរតនគិរី 16 photo 2024 07 17 13 47 49 2](https://www.mrd.gov.kh/wp-content/uploads/2024/07/photo_2024-07-17_13-47-49-2-150x150.jpg)
ឯកឧត្ដមបណ្ឌិតសភាចារ្យ អ៊ុក រ៉ាប៊ុន បានអញ្ជើញដឹកនាំកិច្ចប្រជុំលើកទី៣៧ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ នៅទីស្តីការក្រសួងអភិវឌ្ឍន៍ជនបទ
- ថ្ងៃទី៩ ខែមិនា ឆ្នាំ២០២៣ ម៉ោង ១២:២៤ ល្ងាច
- សកម្មភាពក្រសួង
![ឯកឧត្ដមបណ្ឌិតសភាចារ្យ អ៊ុក រ៉ាប៊ុន បានអញ្ជើញដឹកនាំកិច្ចប្រជុំលើកទី៣៧ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ នៅទីស្តីការក្រសួងអភិវឌ្ឍន៍ជនបទ 2 photo 2023 03 09 12 21 25](https://www.mrd.gov.kh/wp-content/uploads/2023/03/photo_2023-03-09_12-21-25-1000x666.jpg)
នាព្រឹកថ្ងៃព្រហស្បតិ៍ ៣រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៩ ខែមីនា ឆ្នាំ២០២៣ នៅទីស្ដីការក្រសួង ឯកឧត្ដម បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ បានអញ្ជើញដឹកនាំកិច្ចប្រជុំលើកទី៣៧ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ។
អញ្ជើញចូលរួមក្នុងកិច្ចប្រជុំនេះដែរ មាន លោក Will Parks ប្រធានអង្គការ UNICEF ប្រចាំកម្ពុជា និងជាសហប្រធានសម្របសម្រួលដៃគូអភិវឌ្ឍន៍ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ និងតំណាងក្រសួង ស្ថាប័ន ព្រមទាំងដៃគូពាក់ព័ន្ធក្នុងវិស័យផ្គត់ផ្គង់ទឹកស្អាត និងអនាម័យជនបទ តាមរយៈប្រព័ន្ធវីដេអូអនឡាញ Zoom ផងដែរ ។
កិច្ចប្រជុំនេះមានគោលបំណងត្រួតពិនិត្យឡើងវិញពីបច្ចុប្បន្នភាពនៃការអនុវត្តពាក់កណ្ដាលអាណត្តិនៃការអនុវត្តផែនការសកម្មភាពជាតិ លើកទី២ ស្ដីពី ការផ្គត់ផ្គង់ទឹកស្អាត ការសម្អាត និងអនាម័យជនបទ ឆ្នាំ២០១៩-២០២៣ ។
កិច្ចប្រជុំនេះក៏បានលើកឡើងផងដែរអំពី បច្ចុប្បន្នភាពនៃការពិនិត្យឡើងវិញពីគោលនយោបាយផ្គត់ផ្គង់ទឹកស្អាត និងអនាម័យនៅកម្ពុជា និងបង្ហាញពីសមិទ្ធផលដែលសម្រេចបាន នាពេលកន្លងមកលើវិស័យផ្គត់ផ្គង់ទឹកស្អាត និងអនាម័យជនបទនៅកម្ពុជា ។
សូមបញ្ជាក់ថា ខេត្តទាំង ៣ ដែលសម្រេចបានបញ្ចប់ការបន្ទោបង់ពាសវាលពាសកាល (ODF) គឺ ខេត្តស្វាយរៀង ព្រៃវែង និងខេត្តកណ្ដាល ជាមួយនេះក៏មានខេត្តកំពង់ស្ពឺ ដែលនឹងត្រូវប្រារព្ធពិធីប្រកាសជាផ្លូវការ ថា ជាខេត្តសម្រេចបានការបញ្ចប់ការបន្ទោបង់ពាសវាលពាសកាល នៅពេលឆាប់ៗខាងមុខនេះ និងខេត្តគោលដៅមួយចំនួនទៀតក្នុងឆ្នាំ២០២៣ នេះ។
គិតត្រឹមឆ្នាំ២០២៣ ប្រជាពលរដ្ឋនៅតាមតំបន់ជនបទ ទទួលបានទឹកស្អាតប្រើប្រាស់ និងការប្រតិបត្តិអនាម័យបានប្រមាណជាង ៩០%ហើយនៅទូទាំងប្រទេស ហើយរាជរដ្ឋាភិបាល បានកំណត់ថា នៅឆ្នាំ២០២៥ ប្រជាពលរដ្ឋគ្រប់រូបនៅសហគមន៍ជនបទ មានទឹកស្អាតប្រើប្រាស់ និងមានអនាម័យគ្រប់គ្រាន់ និងរស់នៅក្នុងបរិស្ថានប្រកបដោយនិរន្ដរភាព ៕