ឯកឧត្តម ទ្រី មេង អញ្ជើញដឹកនាំកិច្ចប្រជុំលើកទី៤០ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ

រាជធានីភ្នំពេញ៖ នាព្រឹកថ្ងៃអង្គារ ៣កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែធ្នូ ឆ្នាំ២០២៤ ទីស្តីការក្រសួង ឯកឧត្តម ទ្រី មេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំលើកទី៤០ របស់ក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទ ជាមួយលោក  Michele Paba  ប្រធានកម្មវិធីទឹកស្អាតនិងអនាម័យប្រចាំអង្គការ UNICEF ជាសហប្រធានសម្របសម្រួលដៃគូអភិវឌ្ឍន៍ក្រុមការងារបច្ចេកទេសវិស័យផ្គត់ផ្គង់ទឹកស្អាតនិងអនាម័យជនបទ។

កិច្ចប្រជុំមានការអញ្ជើញចូលរួមដោយផ្ទាល់ពីសំណាក់ ឯកឧត្តម លោកជំទាវ តំណាងស្ថានទូត, អង្គការដៃគូអភិវឌ្ឍន៍អន្តរជាតិ (DPs/NGOs) ជាសមាជិក សមាជិកានៃក្រុមការងារបច្ចេកទេស  TWG-RWSSH រួមទាំងប្រធាន PWG-RWSSH  និងប្រធាន/ក្រុមការងារមន្ទីរអភិវឌ្ឍន៍ជនបទទាំង ២៥ រាជធានី ខេត្ត ចូលរួមតាមប្រព័ន្ធអនឡាញ សរុបចំនួន ៦៣រូប៕