មន្ត្រីជំនាញនៃមន្ទីរអភិវឌ្ឍន៍ជនបទខេត្តស្វាយរៀង បើកវគ្គបណ្តុះបណ្តាលរយ:ពេលខ្លីជំនាញការធ្វើជីកំប៉ុស្តិ៍និងការវេចខ្ចប់

ខេត្តស្វាយរៀង ៖ នាថ្ងៃអង្គារ ៨កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែកញ្ញា ឆ្នាំ២០២៤ លោក ធៀម សុផល ប្រធានការិយាល័បណ្តុះបណ្តាល និងស្រាវជ្រាវ និងជាប្រធានមណ្ឌលបណ្តុះបណ្តាលជំនាញមូលដ្ឋានខេត្តស្វាយរៀង បានដឹកនាំមន្រ្តីជំនាញនៃមន្ទីរអភិវឌ្ឍន៍ជនបទខេត្តស្វាយរៀង បានបើកវគ្គបណ្តុះបណ្តាលរយ:ពេលខ្លីជំនាញការធ្វើជីកំប៉ុស្តិ៍និងការវេចខ្ចប់ ស្ថិតនៅភូមិលាក់រាជា ឃុំកំពង់ចក ស្រុករំដួល ខេត្តស្វាយរៀង ដោយមានសិក្ខាកាមចូលរួមសរុបចំនួន ២០នាក់ ស្រី ០៦នាក់។

វគ្គបណ្តុះបណ្តាលនេះមានគោលបំណងដើម្បី ចូលរួមចំណែកលើកកម្ពស់កម្រិតជីវភាពរស់នៅតាមសហគមន៍ និងបង្កើនប្រាក់ចំណូលរបស់ប្រជាពលរដ្ឋនៅតាមមូលដ្ឋានផងដែរ៕