![ឯកឧត្តម ជា ស្រ៊ុន អញ្ជើញចូលរួមក្នុងសិក្ខាសាលាផ្សព្វផ្សាយ ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ឆ្នាំ២០២៤-២០២៨ និងផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់គ្រោះមហន្តរាយទឹកជំនន់ឆ្នាំ ២០២៤ 10 photo 2024 09 02 09 56 30](https://www.mrd.gov.kh/wp-content/uploads/2024/09/photo_2024-09-02_09-56-30-150x150.jpg)
ឯកឧត្តម ជា ស្រ៊ុន អញ្ជើញចូលរួមក្នុងសិក្ខាសាលាផ្សព្វផ្សាយ ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ឆ្នាំ២០២៤-២០២៨ និងផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់គ្រោះមហន្តរាយទឹកជំនន់ឆ្នាំ ២០២៤
- ៥ នាទីមុន ថ្ងៃទី២ ខែកញ្ញា ២០២៤
- សកម្មភាពក្រសួង
![ឯកឧត្តម ជា ស្រ៊ុន អញ្ជើញចូលរួមក្នុងសិក្ខាសាលាផ្សព្វផ្សាយ ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ឆ្នាំ២០២៤-២០២៨ និងផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់គ្រោះមហន្តរាយទឹកជំនន់ឆ្នាំ ២០២៤ 2 photo 2024 09 02 09 56 30](https://www.mrd.gov.kh/wp-content/uploads/2024/09/photo_2024-09-02_09-56-30-1000x1000.jpg)
រាជធានីភ្នំពេញ ៖ នាព្រឹកថ្ងៃច័ន្ទ១៤រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែកញ្ញា ឆ្នាំ២០២៤ នៅសណ្ឋាគារឡឺរ៉ូយ៉ាល់ ឯកឧត្តម ជា ស្រ៊ុន រដ្ឋលេខាធិការ និងជាប្រធានលេខាធិការដ្ឋានគ្រប់គ្រងគ្រោះមហន្តរាយ ក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោក ទូច ស៊ីផាត អគ្គនាយករង នៃអគ្គនាយករដ្ឋបាល និងហិរញ្ញវត្ថុ បានអញ្ជើញចូលរួមក្នុងសិក្ខាសាលាផ្សព្វផ្សាយ ផែនការសកម្មភាពជាតិសម្រាប់ការកាត់បន្ថយហានិភ័យគ្រោះមហន្តរាយ ឆ្នាំ២០២៤-២០២៨ និងផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់គ្រោះមហន្តរាយទឹកជំនន់ឆ្នាំ ២០២៤ ក្រោមអធិបតីភាពឯកឧត្តមនាយឧត្តមសេនីយ៍ កិត្តិសង្គហបណ្ឌិត គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ។
សិក្ខាសាលានេះ សហការរៀបចំដោយ គណៈកម្មាធិការជាតិគ្រប់គ្រងគ្រោះមហន្តរាយ WB, WFP, UNDP, និង UNWOMEN ដោយមានអ្នកចូលរួម មកពីក្រសួង ស្ថាប័ននៃរាជរដ្ឋាភិបាលកម្ពុជា អាជ្ញាធររាជធានីខេត្ត ដៃគូអភិវឌ្ឍន៍ និងអង្គការមិនមែនរដ្ឋាភិបាល សរុប ២០០នាក់៕