មន្ទីរអភិវឌ្ឍន៍ជនបទខេត្តបាត់ដំបង ​បានបើកកិច្ចប្រជុំបូកសរុបលទ្ធផលការងារប្រចាំខែសីហា ឆ្នាំ២០២៤ និងលើកទិសដៅការងារបន្ត

ខេត្តបាត់ដំបង​ ​÷ នារសៀលថ្ងៃពុធ ២រោច ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២១​ ខែសីហា​ ឆ្នាំ២០២៤ មន្ទីរអភិវឌ្ឍន៍ជនបទខេត្តបាត់ដំបង ​បានបើកកិច្ចប្រជុំបូកសរុបលទ្ធផលការងារប្រចាំខែសីហា ឆ្នាំ២០២៤ និងលើកទិសដៅការងារបន្ត ក្រោមអធិបតីភាព លោក​ វ៉ាន់​ ថុល​ ប្រធានមន្ទីរ មានការអញ្ជើញចូលរួម​ ពី​ ឯកឧត្តម​ សុខ​ វណ្ណអឿន​ ទីប្រឹក្សាក្រសួង​អភិវឌ្ឍន៍ជនបទ និងលោក​ លោក​ ស្រី​ អនុប្រធានមន្ទីរ លោក លោកស្រីប្រធាន អនុប្រធានការិយាល័យជំនាញទាំង១០​ ព្រមទាំងលោក​ លោកស្រីមន្ត្រីរាជការ​ នៃមន្ទីរអភិវឌ្ឍន៍ជនបទខេត្តបាត់ដំបង។

កិច្ចប្រជុំនេះបានពិភាក្សាលើរបាយការណ៍វឌ្ឍនភាពការងារ បញ្ហាប្រឈម សំណូមពរ ព្រមទាំងបានលើកទិសដៅការងារ​ អនុវត្តបន្តសម្រាប់ខែកញ្ញា​ ឆ្នាំ២០២៤ ផងដែរ។