![លោក អៀម អឿន ប្រធានមន្ទីរអភិវឌ្ឍន៍ជនបទខេត្តរតនគិរី បានចុះពិនិត្យការដ្ឋានជួសជុលផ្លូវលក្ខណៈថែទាំប្រចាំចំនួន០១ខ្សែ ប្រវែង១៥ ៥០០ម៉ែត្រ 6 photo 2024 08 15 14 36 23 2](https://www.mrd.gov.kh/wp-content/uploads/2024/08/photo_2024-08-15_14-36-23-2-150x150.jpg)
ឯកឧត្ដម ហួត សារឹម អញ្ជើញចូលរួម សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) នៅទីស្ដីការក្រសួងធនធានទឹក និងឧតុនិយម
- ២ ម៉ោងមុន ថ្ងៃទី១៦ ខែសីហា ២០២៤
- សកម្មភាពក្រសួង
![ឯកឧត្ដម ហួត សារឹម អញ្ជើញចូលរួម សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) នៅទីស្ដីការក្រសួងធនធានទឹក និងឧតុនិយម 2 photo 2024 08 15 14 50 57](https://www.mrd.gov.kh/wp-content/uploads/2024/08/photo_2024-08-15_14-50-57-1000x563.jpg)
រាជធានីភ្នំពេញ៖ នាព្រឹកថ្ងៃព្រហស្បតិ៏ ១១កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៥ ខែសីហា ឆ្នាំ២០២៤ ឯកឧត្ដម ហួត សារឹម អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយមន្ត្រីជំនាញនៃនាយកដ្ឋានផែនការ និងទំនាក់ទំនងសាធារណៈ បានអញ្ជើញចូលរួម សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) របស់ក្រសួងធនធានទឹក និងឧតុនិយមប្រចាំឆ្នាំ ក្រោមអធិបតីភាព ឯកឧត្ដមបណ្ឌិត ចាន់ យុត្ថា រដ្ឋលេខាធិការ និងប្រធានក្រុមការងារកែទម្រង់ការ គ្រប់គ្រងហិរញ្ញវត្ថុសាធារណៈប្រចាំក្រសួងធនធានទឹក និងឧតុនិយម ដោយមានការអញ្ជើញចូលរួមពីសំណាក់ ឯកឧត្ដម លោកជំទាវ លោក លោកស្រី ដែលមកពីស្ថាប័នជាតិ និងដៃគូពាក់ព័ន្ធផងដែរ។
សិក្ខាសាលានេះមានគោលបំណងប្រមូលធាតុចូលពីភាគីពាក់ព័ន្ធ ដើម្បីឲ្យការរៀបចំសេចក្តីព្រាងគោលការណ៍ណែនាំស្តីពីការគ្រប់គ្រងហិរញ្ញវត្ថុសាធារណៈ (FMM) របស់ក្រសួងធនធានទឹក និងឧតុនិយម កាន់តែប្រសើរ គ្រប់ជ្រុងជ្រោយ និងអាចប្រើប្រាស់បាននៅឆ្នាំ២០២៥ ខាងមុខនេះ។