ឯកឧត្តមបណ្ឌិត លឹម អុីវ​ ដឹកនាំគណៈកម្មាធិការអន្តរក្រសួងុះពិនិត្យមើលគម្រោង ៣កន្លែង ដែលប្រើប្រាស់ថវិកា ក្នុងផែនការឆ្នាំ២០២៥

ខេត្តពោធិ៍សាត់៖ នាព្រឹកថ្ងៃពុធ ១១រោច ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែកក្កដា ឆ្នាំ ២០២៤ ឯកឧត្តមបណ្ឌិត លឹម អុីវ​ អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំគណៈកម្មាធិការអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អមដំណើរដោយក្រុមការបច្ចេកទេសផ្លូវជនបទ​របស់មន្ទីរអភិវឌ្ឍន៍ជនបទខេត្តពោធិ៍សាត់ ចុះពិនិត្យគម្រោង ៣កន្លែង ដែលប្រើប្រាស់ថវិកា ក្នុងផែនការឆ្នាំ២០២៥ ដូចខាងក្រោម៖

១/​ ផ្លូវក្រាលល្បាយក្រួស ប្រវែង ៥,១គីឡូម៉ែត្រ និងសំណង់សិល្បការ្យ នៅតំបន់ដី​ សម្បទានសង្គមកិច្ចប៊ុនរ៉ានីសែនជ័យដំណាក់ត្រយឹង ស្ថិតនៅក្នុង ឃុំព្រងិល ស្រុកភ្នំក្រវាញ ខេត្តពោធិ៍សាត់។

២/​ ផ្លូវក្រាលកៅស៊ូ២ជាន់ ១ខ្សែប្រវែង ៧ គីឡូម៉ែត្រ ដោយតភ្ជាប់ពីឃុំអន្លង់វិល ស្រុកកណ្តៀង ទៅកាន់ ឃុំកំពង់ពោធិ៍ ស្រុកក្រគរ ខេត្តពោធិ៍សាត់។

៣/ស្ពាន ១កន្លែង ប្រវែង ១៤៤ម៉ែត្រ តភ្ជាប់ពីភូមិបោះពួយ ឃុំលាច ទៅភូមិព្រែក៣ ឃុំសំរោង ស្រុកភ្នំក្រវាញ ខេត្តពោធិ៍សាត់​ ។