![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 12 2 17](https://www.mrd.gov.kh/wp-content/uploads/2024/08/2-17-150x150.jpg)
លោក ម៉ប់ ធីរិត អញ្ចើញដឹកនាំកិច្ចប្រជុំបូកសរុបវឌ្ឍនភាពការងារប្រចាំឆមាសទី១ និងលើកទិសដៅបន្តឆមាសទី២ ឆ្នាំ២០២៤ របស់ក្រុមការងារទឹកស្អាត និងអនាម័យជនបទ
- ថ្ងៃទី២៤ ខែកក្កដា ឆ្នាំ២០២៤ ម៉ោង ២:០០ ល្ងាច
- សកម្មភាពមន្ទីរ
![លោក ម៉ប់ ធីរិត អញ្ចើញដឹកនាំកិច្ចប្រជុំបូកសរុបវឌ្ឍនភាពការងារប្រចាំឆមាសទី១ និងលើកទិសដៅបន្តឆមាសទី២ ឆ្នាំ២០២៤ របស់ក្រុមការងារទឹកស្អាត និងអនាម័យជនបទ 2 photo 2024 07 23 17 48 36 2](https://www.mrd.gov.kh/wp-content/uploads/2024/07/photo_2024-07-23_17-48-36-2-1000x592.jpg)
ខេត្តព្រះវិហារ ៖ នារសៀលថ្ងៃអង្គារ ៣រោច ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤ លោក ម៉ប់ ធីរិតធ ប្រធានមន្ទីរអភិវឌ្ឍន៍ជនបទខេត្តព្រះវិហារ បានអញ្ចើញចូលរួមក្នុងកិច្ចប្រជុំបូកសរុបវឌ្ឍនភាពការងារប្រចាំឆមាសទី១ និងលើកទិសដៅបន្តឆមាសទី២ ឆ្នាំ២០២៤ របស់ក្រុមការងារទឹកស្អាត និងអនាម័យជនបទ (PWG-RWSSH) ក្រោមអធិបតីភាពឯកឧត្តម អ៊ុក គឹម សាន អភិបាលរងខេត្ត នៃគណៈអភិបាលខេត្តព្រះវិហារ និងជាប្រធានក្រុមការងារ PWG ខេត្ត។
កិច្ចប្រជុំនេះ មានការអញ្ជើញចូលរួមពីសំណាក់ លោក លោកស្រី ជាអភិបាលរងក្រុង ស្រុកទាំង៨ អនុប្រធានមន្ទីរពាក់ព័ន្ធដែលជាសមាជិក សមាជិកា នៃក្រុមការងារPWG និងតំណាងអង្គការ សមាគមដៃគូអភិវឌ្ឍន៍ដែលបាននឹងកំពុងអនុវត្តការងារលើវិស័យទឹកស្អាត និងអនាម័យជនបទក្នុងខេត្ត សរុបចំនួន ៣៧រូប ស្រី ១៣រូប ។
ក្នុងកិច្ចប្រជុំនេះផងដែរមានធ្វើបទបង្ហាញ បើកឱ្យមានកិច្ចពិភាក្សាយ៉ាងផុលផុសពីសមាជិកអង្គប្រជុំ ដោយផ្តោតលើ បញ្ហា ការប្រឈម ដំណោះស្រាយ និងលើកទិសដៅការងារអនុវត្តបន្តសម្រាប់ឆមាសទី២ ឆ្នាំ២០២៤ ផងដែរ។