![ប្រកាសស្តីពី ការកំណត់លក្ខណៈសម្បត្តិ “ភូមិគំរូ” របស់ក្រសួងអភិវឌ្ឍន៍ជនបទ 8 20240807 ប្រកាស ស្ដីពីការកំណត់លក្ខណៈសម្បត្តិ ភូមិគំរូ ក្រសួងអភិវឌ្ឍន៍ជនបទ Page 01](https://www.mrd.gov.kh/wp-content/uploads/2024/09/20240807_ប្រកាស_ស្ដីពីការកំណត់លក្ខណៈសម្បត្តិ_ភូមិគំរូ_ក្រសួងអភិវឌ្ឍន៍ជនបទ_Page_01-150x150.png)
លោកស្រី នួន មុនីចិន្តា ចូលរួមជាគណៈអធិបតីក្នុងសិក្ខាសាលាថ្នាក់ជាតិស្តីពី ដំណើរការចុះបញ្ជីដីសហគមន៍ជនជាតិដើមភាគតិចនៅកម្ពុជា
- ថ្ងៃទី២០ ខែកក្កដា ឆ្នាំ២០២៤ ម៉ោង ៧:៣០ ព្រឹក
- សកម្មភាពក្រសួង
![លោកស្រី នួន មុនីចិន្តា ចូលរួមជាគណៈអធិបតីក្នុងសិក្ខាសាលាថ្នាក់ជាតិស្តីពី ដំណើរការចុះបញ្ជីដីសហគមន៍ជនជាតិដើមភាគតិចនៅកម្ពុជា 2 photo 2024 07 18 20 23 25](https://www.mrd.gov.kh/wp-content/uploads/2024/07/photo_2024-07-18_20-23-25-1000x815.jpg)
ខេត្តកំពង់ចាម៖ នាថ្ងៃព្រហស្បតិ៍ ១៣កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៨ ខែកក្កដា ឆ្នាំ២០២៣ លោកស្រី នួន មុនីចិន្តា ប្រធាននាយកដ្ឋានអភិវឌ្ឍន៍ជនជាតិភាគតិច នៃក្រសួងអភិវឌ្ឍន៍ជនបទ បានចូលរួមជាគណៈអធិបតីក្នុងសិក្ខាសាលាថ្នាក់ជាតិស្តីពី ដំណើរការចុះបញ្ជីដីសហគមន៍ជនជាតិដើមភាគតិចនៅកម្ពុជា ។
សិក្ខាសាលានេះមានគោលបំណងស្វែងយល់អំពីបញ្ហាប្រឈម ការរកដំណោះស្រាយ កិច្ចអន្តរាគមន៍ និងអនុសាសន៍ពាក់ព័ន្ធលើដំណើរការចុះបញ្ជីដីជាសមូហភាព។
បន្ទាប់ពីបានពិភាក្សារួចមក អង្គសិក្ខាសាលាសម្រេចបានលទ្ធផលដូចខាងក្រោម៖
-ក្រសួង អភិវឌ្ឍន៍ជនបទបានចេញលិខិតទទួលស្គាល់អត្តសញ្ញាណសហគមន៍ជនជាតិដើមភាគតិចបានចំនួន ១៩៤សហគមន៍ -ក្រសួងមហាផ្ទៃបានចុះបញ្ជីជានីតិបុគ្គលចំនួន ១៥៣សហគមន៍ និងក្រសួងដែនដី នគររូបនីយកម្មនិងសំណង់ បានចុះបញ្ជីប័ណ្ណកម្មសិទ្ធិសមូហភាពពចំនួន ៤៣សហគមន៍
– មានការពិភាក្សា និងពិគ្រោះយោបល់ អំពីក្របខណ្ឌច្បាប់ដែលពាក់ព័ន្ធ បញ្ហាប្រឈម ដំណោះស្រាយ
– ផ្តល់ធាតុចូល បទពិសោធន៍ និងអនុសាសន៍ ដើម្បីជាយន្តការដោះស្រាយបញ្ហារាំងស្ទះ។
ក្នុងឱកាសនោះដែរ អង្គសិក្ខាសាលាបាន សំណូមពរមួយចំនួនដូចខាងក្រោម ៖
– ពន្លឿនការចេញប័ណ្ណកម្មសិទ្ធិសមូហភាពសហគមន៍ជនជាតិដើមភាគតិច
– ពង្រឹងវិធានការការពារបណ្តោះអាសន្ន ដើម្បីបញ្ចៀសបញ្ហាពីការឆ្លៀតឱកាសរបស់ជនខាងក្រៅ
– កំណត់ទីតាំងទំហំ និងព្រំប្រទល់ឱ្យបានច្បាស់លាស់លើតំបន់ការពារធម្មជាតិទាំង៤ប្រភេទ និងដីសហគមន៍ ចៀសវាងការ គង ឬត្រួតគ្នា ជាមួយដីសមូហភាពជនជាតិដើមភាគតិច
– កែសម្រួល និងវិសោធនកម្ម នូវការកាត់ឆ្វាលដីជូនដល់សមាជិកសហគមន៍ដែលបានសុំចាកចេញ
– ផ្សព្វផ្សាយការយល់ដឹងដល់អាជ្ញាធរ និងសហគមន៍អំពីសារៈសំខាន់នៃការទទួលបានប័ណ្ណកម្មសិទ្ធិ
– សូមឱ្យមានវត្តមានមន្រ្ដីរបស់ក្រសួងអភិវឌ្ឍន៍ជនបទក្នុងការធ្វើសេចក្តីព្រាងច្បាប់ភូមិបាលថ្មី៕