![ឯកឧត្តម ឆាយ ឫទ្ធិសែន អញ្ជើញគោរពវិញ្ញាណក្ខន្ធសព ឧបាសិកា ទេស កំសាន ដែលត្រូវជាម្ដាយបង្កើតរបស់ ឯកឧត្ដម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ 7 3photo 2024 07 19 13 53 15](https://www.mrd.gov.kh/wp-content/uploads/2024/07/3photo_2024-07-19_13-53-15-150x150.jpg)
ឯកឧត្តម ជី ស៊ីថា អញ្ជើញដឹកនាំប្រតិភូក្រសួងអភិវឌ្ឍន៍ជនបទ ចូលរួមកិច្ចប្រជុំជាមួយលេខាធិការដ្ឋាននៃក្រុមការងាររៀបចំក្របខ័ណ្ឌ និងវិធាននៃប្រព័ន្ធសវនកម្មផ្ទៃក្នុង និងអធិការរកិច្ច
- ៨ ម៉ោងមុន ថ្ងៃទី១៩ ខែកក្កដា ២០២៤
- សកម្មភាពក្រសួង
![ឯកឧត្តម ជី ស៊ីថា អញ្ជើញដឹកនាំប្រតិភូក្រសួងអភិវឌ្ឍន៍ជនបទ ចូលរួមកិច្ចប្រជុំជាមួយលេខាធិការដ្ឋាននៃក្រុមការងាររៀបចំក្របខ័ណ្ឌ និងវិធាននៃប្រព័ន្ធសវនកម្មផ្ទៃក្នុង និងអធិការរកិច្ច 2 photo 2024 07 17 12 42 45](https://www.mrd.gov.kh/wp-content/uploads/2024/07/photo_2024-07-17_12-42-45-1000x750.jpg)
រាជធានីភ្នំពេញ ៖ នាព្រឹកថ្ងៃពុធ ១២កើត ខែអាសាឍ ឆ្នាំរោងឆស័ក ព.ស.២៥៦៨ ត្រូវនឹងថ្ងៃទី១៧ ខែកក្កដា ឆ្នាំ២០២៤ ឯកឧត្តម ជី ស៊ីថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំប្រតិភូក្រសួងអភិវឌ្ឍន៍ជនបទ រួមមានតំណាងអគ្គាធិការដ្ឋាន និងនាយកដ្ឋានសវនកម្មផ្ទៃក្នុង ដើម្បីចូលរួមកិច្ចប្រជុំជាមួយលេខាធិការដ្ឋាននៃក្រុមការងាររៀបចំក្របខ័ណ្ឌ និងវិធាននៃប្រព័ន្ធសវនកម្មផ្ទៃក្នុង និងអធិការរកិច្ច នៅទីស្តីការក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពីឯកឧត្តម លោកជំទាវ មកពីក្រសួង ស្ថាប័នចំនួន ០៣ រួមមាន ក្រសួងអភិវឌ្ឍន៍ជនបទ ក្រសួងកិច្ចការនារី ក្រសួងធម្មការ និងសាសនា សរុបចំនួន ២៤រូប ស្រ្តី១០រូប។
គោលបំណងនៃកិច្ចប្រជុំពិភាក្សានេះ ផ្តោតសំខាន់ទៅលើការពិនិត្យការអនុវត្តភារកិច្ចរបស់អង្គភាពសវនកម្មផ្ទៃក្នុង អង្គភាពអធិការកិច្ច និងអង្គភាពផ្សេងៗទៀតដែលមានសមត្ថកិច្ចត្រួតពិនិត្យនៃក្រសួង ស្ថាប័នដើម្បីជាមូលដ្ឋានគោរពស្នើសុំការពិនិត្យ និងសម្រេចរបស់ថ្នាក់ដឹកនាំតាមឋានានុក្រម អនុលោមតាមគោលការណ៍គន្លឹះរបស់រាជរដ្ឋាភិបាលដូចមានកំណត់នៅក្នុងលិខិតលេខ ៦៥៦សជណ៕