![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 11 2 17](https://www.mrd.gov.kh/wp-content/uploads/2024/08/2-17-150x150.jpg)
លោកអនុប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ បានដឹកនាំសម្របសម្រួលកិច្ចប្រជុំពិភាក្សាលើការងារជំរុញ ODF ក្នុងខេត្តគោលដៅនៃគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ”
- ថ្ងៃទី១២ ខែកក្កដា ឆ្នាំ២០២៤ ម៉ោង ២:០០ ល្ងាច
- សកម្មភាពមន្ទីរ
![លោកអនុប្រធានមន្ទីរអភិវឌ្ឍន៍ជនបទខេត្តបន្ទាយមានជ័យ បានដឹកនាំសម្របសម្រួលកិច្ចប្រជុំពិភាក្សាលើការងារជំរុញ ODF ក្នុងខេត្តគោលដៅនៃគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” 2 photo 2024 07 11 09 24 24 2](https://www.mrd.gov.kh/wp-content/uploads/2024/07/photo_2024-07-11_09-24-24-2-1000x750.jpg)
ខេត្តបន្ទាយមានជ័យ៖ នារសៀលថ្ងៃពុធ ៥កើត ខែអាសាឍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ លោក សួន សុវន្ដារ អនុប្រធានមន្ទីរអភិវឌ្ឍន៍ជនបទ ខេត្តបន្ទាយមានជ័យ បានដឹកនាំសម្របសម្រួលកិច្ចប្រជុំពិភាក្សាលើការងារជំរុញ ODF ក្នុងខេត្តគោលដៅនៃគម្រោង “ការកសាងភូមិសន្តិភាព តាមរយៈការអភិវឌ្ឍសហគមន៍ជនបទចម្រុះ” នៅសាលប្រជុំមន្ទីរអភិវឌ្ឍន៍ជនបទខេត្តបន្ទាយមានជ័យ ដោយមានការចូលរួមពីសំណាក់លោក លោកស្រី មន្ត្រីសម្របសម្រួលគម្រោង ក្រុមការងារអនុវត្តន៍គម្រោងថ្នាក់PMC ទីប្រឹក្សាទឹកស្អាត និងអនាម័យ និងមន្ត្រីជំនាញខាងទឹកស្អាត និងអនាម័យ របស់មន្ទីរ សរុបចំនួន១០នាក់ ស្រី៣នាក់។
គោលបំណងនៃកិច្ចប្រជុំ មានចំនួន៣គឺ៖
១-ពិនិត្យលើទិន្នន័យអនាម័យក្នុងឃុំស្រុកគោលដៅ
២-ពិភាក្សាពីយន្តការនៃការជំរុះការលើកកម្ពស់អនាម័យ និងផែននការជំរុញODF
៣-ពិភាក្សាលើយន្តការឧបត្ថម្ភធនគ្រឿងក្រោម ដល់គ្រួសារក្រីក្រមាន ឬគ្មានប័ណ្ណសមធម៌។
ជាលទ្ធផលក្រោយពីកិច្ចពិភាក្សាគ្នាយ៉ាងផុសផុលរួច អង្គប្រជុំបានសម្រេចដាក់នូវផែនការសម្រាប់ពេលខាងមុខដូចខាងក្រោម៖
១. ទីប្រឹក្សាទឹកស្អាត និងអនាម័យនៃគម្រោងនឹងបន្តធ្វើការដោយផ្ទាល់ជាមួយមន្ត្រីជំនាញអនាម័យរបស់មន្ទីរអភិវឌ្ឍន៍ជនបទខេត្ត លើការត្រួតពិនិត្យបញ្ជាក់បន្ថែមលើទិន្នន័យអនាម័យ ដែលទីប្រឹក្សាទទួលបានកាលគ្រាមុន។
២. គម្រោងនឹងពិនិត្យលទ្ធភាពក្នុងការជួយជំរុញODF ថ្នាក់ភូមិ ឬថ្នាក់នៃឃុំ នៃឃុំគោលដៅរបស់គម្រោង(ក្រុមការងារសម្របសម្រួល និងក្រុមការងារមន្ទីរ ស្នើឱ្យជួយថ្នាក់ឃុំ) ដោយជំរុញនៅឃុំនៃស្រុកម៉ាឡៃ ផ្អែកលើទំហំនៃថវិការបស់គម្រោងជាក់ស្តែង
៣. ចំពោះយន្តការនៃការផ្តល់ឧបត្ថម្ភធនដល់គ្រួសារក្រីក្រីដែលមាន ឬគ្មានប័ណ្ណសមធម៌ ក្រុមការងារនឹងផ្តល់ជូន ដល់គ្រួសារទាំងនោះ ទោះបីមាន ឬគ្មានប័ណ្ណ ដោយផ្អែកលើភាពជាក់ស្តែង និងមានការបញ្ជាក់ជាលាយលក្ខណ៍អក្សររបស់អាជ្ញាធរមូលដ្ឋាន។