លោកប្រធានមន្ទីរអភិវឌ្ឍន៍ជនបទខេត្តសៀមរាប ចូលរួមក្នុងពិធីបើកវគ្គបណ្តុះបណ្ដាលស្ដីពី ការរចនាប្លង់ផ្លូវជនបទប្រកបដោយសុវត្ថិភាពចរាចរ (Training  Workshop  on Safe Rural  Road Design)

ខេត្តសៀមរាប៖ នាថ្ងៃអង្គារ ៤កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែកក្កដា ឆ្នាំ២០២៤ លោក ទូច ម៉ាឡា ប្រធានមន្ទីរអភិវឌ្ឍន៍ជនបទខេត្តសៀមរាប បានចូលរួមក្នុងពិធីបើកវគ្គបណ្តុះបណ្ដាលស្ដីពី ការរចនាប្លង់ផ្លូវជនបទប្រកបដោយសុវត្ថិភាពចរាចរ (Training  Workshop  on Safe Rural  Road Design) ដែលរៀបចំឡើងដោយគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទដើម្បីផ្សារកសិករ និងពាណិជ្ជូបនីយកម្មកសិកម្ម (SAAMBAT) ក្រោមអធិបតីភាព លោក Mark Thriscutt ប្រធានដឹកនាំគម្រោង នៅសណ្ឋាគារ Angkor Paradise ខេត្តសៀមរាប។

វគ្គបណ្តុះបណ្តាលនេះ​ មានរយពេល៣ថ្ងៃ និងមានការចូលរួមពី លោកអនុប្រធានមន្ទីរទទួលបន្ទុក លោកប្រធានការិយាល័យផ្លូវជនបទ និងមន្ត្រីនៃការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តសៀមរាប និង លោក លោកស្រី ដែលជាក្រុមការងារនៃគម្រោង SAAMBAT មកពីក្រសួងអភិវឌ្ឍន៍ជនបទ, មន្ទីរអភិវឌ្ឍន៍ជនបទខេត្តរតនៈគីរី, ឧត្តរមានជ័យ, កំពង់ធំ, ស្ទឹងត្រែង និងមន្ទីរអភិវឌ្ឍន៍ជនបទខេត្តខេត្តព្រះវិហារ៕