![ឯកឧត្តម ឆាយ ឫទ្ធិសែន ដឹកនាំគណៈប្រតិភូក្រសួងដាក់កម្រងផ្កា គោរពវិញ្ញាណក្ខន្ធសព សម្ដេចចៅហ្វាវាំង វរវៀងជ័យ អធិបតីស្រីង្គារ គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង 8 10 1](https://www.mrd.gov.kh/wp-content/uploads/2024/09/10-1-150x150.jpg)
ឯកឧត្តម ឈឹម សៅគី អញ្ជើញសួសរសុខទុក្ខថ្នាក់ដឹកនា និងមន្ត្រីរាជការក្រសួងអភិវឌ្ឍន៍
- ថ្ងៃទី១០ ខែកក្កដា ឆ្នាំ២០២៤ ម៉ោង ១:០២ ល្ងាច
- សកម្មភាពក្រសួង
![ឯកឧត្តម ឈឹម សៅគី អញ្ជើញសួសរសុខទុក្ខថ្នាក់ដឹកនា និងមន្ត្រីរាជការក្រសួងអភិវឌ្ឍន៍ 2 photo 2024 07 10 11 26 15](https://www.mrd.gov.kh/wp-content/uploads/2024/07/photo_2024-07-10_11-26-15-1000x749.jpg)
រាជធានីភ្នំពេញ ៖ នាល្ងាចថ្ងៃអង្គារ ៤កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៩ ខែកក្កដា ឆ្នាំ២០២៤ ឯកឧត្តម ឈឹម សៅគី ប្រធាន សមាគម សង្គហមិត្ត ក្រសួង អភិវឌ្ឍន៍ ជនបទ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានកិត្តិយសសមាគមសង្គហមិត្ត ក្រសួងអភិវឌ្ឍន៍ជនបទ ដោយមានការចូលរួមពីឯកឧត្តម បាន បូរ័ត្ន អគ្គនាយករដ្ឋបាល និងហិរញ្ញវត្ថុ និងជាប្រធានគណៈកម្មាធិការប្រតិបត្តិ លោកប្រធានផ្នែក និងជំនួយការសមាគម បានពាំនាំនូវសេចក្តីផ្តាំផ្ញើសាកសួរសុខទុក្ខ និងសព្ទសាធុការពរ ព្រមទាំងបាននាំយកនូវប្រាក់ឧបត្ថម្ភដ៏ថ្លៃថ្លារបស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានកិត្តិយសសមាគមសង្គហមិត្ត ក្រសួងអភិវឌ្ឍន៍ជនបទ និងថ្នាក់ដឹកនាំ នៃសមាគម ជូនដល់ឯកឧត្តម ជា ស្រ៊ុន រដ្ឋលេខាធិការ និងជាសមាជិកទ្រទ្រង់ រងគ្រោះថ្នាក់ដោយចៃដន្យ និងលោក ឡៃ ស៊ីថា អនុប្រធាននាយកដ្ឋានផ្គត់ផ្គង់ទឹកជនបទ និងជាសមាជិកសកម្ម បានជួបឧបទ្ទវហេតុគ្រោះថ្នាក់ចរាចរណ៍ ដែលកំពុងសម្រាកព្យាបាលនៅគេហដ្ឋាន។
ការអញ្ជេីញចុះសាកសួរសុខទុក្ខនាឱកាសនេះ គឺក្រោមការចង្អុលបង្ហាញ និងការដឹកនាំប្រកបដោយចក្ខុវិស័យវែងឆ្ងាយ និងច្បាស់លាស់របស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងជាប្រធានកិត្តិយសសមាគម តែងតែគិតគូរ ពិភាក្សារកវិធី ដើម្បីលើកកម្ពស់សាមគ្គីភាព និងសេចក្តីស្រឡាញ់ចំពោះគ្នានិងគ្នា ដែលជាប្រពៃណី និងជាគំរូល្អ សម្រាប់មន្ត្រីរាជការ ក៏ដូចជាសម្រាប់សង្គមជាតិទាំងមូល៕