ឯកឧត្តម នួន ពេជ្រនិមិត្ត អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារឆមាសទី២ ឆ្នាំ២០២៤

រាជធានីភ្នំពេញ៖  នាព្រឹកថ្ងៃសុក្រ ៨កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែមិថុនា ឆ្នាំ២០២៤ ឯកឧត្តម នួន ពេជ្រនិមិត្ត រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារឆមាសទី១ និងលើកទិសដៅការងារឆមាសទី២ ឆ្នាំ២០២៤ នឹងមានការអញ្ជើញចូលរួមពីសំណាក់ ឯកឧត្តម វ៉ាន់ ស៊ីវឿន អនុរដ្ឋលេខាធិការ ឯកឧត្តម ពិត ហេម៉ុណ្ណា អនុរដ្ឋលេខាធិការ និងលោក ជា សែម អគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ   ព្រមទាំងថ្នាក់ដឹកនាំនិងមន្រ្តីរាជការនាយកដ្ឋានបណ្ដុះបណ្ដាល និងស្រាវជ្រាវ ចំនួន ២៨នាក់ (ស្រី ៦នាក់)។

កិច្ចប្រជុំបានពិនិត្យ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្រ្តីរាជការទាំងអស់នៃនាយកដ្ឋានបណ្តុះបណ្តាល និងស្រាវជ្រាវ ដែលសម្រេចវឌ្ឍនភាពការងារក្នុងឆមាសទី១ ឆ្នាំ២០២៤ បានប្រមាណ ៥៥,៤៧% នៃផែនការរួមប្រចាំឆ្នាំរបស់នាយកដ្ឋាន។