![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 9 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ក្រុមការងារនាយកដ្ឋានថែទាំសុខភាពជនបទ បានចូលរួមបណ្តុះបណ្តាលដល់គ្រូបង្គោលថ្នាក់ខេត្តស្តីពី សហគមន៍ដឹកនាំអនុវត្តន៍អនាម័យ
- ថ្ងៃទី១០ ខែមិថុនា ឆ្នាំ២០២៤ ម៉ោង ១០:០០ ព្រឹក
- សកម្មភាពមន្ទីរ
![ក្រុមការងារនាយកដ្ឋានថែទាំសុខភាពជនបទ បានចូលរួមបណ្តុះបណ្តាលដល់គ្រូបង្គោលថ្នាក់ខេត្តស្តីពី សហគមន៍ដឹកនាំអនុវត្តន៍អនាម័យ 2 photo 2024 06 08 08 00 43](https://www.mrd.gov.kh/wp-content/uploads/2024/06/photo_2024-06-08_08-00-43-1000x750.jpg)
ខេត្តកោះកុង៖ នាព្រឹកថ្ងៃសុក្រ ១កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៧ ខែមិថុនា ឆ្នាំ២០២៤ នៅសាលប្រជុំមន្ទីរអភិវឌ្ឍន៍ជនបទខេត្តកោះកុង ក្រុមការងារនាយកដ្ឋានថែទាំសុខភាពជនបទ បានចូលរួមបណ្តុះបណ្តាលដល់គ្រូបង្គោលថ្នាក់ខេត្តស្តីពី សហគមន៍ដឹកនាំអនុវត្តន៍អនាម័យ (CLTS) ក្រោមអធិបតីភាព លោកស្រី អ៊ុន សុគន្ធីតា នាយករងរដ្ឋបាលសាលាខេត្តកោះកុង ដោយមានការអញ្ជើញចូលរួមពីលោក លោកស្រីតំណាងមន្ទីរជំនាញជុំវិញខេត្ត អាជ្ញាធរក្រុង/ស្រុក ឃុំ និងមន្រ្តីជំនាញនៃមន្ទីរអភិវឌ្ឍន៍ជនបទខេត្តកោះកុង សរុបចំនួន៤៦ រូប ស្រី១៥។
វគ្គបណ្តុះបណ្តាលនេះមានគោលបំណងដើម្បីផ្តល់ចំណេះដឹងដល់ភាគីពាក់ព័ន្ធឱ្យមានជំនាញក្នុងការបង្កើតតម្រូវការលើកកម្ពស់អនាម័យជនបទ។
តាមរយៈវគ្គបណ្តុះបណ្តាលនេះ សម្រេចបានលទ្ធផលដូចខាងក្រោម៖
– អ្នកចូលរួមទាំងអស់បានយល់ដឹងពីវិធីសាស្រ្តបំផុសឱ្យសហគមន៍ផ្លាស់ប្តូរឥរិយាបថ
-អ្នកចូលរួមបានយល់ដឹងពីរបៀបចុះបញ្ជីសៀវភៅទិន្នន័យអនាម័យភូមិ និងការគូសផែនទីអនាម័យភូមិ
-អ្នកចូលរួមបានយល់ដឹងពីបទពិសោធន៍កត្តាជោគជ័យ និងបញ្ហាប្រឈមពីបណ្តាខេត្តផ្សេង
– អ្នកចូលរួមទាំងអស់ បានប្តេជ្ញាថា នឹងជំរុញខេត្តកោះកុងឱ្យឆាប់ទទួលបាន ODF៕