![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 10 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្ដម អ៉ិន ចន្ថា ដឹកនាំគណៈប្រតិភូអន្តរក្រសួងត្រួតពិនិត្យ វាយតម្លៃ បញ្ចប់សុពលភាព លើការងារស្ថាបនាផ្លូវ លូ នៅខេត្តកំពង់ស្ពឺ
- ថ្ងៃទី២ ខែមិថុនា ឆ្នាំ២០២៤ ម៉ោង ១២:០០ ល្ងាច
- សកម្មភាពក្រសួង
![ឯកឧត្ដម អ៉ិន ចន្ថា ដឹកនាំគណៈប្រតិភូអន្តរក្រសួងត្រួតពិនិត្យ វាយតម្លៃ បញ្ចប់សុពលភាព លើការងារស្ថាបនាផ្លូវ លូ នៅខេត្តកំពង់ស្ពឺ 2 photo 2024 05 31 12 03 22](https://www.mrd.gov.kh/wp-content/uploads/2024/06/photo_2024-05-31_12-03-22.jpg)
ខេត្តកំពង់ស្ពឺ៖ នាថ្ងៃសុក្រ ៩រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ៣១ ខែឧសភា ឆ្នាំ២០២៤ ឯកឧត្ដម អ៉ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំគណៈប្រតិភូអន្តរក្រសួង (ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ) សមាជិកគណៈកម្មាធិការលទ្ធកម្ម អមដំណើរដោយប្រធានមន្ទីរអភិវឌ្ឍន៍ជនបទ ខេត្តកំពង់ស្ពឺ បានចុះត្រួតពិនិត្យ វាយតម្លៃ បញ្ចប់សុពលភាព លើការងារស្ថាបនាផ្លូវ លូ និងផ្លាកឈ្មោះ ផ្លូវចំនួន ១គម្រោង ៣ខ្សែ ប្រវែង ១ ៤៦០ម៉ែត្រ ស្ថិតនៅភូមិត្រពាំងឫស្សី ឃុំសំបូរ ភូមិរំដួល និងភូមិថ្កូវ ឃុំត្រពាំងគង ស្រុកសំរោងទង ខេត្តកំពង់ស្ពឺ។
ក្រោយពីគណៈកម្មាធិការអន្តរក្រសួងចុះត្រួតពិនិត្យ និងវាយតម្លៃបញ្ចប់សុពលភាព លើការងារស្ថាបនាផ្លូវ លូ និងផ្លាកឈ្មោះចប់ ក្នុងឱកាសនោះ ឯកឧត្ដម រដ្ឋលេខាធិការ បានបន្តដឹកនាំប្រជុំ ជាលទ្ធផលនៃអង្គប្រជុំសមាជិកសមាជិកាគណៈកម្មាធិការអន្តរក្រសួងបានបូកសរុបអំពីការត្រួតពិនិត្យ បានវាយតម្លៃខ្ពស់ចំពោះគុណភាពនៃការស្ថាបនាខ្សែផ្លូវ ១គម្រោងនេះ និងកោតសរសើរនៃការសាងសងអនុវត្តតាមបទដ្ឋានបច្ចេកទេសគឺមានគុណភាពល្អនឹងឯកភាពទទួលយកដោយសេចក្ដីរីករាយ ។