![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 8 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ឯកឧត្តម យឺន សូផល អញ្ជើញចូលរួមអបអរសាទរទិវា “ជីវចម្រុះអន្តរជាតិឆ្នាំ២០២៤” ក្រោមប្រធានបទ “យើងចូលរួមអនុវត្តផែនការជីវចម្រុះ (Be Part of the Plan)
- ថ្ងៃទី២៨ ខែឧសភា ឆ្នាំ២០២៤ ម៉ោង ៧:៥៥ ព្រឹក
- សកម្មភាពមន្ទីរ
![ឯកឧត្តម យឺន សូផល អញ្ជើញចូលរួមអបអរសាទរទិវា “ជីវចម្រុះអន្តរជាតិឆ្នាំ២០២៤” ក្រោមប្រធានបទ “យើងចូលរួមអនុវត្តផែនការជីវចម្រុះ (Be Part of the Plan) 2 IMG 20240528 075203 375](https://www.mrd.gov.kh/wp-content/uploads/2024/05/IMG_20240528_075203_375-1000x649.jpg)
ខេត្តព្រះវិហារ ៖ នាព្រឹកថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ ឯកឧត្តម យឺន សុផល អនុរដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ រួមជាមួយលោកស្រី នួន មុនីចិន្តា ប្រធាននាយកដ្ឋានអភិវឌ្ឍន៍ជនជាតិភាគតិច និងក្រុមការងារ នៃនាយកដ្ឋានអភិវឌ្ឍន៍ជនជាតិភាគតិច បានអញ្ជើញចូលរួមអបអរសាទរទិវា “ជីវចម្រុះអន្តរជាតិឆ្នាំ២០២៤” ក្រោមប្រធានបទ “យើងចូលរួមអនុវត្តផែនការជីវចម្រុះ (Be Part of the Plan)”។
ពិធីនេះប្រារព្ធនៅវិទ្យាល័យស្រយ៉ង់ ស្រុកគូលែន ដែលរៀបចំដោយក្រសួងបរិស្ថាន ក្នុងគោលបំណង លើកកម្ពស់ការយល់ដឹង និងជំរុញសកម្មភាពរួមឆ្ពោះទៅរកការអភិរក្សជីវៈចម្រុះ ដែលសមាសភាពចូលរួមរួមមាន ថ្នាក់ដឹកនាំក្រសួងបរិស្ថាន តំណាងក្រសួងពាក់ព័ន្ធ ឯកឧត្តមអភិបាល នៃគណៈអភិបាលខេត្ត តំណាងមន្ទីរពាក់ព័ន្ធ តំណាងអង្គការដៃគូ អាជ្ញាធរមូលដ្ឋានស្រុក-ឃុំ-ភូមិ យុវជនកាកបាទក្រហម សិស្សានុសិស្សនៃវិទ្យាល័យស្រយ៉ង់ និងប្រជាពលរដ្ឋ សរុបចំនួនប្រហែល ៤០០នាក់។ ក្នុងពិធីនេះក៏មានការអញ្ជើញដាំកូនឈើជានិមិត្តរូបផងដែរ៕