មន្ទីរអភិវឌ្ឍន៍ជនបទ ខេត្តព្រះសីហនុ បានរៀបចំសិក្ខាសាលាឆ្លុះបញ្ចាំងស្តីពី លទ្ធផលនៃការផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាល

ខេត្តព្រះសីហនុ៖ នៅថ្ងៃព្រហស្បតិ៍ ៩ កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែឧសភា ឆ្នាំ២០២៤ មន្ទីរអភិវឌ្ឍន៍ជនបទ ខេត្តព្រះសីហនុ និងអ្នកពាក់ព័ន្ធក្នុងខេត្ត បានរៀបចំសិក្ខាសាលាឆ្លុះបញ្ចាំងស្តីពី លទ្ធផលផ្ទៀងផ្ទាត់ស្ថានភាពបញ្ចប់ការបន្ទោបង់ពាសវាលពាសកាលក្រុងព្រះសីហនុ ក្រោមអធិបតីភាព ឯកឧត្តម ជាម ហ៊ីម រដ្ឋលេខាធិការក្រសួងអភិវឌ្ឍន៍ជនបទ និង លោក គង់ វិតាណៈ អភិបាលរង នៃគណៈអភិបាលខេត្តព្រះសីហនុ ដែលមានសមាជិក សមាជិកាចូលរួមចំនួន៤៩នាក់ (ស្រី៣នាក់) នៅសាលប្រជុំក្រុមប្រឹក្សាខេត្តព្រះសីហនុ។