មន្ទីរអភិវឌ្ឍន៍ជនបទខេត្តប៉ៃលិន សហការជាមួយរដ្ឋបាលក្រុង ស្រុក ចុះពិនិត្យស្រះទឹក និងជួសជុលអណ្ដូងស្នប់ជូនប្រជាពលរដ្ឋ

ខេត្តប៉ៃលិន៖ នាថ្ងៃព្រហស្បតិ៍ ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ លោក សុខ សុវណ្ណរតនា អនុប្រធានមន្ទីរ បានដឹកនាំក្រុមការងារមន្ទីរអភិវឌ្ឍន៍ជនបទខេត្តប៉ៃលិន សហការជាមួយរដ្ឋបាលស្រុកសាលាក្រៅ និងរដ្ឋបាលក្រុងប៉ៃលិន បានចុះពិនិត្យស្ថានភាពទឹកស្រះ ១កន្លែង ដែលនៅមានទឹកសម្រាប់ប្រើប្រាស់បានស្ថិតនៅភូមិព្រៃសន្ទះ ឃុំស្ទឹងត្រង់ ស្រុកសាលាក្រៅ និងធ្វើការជួសជុលអណ្តូងស្នប់សរុបចំនួន ០៨អណ្តូង ជូនប្រជាពលរដ្ឋដើម្បីប្រើប្រាស់បន្ទាន់បានចំនួន ៥១គ្រួសារ ស្ថិតក្នុងឃុំស្ទឹងត្រង់ ស្រុកសាលាក្រៅ និងសង្កាត់ទួលល្វា ក្រុងប៉ៃលិន៕