មន្ទីរអភិវឌ្ឍន៍ជនបទខេត្តក្រចេះ បានចាត់ក្រុមការងារបច្ចេកទេសទឹកស្អាត បន្តចុះជួសជុលអណ្តូងស្នប់ ចំនួន១០អណ្តូង ក្នុងស្រុកស្នួល ស្រុកចិត្របុរី និងស្រុកសំបូរ

ខេត្តក្រចេះ៖ ថ្ងៃព្រហស្បតិ៍ ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី២ ខែឧសភា ឆ្នាំ២០២៤ លោក លឹម ជីវហាវ ប្រធានមន្ទីរអភិវឌ្ឍន៍ជនបទខេត្តក្រចេះ ចាត់ក្រុមការងារបច្ចេកទេសទឹកស្អាតដោយបែងចែកជា ២ក្រុម ដើម្បីបន្តចុះជួសជុលអណ្តូងស្នប់ដែលខូចមិនអាចប្រើប្រាស់បាន។
ជាលទ្ធផល ក្រុមការងារបច្ចេកទេសទឹកស្អាតរបស់មន្ទីរអភិវឌ្ឍន៍ជនបទខេត្តក្រចេះ គឺបានជួសជុលអណ្ដូងសម្រេចបានចំនួន ១០អណ្តូង ក្នុងស្រុកស្នួល ស្រុកចិត្របុរី និងស្រុកសំបូរ។ គិតត្រឹមថ្ងៃនេះ មន្ទីរអភិវឌ្ឍន៍ជនបទខេត្តក្រចេះ បានជួសជុលអណ្ដូង ចំនួន៤២អណ្តូង និងមានភ្លៀងចំនួន ១មេ កម្រិតមធ្យម នៅឃុំស្រែចារ ស្រុកស្នួលក្នុងថ្ងៃនេះ។