![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 13 2 17](https://www.mrd.gov.kh/wp-content/uploads/2024/08/2-17-150x150.jpg)
លោកជំទាវ គង់ សុធីរី រដ្ឋលេខាធិការអញ្ជើញទៅពិនិត្យស្ថានភាពនៃការប្រើប្រាស់ទឹករបស់ប្រជាពលរដ្ឋនៅស្រុកកំពង់សីលា
- ថ្ងៃទី៤ ខែឧសភា ឆ្នាំ២០២៤ ម៉ោង ៨:០០ ល្ងាច
- សកម្មភាពក្រសួង
![](https://www.mrd.gov.kh/wp-content/uploads/2024/04/MRD-Logo-small.png)
ខេត្តកោះកុង៖ នាថ្ងៃព្រហស្បត៏ ៩រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី០២ ខែឧសភា ឆ្នាំ២០២៤ លោកជំទាវ គង់ សុធីរី រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញទៅពិនិត្យស្ថានភាពនៃការប្រើប្រាស់ទឹករបស់ប្រជាពលរដ្ឋនៅស្រុកកំពង់សីលាខេត្តព្រះសីហនុ ។
អមដំណើរក្នុងឱកាសនោះ មាន ឯកឧត្តម កែវ សិគុណ អនុរដ្ឋលេខាធិការ ក្រសួងអភិវឌ្ឍន៍ជនបទ លោក ប្រាក់ សុវណ្ណ ប្រធានមន្ទីរអភិវឌ្ឍន៍ជនបទខេត្តព្រះសីហនុ លោក អនុប្រធានមន្ទីរ ក្រុមការងារការិយាល័យផ្គត់ផ្គង់ទឹក លោកអភិបាលរងស្រុក លោកមេឃុំកំពង់សីលា ប្រធាន អនុប្រធានភូមិ ។
ក្នុឱកាសនោះគណៈប្រតិភូបានអញ្ជើញទៅពិនិត្យស្ថានភាពប្រភពទឹកអណ្តូងស្នប់ អណ្តូងលូ ស្រះទឹកសហគមន៍ នៅក្នុងភូមិសាស្ត្រ ឃុំកំពង់សីលា និងឃុំស្ទឹងឆាយ ស្រុកកំពង់សីលា និងបានឱ្យមន្រ្តីជំនាញរបស់មន្ទីរអភិវឌ្ឍន៍ជនបទខេត្តជួសជុលអណ្តូងស្នប់ដែលខូចខាត ដែលគិតមកដល់ថ្ងៃនេះ ជួសជុលអណ្ដូងជូនប្រជាពលរដ្ឋបានសរុបចំនួន ១៧អណ្តូង ។
ជាមួយគ្នានេះ លោកជំទាវ រដ្ឋលេខាធិការ និងប្រតិភូរួមដំណើរ បានអញ្ជើញទៅសួរសុខទុក្ខប្រជាពលរដ្ឋ ជួបពិភាក្សាជាមួយអាជ្ញាធរមូលដ្ឋានស្រុក និងឃុំ អំពីការត្រៀមមធ្យាបាយសម្រាប់ជួយអន្តរាគមន៍ដោះស្រាយទឹកជូនប្រជាជនឱ្យបានទាន់ពេលវេលា និងមានប្រសិទ្ធភាព ។
តាមការពិនិត្យជាក់ស្ដែងឃើញថា ស្ថានភាពទឹកសម្រាប់ប្រើប្រាស់ និងទឹកសម្រាប់ហូបប្រចាំថ្ងៃ របស់ប្រជាជននៅឃុំកំពង់សីលា និងឃុំស្ទឹងឆាយ ស្រុកកំពង់សីលា ពុំទាន់មានបញ្ហាប្រឈមនៅឡើយទេ ៕