![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 9 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
មន្ទីរអភិវឌ្ឍន៍ជនបទខេត្តក្រចេះ បានបែងចែកជា ២ក្រុម ចុះជួសជុលអណ្តូងស្នប់បានចំនួន ១៥អណ្តូង ស្មើនឹង ២១៩គ្រួសារ ជូនប្រជាពលរដ្ឋប្រើប្រាស់ក្នុងស្រុកចិត្របុរី និងស្រុកអូរគ្រៀងសែនជ័យ
- ថ្ងៃទី៤ ខែឧសភា ឆ្នាំ២០២៤ ម៉ោង ៩:០០ ព្រឹក
- សកម្មភាពមន្ទីរ
![មន្ទីរអភិវឌ្ឍន៍ជនបទខេត្តក្រចេះ បានបែងចែកជា ២ក្រុម ចុះជួសជុលអណ្តូងស្នប់បានចំនួន ១៥អណ្តូង ស្មើនឹង ២១៩គ្រួសារ ជូនប្រជាពលរដ្ឋប្រើប្រាស់ក្នុងស្រុកចិត្របុរី និងស្រុកអូរគ្រៀងសែនជ័យ 2 photo 2024 05 01 16 40 21](https://www.mrd.gov.kh/wp-content/uploads/2024/05/photo_2024-05-01_16-40-21-1000x750.jpg)
ខេត្តក្រចេះ៖ នាថ្ងៃពុធ ៨រោច ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១ ខែឧសភា ឆ្នាំ២០២៤ មន្ទីរអភិវឌ្ឍន៍ជនបទខេត្តក្រចេះ បានបែងចែកជា ២ក្រុម ចុះជួសជុលអណ្តូងស្នប់ជូនប្រជាពលរដ្ឋដែលក្នុងស្ថានភាពកំពុងជួយគ្រោះរាំងស្ងួត នៅឃុំកន្ទួត បានចំនួន ០៦អណ្តូង ស្មើនឹង ៨៧គ្រួសារទទួលផល និងឃុំក្បាលដំរី បានចំនួន០៩ អណ្តូង ស្មើនឹង១៣២គ្រួសារទទួលផល។
-ក្រុមទី១: ដឹកនាំដោយលោក ម៉ៅ សុខជា អនុប្រធានមន្ទីរ និងមន្ត្រីសមាជិក៤រូបទៀតសហការជាមួយរដ្ឋបាលឃុំកន្ទួត ស្រុកចិត្របុរី ចុះជួសជុលអណ្តូងស្នប់ដែលខូតខាតមាន៖ ភូមិស្រែនន ចំណុចទេចម្លង អន្លង់កេះ អង្គ្រងបានចំនួន០៦អណ្តូង ដែលមានគ្រួសារទទួលផលពីការប្រើប្រាស់ទឹកអណ្តូងចំនួន ៨៧គ្រួសារ។
-ក្រុមទី២: ដឹកនាំដោយលោក លឹម ជាវហាវ ប្រធានមន្ទីរ លោក ធន សារី អនុប្រធានមន្ទីរការិយាល័យផ្គត់ផ្គង់ទឹកជនបទ និងមន្ត្រីសមាជិក៣រូបទៀត សហការជារដ្ឋបាលឃុំក្បាលដំរី ស្រុកអូរគ្រៀងសែនជ័យ ចុះជួសជុលអណ្តូងស្នប់ នៅភូមិស្រែស្បូវ ចំនួន ០៤ អណ្តូង ភូមិអូតាណឹង ចំនួន០២ អណ្តូង ភូមិចង្ហប ចំនួន ០២អណ្តូង ភូមិអូពោធ៍ ចំនួន ០១អណ្តូង សរុបចំនួន ០៩ អណ្តូង ដែលមានគ្រួសារទទួលផលពីការប្រើប្រាស់ទឹកអណ្តូងចំនួន ១៣២គ្រួសារ។