![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
លោក យន់ សារ៉ោម ប្រធានមន្ទីរ អញ្ជើញចូលរួមប្រជុំពិភាក្សាអំពីបញ្ហាបម្រែបម្រួលអាកាសធាតុរាំងស្ងួតក្នុងរដូវប្រាំង ការខ្វះខាតទឹកបរិភោគ និងទឹកប្រើប្រាស់នៅតាមសហគមន៍មូលដ្ឋានក្នុងស្រុកទាំងមូល
- ថ្ងៃទី២៩ ខែមេសា ឆ្នាំ២០២៤ ម៉ោង ៧:០០ ព្រឹក
- សកម្មភាពមន្ទីរ
![លោក យន់ សារ៉ោម ប្រធានមន្ទីរ អញ្ជើញចូលរួមប្រជុំពិភាក្សាអំពីបញ្ហាបម្រែបម្រួលអាកាសធាតុរាំងស្ងួតក្នុងរដូវប្រាំង ការខ្វះខាតទឹកបរិភោគ និងទឹកប្រើប្រាស់នៅតាមសហគមន៍មូលដ្ឋានក្នុងស្រុកទាំងមូល 2 photo 2024 04 26 10 48 17](https://www.mrd.gov.kh/wp-content/uploads/2024/04/photo_2024-04-26_10-48-17-1000x750.jpg)
ខេត្តមណ្ឌលគិរី៖ នៅរសៀលថ្ងៃព្រហស្បតិ៍ ២ រោច ខែចេត្រ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី២៥ ខែមេសា ឆ្នាំ២០២៤ លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរី បានចូលរួមប្រជុំជាមួយលោកអភិបាលស្រុកកោះញែក លោកមេឃុំ លោកមេភូមិ ប្រជុំពិភាក្សាអំពីបញ្ហាបម្រែបម្រួលអាកាសធាតុរាំងស្ងួតក្នុងរដូវប្រាំង ការខ្វះខាតទឹកបរិភោគ និងទឹកប្រើប្រាស់នៅតាមសហគមន៍មូលដ្ឋានក្នុងស្រុកទាំងមូលមានឃុំចំនួន ៦ ភូមិចំនួន២៦ភូមិ បានដឹកនាំប្រជុំនិងផ្សព្វផ្សាយដល់អាជ្ញាធរឃុំ ភូមិ រាយការណ៍អំពីការប្រើប្រាស់ទឹកនៅតាមភូមិឃុំមានបញ្ហាខ្វះទឹកបរិភោគ និងទឹកប្រើប្រាស់ប្រចាំថ្ងៃមានការខ្វះជាបន្ទាន់នៅតាមមូលដ្ឋាននិមួយៗ ការយកទឹក អណ្តូងស្នប់ ទឹកទំនប់ តាមអូរ ស្រះ។ល។
ក្រោយពីបានស្តាប់ពីរបាយការណ៍ លោកមេភូមិ និងឃុំរួចមកឃើញថានៅស្រុកកោះញែកពុំមានការខ្វះខាតទឹកប្រើប្រាស់នៅឡើយ និងនៅតាមភូមិនីមួយៗមានទឹកប្រើបាស់គ្រប់គ្រាន់។ មន្ទីរអភិវឌ្ឍន៍ជនបទខេត្ត ក៏បានណែនាំដល់អាជ្ញាធរគ្រប់លំដាប់ថ្នាក់យកចិត្តទុកដាក់ការប្រើប្រាស់ទឹកឲ្យចេះសន្សំសំចៃ តាមការណែនាំ មានបញ្ហាការខ្វះខាតទឹកត្រូវរាយការណ៍មកអភិបាលស្រុក និងមន្ទីរបានទាន់ពេលវេលា។