![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 10 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ឯកឧត្តម ហុង ឡុង អញ្ជើញជាអធិបតីភាពក្នុងកិច្ចប្រជុំរៀបចំផ្សព្វផ្សាយលទ្ឋផលសន្និបាតបូកសរុបលទ្ឋផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ
- ថ្ងៃទី២៧ ខែមិនា ឆ្នាំ២០២៤ ម៉ោង ៨:០០ ព្រឹក
- សកម្មភាពក្រសួង
![ឯកឧត្តម ហុង ឡុង អញ្ជើញជាអធិបតីភាពក្នុងកិច្ចប្រជុំរៀបចំផ្សព្វផ្សាយលទ្ឋផលសន្និបាតបូកសរុបលទ្ឋផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ 2 photo 2024 03 26 11 21 00 2](https://www.mrd.gov.kh/wp-content/uploads/2024/03/photo_2024-03-26_11-21-00-2-1000x487.jpg)
ខេត្តរតនគិរី ៖ នាព្រឹកថ្ងៃអង្គារ ២ រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ២៦ ខែមីនា ឆ្នាំ២០២៤ នៅសាលប្រជុំធំរបស់មន្ទីរអភិវឌ្ឍន៍ជនបទ ខេត្តរតនគិរី បានរៀបចំពិធីផ្សព្វផ្សាយលទ្ឋផលសន្និបាតបូកសរុបលទ្ឋផលការងារប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ ក្រោមអធិបតីភាព ឯកឧត្តម ហុង ឡុង រដ្ឋលេខាធិការក្រសួងអភិវឌ្ឍន៍ជនបទ ឯកឧត្តមសុត សឿង អនុរដ្ឋលេខាធិការក្រសួងអភិវឌ្ឍន៍ជនបទ ឯកឧត្តម ងិន ណែលអភិបាលរង នៃគណអភិបាលខេត្តតំណាងឯកឧត្ដម ញ៉ែម សំអឿន អភិបាលនៃគណអភិបាលខេត្ត លោក សំ រដ្ឋា អគ្គនាយករង នៃអគ្គនាយករដ្ឋបាលនិងហិរញ្ញវត្ថុ ដោយមានការចូលរួមពី អភិបាល ស្រុក ក្រុង ប្រធានមន្ទីរអង្គភាពជុំវិញខេត្ត ចៅសង្កាត់ទាំង៤ ថ្នាក់ដឹកនាំ មន្រ្តីមន្ទីរអភិវឌ្ឍន៍ជនបទខេត្ត សរុបចំនួន ៥៥នាក់ ស្រ្តី៨នាក់ ។
ដោយកិច្ចប្រជុំរួមមាន៖
១-មតិស្វាគមន៍និងវឌ្ឍនភាពរបាយការណ៍
ត្រីមាសទី១ របស់មន្ទីរអភិវឌ្ឍន៍ជនបទខេត្ត(លោក អៀម អឿន ប្រធានមន្ទីរអភិវឌ្ឍន៍ជនបទខេតរតនគិរី។
២-មតិស្វាគមន៍និងសំណេះសំណាល ដោយឯកឧត្តម ងិន ណែល អភិបាលរងខេត្ត
៣-អានសេចក្តីប្រកាសព័ត៌មាន១៣ចំណុចអនុសាសាន៍ ដឹកនាំដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា ដោយ ឯកឧត្តម សុតសឿង អនុរដ្ឋលេខាធិការក្រសួងអភិវឌ្ឍន៍ជនបទ ។
៤-មតិសំណេះសំណាលផ្តាំផ្ញើ បិទអង្គពិធី ដោយឯកឧត្តម ហុង ឡុង រដ្ឋលេខាធិការក្រសួងអភិវឌ្ឍន៍ជនបទ។