![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 9 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តមបណ្ឌិត ចាន់ ដារ៉ុង បានចូលរួមកិច្ចប្រជុំការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ ជាមួយមន្ទីរអភិវឌ្ឍន៍ជនបទខេត្តព្រះវិហារ
- ថ្ងៃទី២៥ ខែកុម្ភៈ ឆ្នាំ២០២៤ ម៉ោង ១០:០០ ព្រឹក
- សកម្មភាពក្រសួង
![ឯកឧត្តមបណ្ឌិត ចាន់ ដារ៉ុង បានចូលរួមកិច្ចប្រជុំការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ ជាមួយមន្ទីរអភិវឌ្ឍន៍ជនបទខេត្តព្រះវិហារ 2 photo 2024 02 23 17 15 38 1](https://www.mrd.gov.kh/wp-content/uploads/2024/02/photo_2024-02-23_17-15-38-1-1000x750.jpg)
រាជធានីភ្នំពេញ ៖ នាថ្ងៃសុក្រ ១៤ កើត ខែមាឃ ឆ្នាំថោះបញ្ចស័ក ព.ស. ២៥៦៧ ត្រូវនឹងថ្ងៃទី២៣ ខែកុម្ភៈ ឆ្នាំ២០២៤ ឯកឧត្តមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ បានចូលរួមកិច្ចប្រជុំការងារប្រចាំខែកុម្ភៈ និងលើកទិសដៅការងារខែមីនា ឆ្នាំ២០២៤ ជាមួយមន្ទីរអភិវឌ្ឍន៍ជនបទខេត្តព្រះវិហារ តាមរយៈកិច្ចប្រជុំពីចម្ងាយ (Zoom) ដោយមានការចូលរួមពីថ្នាក់ដឹកនាំ មន្រ្តីរាជការ និងមន្រ្តីជាប់កិច្ចសន្យារបស់មន្ទីរ សរុបចំនួន ១៦រូប ស្ត្រី ០៥រូប ។
កិច្ចប្រជុំមានរបៀបវារៈចំនួន៣ គឺ
១- ពិនិត្យលើរបាយការណ៍របស់ការិយាល័យទាំង១០ របស់មន្ទីរ និង អង្គភាពអនុវត្តន៍គម្រោងទឹកស្អាត ក្រោមហិរញ្ញប្បទានរបស់ធនាគារអភិវឌ្ឍន៍អាស៊ី
២- ទិសដៅការងារខែមីនា
៣- បញ្ហាផ្សេងៗ
ជាកិច្ចចាប់ផ្តើម ឯកឧត្តមប្រធានអង្គប្រជុំ បានពាំនាំយកនូវការផ្ដាំផ្ញើសាកសួរសុខទុក្ខ របស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទជូនចំពោះ ថ្នាក់ដឹកនាំ និងមន្ត្រីរាជការទាំងអស់នៃមន្ទីរអភិវឌ្ឍន៍ជនបទខេត្តព្រះវិហារ។ ក្រោយពីបានស្តាប់នូវរបាយការណ៍របស់ការិយាល័យជំនាញរបស់មន្ទីរនិងអង្គភាពអនុវត្តគម្រោងរួចមក ឯកឧត្តមប្រធាន បានសំដែងនូវការកោតសរសើរចំពោះលទ្ធផលការងារ ដែលបានអនុវត្តកន្លងមកនេះ និងបានផ្តល់នូវអនុសាសន៍ល្អៗជាច្រើន សម្រាប់ជាទិសដៅក្នុងការអនុវត្តការងារបន្តឱ្យទទួលបានជោគជ័យបន្ថែមទៀតផងដែរ។