![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 9 2 17](https://www.mrd.gov.kh/wp-content/uploads/2024/08/2-17-150x150.jpg)
លោកវេជ្ជបណ្ឌិត លន់ សាយតេង អញ្ជើញជាអធិបតីក្នុងសិក្ខាសាលាឆ្លុះបញ្ចាំងត្រីមាសទី២ ស្តីពីការផ្គត់ផ្គង់ទឹក ការសម្អាតឦនិងអនាម័យប្រកបដោយបរិយាបន្ននិងមានភាពធននឹងអាកាសធាតុ
- ថ្ងៃទី២៩ ខែមករា ឆ្នាំ២០២៤ ម៉ោង ៦:០០ ល្ងាច
- សកម្មភាពក្រសួង
![លោកវេជ្ជបណ្ឌិត លន់ សាយតេង អញ្ជើញជាអធិបតីក្នុងសិក្ខាសាលាឆ្លុះបញ្ចាំងត្រីមាសទី២ ស្តីពីការផ្គត់ផ្គង់ទឹក ការសម្អាតឦនិងអនាម័យប្រកបដោយបរិយាបន្ននិងមានភាពធននឹងអាកាសធាតុ 2 photo 2024 01 26 20 10 43](https://www.mrd.gov.kh/wp-content/uploads/2024/01/photo_2024-01-26_20-10-43-1000x750.jpg)
នាព្រឹកថ្ងៃសុក្រ ១រោច ខែបុស្ស ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី២៦ ខែមករា ឆ្នាំ២០២៤ នៅការិយាល័យអប់រំយុវជន និងកីឡាស្រុកសាមគ្គីមានជ័យ ខេត្តកំពង់ឆ្នាំង លោកវេជ្ជបណ្ឌិត លន់ សាយតេង ប្រធាននាយកដ្ឋានថែទាំសុខភាពជនបទ នៃក្រសួងអភិវឌ្ឍន៍ជនបទ បានអញ្ជើញជាអធិបតីក្នុងសិក្ខាសាលាឆ្លុះបញ្ចាំងត្រីមាសទី២ ស្តីពីការផ្គត់ផ្គង់ទឹក ការសម្អាតឦនិងអនាម័យប្រកបដោយបរិយាបន្ននិងមានភាពធននឹងអាកាសធាតុ ។
សិក្ខាលាសានេះគាំទ្រអង្គការវ័តធឺអេត ( WaterAid) ដោយមានការអញ្ជើញចូលរួមពី លោក សល់ ណាំហេង អភិបាលរងនៃគណៈអភិបាលស្រុកសាមគ្គីមានជ័យ និងលោក ហាស់ រិទ្ធីសង្ហារិទ្ធ ប្រធានកម្មវិធីសមភាពបរិយាបន្ននៃអង្គការវ័តធឺអេត ព្រមទាំងមន្រ្តីបច្ចេកទសនាយកដ្ឋានថែទាំសុខភាពជនបទ មន្រ្តីមន្ទីរអភិវឌ្ឍន៍ជនបទខេត្តកំពង់ឆ្នាំង រដ្ឋបាលស្រុកកំពង់ត្រឡាច និងសាមគ្គីមានជ័យ មណ្ឌលសុខភាព សមាជិកក្រុមប្រឹក្សាឃុំ សរុបចំនួន ៤២នាក់ (ស្រី ២០នាក់) ។
គោលបំណងសំខាន់នៃសិក្ខាសាលានេះគឺ ៖
-ដើម្បីឆ្លុះបញ្ចាំងពីសមិទ្ធផលរីកចម្រើន និងការផ្លាស់ប្តូរដែលអាចសង្កេតបាននៅថ្នាក់មូលដ្ឋាន
– ដើម្បីចែករំលែកបទពិសោធន៍ល្អៗ របស់សហគមន៍ ដើម្បីកែលម្អ
– ដើម្បីកំណត់បញ្ហាប្រឈមរបស់សហគមន៍នាពេលបច្ចុប្បន្ន និងត្រូវកែលម្អផែនការសម្រាប់ពេលអនាគត ។
– ដើម្បីបំពេញចន្លោះជំនាញរបស់ភាគីពាក់ព័ន្ធនៅក្នុងការចងក្រងឯកសារ
– ដើម្បីរៀបចំការរំពឹងទុករយៈពេលបីឆ្នាំតទៅមុខទៀត ស្តីពីការផ្គត់ផ្គង់ទឹក ការសម្អាតឦនិងអនាម័យប្រកបដោយបរិយាបន្ននិងមានភាពធននឹងអាកាសធាតុ ។