![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
លោក ធីម សុធារ៉ា បានចុះពិនិត្យមើលពីវឌ្ឍនភាពគម្រោងស្តារផ្លូវក្រាលល្បាយក្រួសមួយខ្សែដែលរងគ្រោះដោយគ្រោះទឹកជំនន់ ឆ្នាំ២០២៣ ខេត្តពោធិ៍សាត់
- ថ្ងៃទី៧ ខែមករា ឆ្នាំ២០២៤ ម៉ោង ៣:០១ ល្ងាច
- សកម្មភាពក្រសួង
![លោក ធីម សុធារ៉ា បានចុះពិនិត្យមើលពីវឌ្ឍនភាពគម្រោងស្តារផ្លូវក្រាលល្បាយក្រួសមួយខ្សែដែលរងគ្រោះដោយគ្រោះទឹកជំនន់ ឆ្នាំ២០២៣ ខេត្តពោធិ៍សាត់ 2 photo 2024 01 04 18 06 29](https://www.mrd.gov.kh/wp-content/uploads/2024/01/photo_2024-01-04_18-06-29-1000x750.jpg)
ខេត្តពោធិ៍សាត់៖ កាលពីថ្ងៃព្រហស្បតិ៍ ៨រោច ខែមិគសិរ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី០៤ ខែមករា ឆ្នាំ២០២៤ លោក ធីម សុធារ៉ា ប្រធានមន្ទីរអភិវឌ្ឍន៍ជនបទ ខេត្តពោធិ៍សាត់ ដោយមានការការចូលរួមដំណើរដោយលោក និន ស៊ីណាត អនុប្រធានមន្ទីរ និងមន្ត្រីបច្ចេកទេសផ្លូវជនបទរបស់មន្ទីរ បានចុះត្រួតពិនិត្យមើលពីវឌ្ឍនភាពគម្រោងស្តារផ្លូវក្រាលល្បាយក្រួសមួយខ្សែដែលរងគ្រោះដោយគ្រោះទឹកជំនន់ ឆ្នាំ២០២៣ ស្ថិតក្នុងភូមិសាស្រ្ត ផ្លូវពី ភូមិស្ទឹង ភូមិកំពង់រកា ភូមិដំរីស ក្នុងស្រុកកណ្ដៀង មានប្រវែង ៧ ២០០ ម៉ែត្រដែលមានពីរកំណាត់គឺ៖
-កំណាត់ទី១មាន ប្រវែង ៤ ៩០០ម៉ែត្រ
-និងកំណាត់ទី២ ប្រវែង ២ ៣០០ម៉ែត្រ
គួរបញ្ជាក់ថា ខ្សែផ្លូវនេះមានសំណង់រំដោះទឹក ៥កន្លែងគឺ មានលូប្រអប់ ១កន្លែង លូមូលភ្លោះ ១កន្លែង និងលូមូលទោល ៣កន្លែង ដែលកំពុងស្ថាបនាដោយនាយកដ្ឋានផ្លូវលំជនបទនៃក្រសួងអភិវឌ្ឍន៍ជនបទ។
ជាលទ្ធផលសម្រេច ៨៥% ដោយបានពង្រីកតួផ្លូវ លើកកូដដីស សាងសង់សំណង់លូទាំង ៥កន្លែងរួចរាល់ជាស្ថាពរ ហើយបានក្រាលក្រួសក្រហមប្រវែង ៦ ៤០០ម៉ែត្រ។