![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 8 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ឯកឧត្តម អ៊ិន ចន្ថា ដឹកនាំកិច្ចប្រជុំក្រុមការងារអភិវឌ្ឍន៍ភូមិគំរូ និងសហគមន៍គំរូជនជាតិដើមភាគតិច
- ថ្ងៃទី២៧ ខែធ្នូ ឆ្នាំ២០២៣ ម៉ោង ៤:០០ ល្ងាច
- សកម្មភាពក្រសួង
![ឯកឧត្តម អ៊ិន ចន្ថា ដឹកនាំកិច្ចប្រជុំក្រុមការងារអភិវឌ្ឍន៍ភូមិគំរូ និងសហគមន៍គំរូជនជាតិដើមភាគតិច 2 photo 2023 12 25 19 41 18](https://www.mrd.gov.kh/wp-content/uploads/2023/12/photo_2023-12-25_19-41-18-1000x666.jpg)
រាជធានីភ្នំពេញ ៖ នារសៀលថ្ងៃចន្ទ ១៣កើត ខែមិគសិរ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែធ្នូ ឆ្នាំ ២០២៣ ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានដឹកនាំកិច្ចប្រជុំក្រុមការងារអភិវឌ្ឍន៍ភូមិគំរូ និងសហគមន៍គំរូជនជាតិដើមភាគតិច ដោយមានការចូលរួមពី ឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ លោកអគ្គនាយករង ព្រមទាំងថ្នាក់ដឹកនាំនាយកដ្ឋានអភិវឌ្ឍន៍សហគមន៍ និងនាយកដ្ឋានអភិវឌ្ឍន៍ជនជាតិភាគតិច។
ក្នុងកិច្ចប្រជុំនេះមានគោលបំណង ដើម្បីពិភាក្សារៀបចំ ឯកសារពាក់ព័ន្ធទៅនឹងការអភិវឌ្ឍភូមិគំរូ និងសហគមន៍ជនជាតិដើមភាគតិចគំរូ។ ឯកឧត្តម អឿន ធារិទ្ធ ប្រធាននាយកដ្ឋានអភិវឌ្ឍន៍សហគមន៍ បានធ្វើបទបង្ហាញស្តីពី លក្ខណៈវិនិច្ឆ័យភូមិគំរូ ហើយ លោកស្រី នួន មុនីចិន្តា បានធ្វើបទបង្ហាញស្តីពី ការអភិវឌ្ឍសហគមន៍គំរូជនជាតិដើមភាគតិច។ ក្នុងឱកាសនោះ ឯកឧត្តម អុិន ចន្ថា រដ្ឋលេខាធិការ បានស្នើឱ្យក្រុមការងារចុះសិក្សានៅទីតាំងភូមិដែលបានអនុវត្តសកម្មភាពល្អ ដើម្បីជាធាតុចូលបន្ថែមសម្រាប់ការវាយតម្លៃ និងស្វែងរកការគាំទ្រក្នុងការអភិវឌ្ឍភូមិ៕