![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តមបណ្ឌិត នួន ដាញ៉ិល រដ្ឋលេខាធិការ ដឹកនាំគណៈកម្មការអន្ដរក្រសួងពិនិត្យ និងវាយតម្លៃផ្លូវចំនួន ១៦ខ្សែ នៅស្រុកចំនួន ៦ ក្នុងខេត្តតាកែវ
- ថ្ងៃទី១៩ ខែវិច្ឆិកា ឆ្នាំ២០២៣ ម៉ោង ៤:០០ ល្ងាច
- សកម្មភាពក្រសួង
![ឯកឧត្តមបណ្ឌិត នួន ដាញ៉ិល រដ្ឋលេខាធិការ ដឹកនាំគណៈកម្មការអន្ដរក្រសួងពិនិត្យ និងវាយតម្លៃផ្លូវចំនួន ១៦ខ្សែ នៅស្រុកចំនួន ៦ ក្នុងខេត្តតាកែវ 2 IMG 20231119 134615 015](https://www.mrd.gov.kh/wp-content/uploads/2023/11/IMG_20231119_134615_015-1000x750.jpg)
ខេត្តតាកែវ ៖ នាថ្ងៃពុធ ៣កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៣ ឯកឧត្តមបណ្ឌិត នួន ដាញ៉ិល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានដឹកនាំគណៈកម្មការអន្តរក្រសួង រួមមានក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុ អញ្ជើញទៅត្រួតពិនិត្យ និងវាយតម្លៃ ក្នុងដំណាក់កាលទី ១ លើការងារថែទាំប្រចាំផ្លូវក្រាលកៅស៊ូពីរជាន់ប្រភេទ DBST ជាលក្ខណៈប្រចាំចំនួន ២ខ្សែ ប្រវែងសរុប ៣៧ ៣៣០ ម៉ែត្រ ស្ថិតនៅស្រុកគិរីវង់ និងស្រុកត្រាំកក់ និងផ្លូវក្រាលល្បាយថ្មភ្នំ ក្រួសពណ៌សចំនួន ១៤ខ្សែ ប្រវែងសរុបចំនួន ១០០ ១០០ ម៉ែត្រ ស្ថិតនៅស្រុកត្រាំកក់ ស្រុកគិរីវង់ ស្រុកទ្រាំង ស្រុកសំរោង និងស្រុកកោះអណ្តែត។
បន្ទាប់ពីបានត្រួតពិនិត្យជាក់ស្តែង អំពីសោភ័ណ្ឌភាព វឌ្ឍនភាព និងគុណភាពនៃការថែទាំរួចមក គណៈកម្មការអន្តរក្រសួង បានសម្រេចឯកភាពទទួលយកការអនុវត្តបញ្ចប់ដំណាក់កាលទី១ តាមសំណូមពរ ៕