![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 7 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តម អ៊ិន ចន្ថា អញ្ជើញចូលរួមក្នុងពិធីបិទសិក្ខាសាលាបញ្ចប់ការអនុវត្តគម្រោង “លើកកម្ពស់ជីវភាពប្រជាជន” ហៅកាត់ថា គម្រោងលាភ នៅសណ្ឋាគារសុខាល័យអង្គរ ខេត្តសៀមរាប
- ថ្ងៃទី១៤ ខែវិច្ឆិកា ឆ្នាំ២០២៣ ម៉ោង ១:៥៨ ល្ងាច
- សកម្មភាពក្រសួង
![ឯកឧត្តម អ៊ិន ចន្ថា អញ្ជើញចូលរួមក្នុងពិធីបិទសិក្ខាសាលាបញ្ចប់ការអនុវត្តគម្រោង "លើកកម្ពស់ជីវភាពប្រជាជន” ហៅកាត់ថា គម្រោងលាភ នៅសណ្ឋាគារសុខាល័យអង្គរ ខេត្តសៀមរាប 2 photo 2023 11 13 16 30 32 1](https://www.mrd.gov.kh/wp-content/uploads/2023/11/photo_2023-11-13_16-30-32-1-1000x750.jpg)
ខេត្តសៀមរាប៖ នៅថ្ងៃចន្ទ ១កើត ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ ឯកឧត្តម អ៊ិន ចន្ថា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្ដម ឆាយ ប្ញទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ បានអញ្ជើញចូលរួមក្នុងពិធីបិទសិក្ខាសាលាបញ្ចប់ការអនុវត្តគម្រោង “លើកកម្ពស់ជីវភាពប្រជាជន” ហៅកាត់ថា គម្រោងលាភ ក្រោមអធិបតីភាព ឯកឧត្ដម ងី ច័ន្ទផល រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្ដី រដ្ឋមន្ដ្រីក្រសួងមហាផ្ទៃ ។
សិក្ខាសាលាបិទបញ្ចប់ការអនុវត្តគម្រោងនេះ ត្រូវបានរៀបចំនៅសណ្ឋាគារសុខាល័យអង្គរ ខេត្តសៀមរាប ដោយមានសមាសភាពអញ្ជើញចូលរួមមកពី តំណាងក្រសួង ស្ថាប័ន អង្គភាពពាន់ព័ន្ធ ដៃគូអភិវឌ្ឍ ភ្នាក់ងារអនុវត្តគម្រោង អង្គការសង្គមស៊ីវិល និងមីក្រូហិរញ្ញវត្ថុ រួមទាំងប្រជាពលរដ្ឋ ដែលជាអ្នកចូលរួម និងជាអ្នកទទួលផលអំពីការអនុវត្តគម្រោងលាភ សរុបប្រមាណ ៥៥០រូប ។
គម្រោងលើកកម្ពស់ជីវភាពប្រជាជនក្រីក្រ មានរយៈពេលអនុវត្ត ៥ ឆ្នាំ ដោយបានប្រកាសដាក់ឱ្យអនុវត្តជាផ្លូវការ ចាប់ពីខែមិថុនា ឆ្នាំ២០១៧ នឹងត្រូវបិទបញ្ចប់នៅខែវិច្ឆិកា ឆ្នាំ២០២២ ដោយប្រើប្រាស់ថវិកាបដិភាគរបស់រាជរដ្ឋាភិបាល និងហរិញ្ញប្បទានកម្ចីពីធនាគារពិភពលោក (World Bank)។ ដោយសារការឆ្លងរីករាតត្បាតនៃជំងឺសកល កូវីដ ១៩ កាលពីឆ្នាំ២០២០ ដល់ ឆ្នាំ២០២១ សកម្មភាពមួយចំនួននៃគម្រោងលាភ ត្រូវផ្អាក និងមានការឯកភាពពីធនាគារពិភពលោក បានអនុញ្ញាតឱ្យអនុវត្តបន្ដរយៈពេល១ឆ្នាំបន្ថែម ដែលនឹងត្រូវបិទបញ្ចប់ជាផ្លូវការនៅថ្ងៃទី៣០ ខែវិច្ឆិកា ឆ្នាំ២០២៣ខាងមុខនេះ៕