ឯកឧត្តម ជា ស្រ៊ុន រដ្ឋលេខាធិការ និងជាប្រធានលេខាធិការដ្ឋានគ្រប់គ្រងគ្រោះមហន្តរាយ ដឹកនាំក្រុមការងារបច្ចទេសផ្លូវជនបទ បានចុះប្រមូលទិន្ន័យ នៃផលប៉ះពាល់ហេដ្ឋារចនាសម្ព័ន្ធជនបទ និងសំណង់សិល្បការ្យ ដែលបានទទួលរងការខូតខាតដោយសារជំនន់ទឹកភ្លៀង ឆ្នាំ២០២៣ នៅខេត្តពោធិ៍សាត់

ខេត្តពោធិ៍សាត់: នៅព្រឹកថ្ងៃចន្ទ ៨រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៦ ខែវិចិ្ឆកា ឆ្នាំ២០២៣ ឯកឧត្តម ជា ស្រ៊ុន រដ្ឋលេខាធិការ និងជាប្រធានលេខាធិការដ្ឋានគ្រប់គ្រងគ្រោះមហន្តរាយ តំណាងដ៏ខ្ពង់ខ្ពស់ ឯកឧត្ដម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដោយមានការចូលរួមអមដំណើរដោយលោក គឹម ស៊ាន និងលោក ឌុច សុផានិត អនុប្រធាននាយកដ្ឋានផ្លូវលំជនបទ និងសហការជាមួយមន្ត្រីបច្ចេកទេស របស់មន្ទីរអភិវឌ្ឍន៍ខេត្តពោធិ៍សាត់ បានចុះប្រមូលទិន្ន័យ នៃផលប៉ះពាល់ហេដ្ឋារចនាសម្ព័ន្ធជនបទ និងសំណង់សិល្បការ្យ ដែលបានទទួលរងការខូតខាតដោយសារជំនន់ទឹកភ្លៀង ឆ្នាំ២០២៣ នៅភូមិសាស្ត្រ ខេត្តពោធិ៍សាត់ ដែលមានចំនួន ០៦ខ្សែ ប្រវែងសរុប ៤៥ ១៨០ម៉ែត្រ។