![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 10 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តម ជា ស្រ៊ុន ដឹកនាំក្រុមលេខាធិការដ្ឋានគ្រប់គ្រងគ្រោះមហន្តរាយក្រសួងអភិវឌ្ឍន៍ជនបទ សហការជាមួយក្រសួងសេដ្ឋកិច្ច និងហិរញ្ញវត្ថុ ចុះពិនិត្យស្ថានភាពស្ពានបេតុង និងផ្លូវ ដែលបានរងផលប៉ះពាល់ដោយសារជំនន់ទឹកភ្លៀង ក្នុងខេត្តកំពង់ចាម
- ថ្ងៃទី២៩ ខែតុលា ឆ្នាំ២០២៣ ម៉ោង ២:០២ ល្ងាច
- សកម្មភាពក្រសួង
![ឯកឧត្តម ជា ស្រ៊ុន ដឹកនាំក្រុមលេខាធិការដ្ឋានគ្រប់គ្រងគ្រោះមហន្តរាយក្រសួងអភិវឌ្ឍន៍ជនបទ សហការជាមួយក្រសួងសេដ្ឋកិច្ច និងហិរញ្ញវត្ថុ ចុះពិនិត្យស្ថានភាពស្ពានបេតុង និងផ្លូវ ដែលបានរងផលប៉ះពាល់ដោយសារជំនន់ទឹកភ្លៀង ក្នុងខេត្តកំពង់ចាម 2 1000020193](https://www.mrd.gov.kh/wp-content/uploads/2023/10/1000020193-1000x750.jpg)
ខេត្តកំពង់ចាម ÷ នាថ្ងៃសៅរ៍ ១៤កើត ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹងទី២៨ ខែតុលា ឆ្នាំ២០២៣ ឯកឧត្តម ជា ស្រ៊ុន រដ្ឋលេខាធិការ និងជាប្រធានលេខាធិការដ្ឋានគ្រប់គ្រងគ្រោះមហន្តរាយ តំណាងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយឯកឧត្តម ហាប់ អូម៉ាលី រដ្ឋលេខាធិការ, ឯកឧត្តម បាន បូរ័ត្ន អគ្គនាយករដ្ឋបាល និងហិរញ្ញវត្ថុ, ឯកឧត្តម គង់ ភឿន ប្រធាននាយកដ្ឋានផ្លូវលំជនបទ, លោក អ៉ឹង វិសុទ្ធ ប្រធានមន្ទីរអភិវឌ្ឍន៍ជនបទខេត្តកំពង់ចាម និងមន្ត្រីបច្ចេកទេស ដោយមានការចូលរួមពីក្រុមការងារតំណាងក្រសួងសេដ្ឋកិច្ច និងហិរញ្ញវត្ថុ និងអាជ្ញាធរមូលដ្ឋាន បានចុះពិនិត្យស្ថានភាពស្ពានបេតុង វាលត្រដក់ពង មានបណ្តោយ១២ម៉េត្រ ទទឹង៥ម៉ែត្រ ស្ថិតក្នុងឃុំទួលសំបួរ ស្រុកស្ទឹងត្រង់ ខេត្តកំពង់ចាម ដែលបានសាងសង់ក្នុងឆ្នាំ២០០៧ ថវិការបស់សម្តេចតេជោ ហ៊ុន សែន តាមរយៈឧកញ៉ា សុឹម វណ្ណា ត្រូវបានបាក់ស្រុតដោយសារជំនន់ទឹកភ្លៀង កាលពីវេលាម៉ោង៨ព្រឹក ថ្នាងៃទី២៧ ខែតុលា ឆ្នាំ២០២៣ និងកំណាត់ផ្លូវដែលរងការខូចខាត។
ជាលទ្ធផលក្រុមការងារអន្តរក្រសួងបានឯកភាពលើគម្រោងជួសជុលបន្ទាន់ រួមមានដូចខាងក្រោម ÷
– សាងសង់ផ្លូវវាងដោយប្រើស្ពានបេឡេដើម្បីសម្រួលដល់ការធ្វើដំណើររបស់ប្រជាពលរដ្ឋជាបណ្តោះអាសន្នឡើងវិញ ដោយសារស្ពានដែលបាក់ស្រុតមិនអាចជួសជុលបាន ត្រូវធ្វើការសិក្សានិងសាងសង់ថ្មី
– កំណាត់ផ្លូវដែលរងការខូចខាតធ្ងន់ធ្ងរមុខផ្សារបែកអន្លូង ភូមិបែកអន្លូង ឃុំអារក្សត្នោត ស្រុកស្ទឹងត្រង់ ជួសជុលផ្លូវបេតុងប្រវែងប្រមាណ ៧០ម៉ែត្រ និងកំណាត់ផ្លូវក្រួសក្រហមប្រវែងប្រមាណ ២០០០ម៉ែត្រ ស្ថិតក្នុងភូមិគីឡូ១០ ឃុំអារក្សត្នោត ស្រុកស្ទឹងត្រង់ ខេត្តកំពង់ចាម
– កំណាត់ផ្លូវក្រួសក្រហមប្រវែង ប្រមាណ ៥០ម៉ែត្រ ស្ថិតក្នុងភូមិឈើទើ ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម៕