![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 8 2 17](https://www.mrd.gov.kh/wp-content/uploads/2024/08/2-17-150x150.jpg)
មន្ទីរអភិវឌ្ឍន៍ជនបទខេត្តត្បូងឃ្មុំ បានរួមសហការជាមួយក្រុមការងារបច្ចេកទេសនៃគម្រោងពង្រឹងសមត្ថភាពផលិតភាពជនបទ បានចុះបង្កើត និងជ្រើសរើសក្រុមស្នូលនៃក្រុមប្រើប្រាស់ទឹក និងអនាម័យនៅតាមស្រះសហគមន៍
- ថ្ងៃទី២៥ ខែតុលា ឆ្នាំ២០២៣ ម៉ោង ៣:០០ ល្ងាច
- សកម្មភាពក្រសួង
![មន្ទីរអភិវឌ្ឍន៍ជនបទខេត្តត្បូងឃ្មុំ បានរួមសហការជាមួយក្រុមការងារបច្ចេកទេសនៃគម្រោងពង្រឹងសមត្ថភាពផលិតភាពជនបទ បានចុះបង្កើត និងជ្រើសរើសក្រុមស្នូលនៃក្រុមប្រើប្រាស់ទឹក និងអនាម័យនៅតាមស្រះសហគមន៍ 2 photo 2023 10 24 16 45 20](https://www.mrd.gov.kh/wp-content/uploads/2023/10/photo_2023-10-24_16-45-20.jpg)
ខេត្តត្បូងឃ្មុំ៖ ថ្ងៃអង្គារ ១០កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៤ ខែតុលា ឆ្នាំ២០២៣ លោក ស សេន អនុប្រធានមន្ទីរ និងក្រុមការងារការិយាល័យផ្គត់ផ្គង់ទឹកជនបទ នៃមន្ទីរអភិវឌ្ឍន៍ជនបទខេត្តត្បូងឃ្មុំ បានរួមសហការជាមួយក្រុមការងារបច្ចេកទេសនៃគម្រោងពង្រឹងសមត្ថភាពផលិតភាពជនបទ បានចុះបង្កើត និងជ្រើសរើសក្រុមស្នូលនៃក្រុមប្រើប្រាស់ទឹក និងអនាម័យនៅតាមស្រះសហគមន៍នីមួយៗនៃគម្រោងពង្រឹងសមត្ថភាពផលិតភាពជនបទចំនួន ០៣ កន្លែងដែលមានប្រជាពលរដ្ឋចូលរួមចំនួន ៧៣នាក់(ស្រី ១៨នាក់)ដែលរួមមាន:
– ភូមិចន្លោង ភូមិខ្នប់ដំរីត្បូង ឃុំដំរិល ស្រុកអូរាំងឪ ចំនួន ០១កន្លែង ទំហំ ២៥ម៉ែត្រ គុណនឹង ១៦០ម៉ែត្រ មានប្រជាពលរដ្ឋចូលរួមចំនួន ៣១នាក់ ស្រី ១០នាក់។
– ភូមិទួលកណ្ដោលជើង ភូមិសាមគ្គី-ភូមិជីគរ ឃុំជីគរ ស្រុកត្បូងឃ្មុំ ចំនួន ០២កន្លែង ទំហំ ៩៥ម៉ែត្រ គុណនឹង១៨០ម៉ែត្រ និងទំហំ ៥០ម៉ែត្រ គុណនឹង ១០០ម៉ែត្រ មានប្រជាពលរដ្ឋចូលរួមចំនួន ៤២នាក់ ស្រី ០៨នាក់។
គោលបំណងនៃការបង្កើតក្រុមស្នូលនេះដើម្បីផ្សព្វផ្សាយការងារទឹកស្អាត និងអនាម័យដល់ប្រជាពលរដ្ឋអ្នកទទួលផលពីស្រះសហគមន៍នីមួួយៗ ដើម្បីគ្រប់គ្រង ការពារ ថែទាំ និងប្រើប្រាស់ស្រះសហគមន៍ប្រកបដោយនិរន្តរភាព។