![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 8 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
មន្ទីរអភិវឌ្ឍន៍ជនបទខេត្ដបន្ទាយមានជ័យ បានរៀបចំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ និងលើកទិសដៅបន្ដ ក្រោមការដឹកនាំរបស់ លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្ដ និងមានការចូលរួមពីមន្រ្ដីរាជការទាំងអស់នៃមន្ទីរ
- ថ្ងៃទី២៥ ខែតុលា ឆ្នាំ២០២៣ ម៉ោង ៩:០០ ព្រឹក
- សកម្មភាពក្រសួង
![មន្ទីរអភិវឌ្ឍន៍ជនបទខេត្ដបន្ទាយមានជ័យ បានរៀបចំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ និងលើកទិសដៅបន្ដ ក្រោមការដឹកនាំរបស់ លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្ដ និងមានការចូលរួមពីមន្រ្ដីរាជការទាំងអស់នៃមន្ទីរ 2 photo 2023 10 20 18 23 29 2](https://www.mrd.gov.kh/wp-content/uploads/2023/10/photo_2023-10-20_18-23-29-2-1000x750.jpg)
ខេត្ដបន្ទាយមានជ័យ៖ នាថ្ងៃសុក្រ ៦កើត ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែតុលា ឆ្នាំ២០២៣ មន្ទីរអភិវឌ្ឍន៍ជនបទខេត្ដបន្ទាយមានជ័យ បានរៀបចំកិច្ចប្រជុំបូកសរុបលទ្ធផលការងារប្រចាំខែតុលា ឆ្នាំ២០២៣ និងលើកទិសដៅបន្ដ ក្រោមការដឹកនាំរបស់ លោក ជា យុទ្ធារុណ ប្រធានមន្ទីរអភិវឌ្ឍន៍ជនបទខេត្ដ និងមានការចូលរួមពីមន្រ្ដីរាជការទាំងអស់នៃមន្ទីរ សរុបចំនួន ២៧នាក់ ស្រី ០៨នាក់ តាមរបៀបវារៈដូចខាងក្រោម៖
១. របាយការណ៍ប្រចាំខែតុលា ឆ្នាំ២០២៣ របស់ការិយាល័យចំណុះ
២. ដោះស្រាយបញ្ហាប្រឈមផ្សេងៗ
៣. លើកទិសដៅការងារបន្ដ
ជាកិច្ចចាប់ផ្ដើម លោក ជា យុទ្ធារុណ ប្រធានមន្ទីរ បានអនុញ្ញាតឲ្យ លោក ឈិន លាងតុង អនុប្រធានការិយាល័យផែនការ និងស្ថិតិ ធ្វើបទបង្ហាញរាយការណ៍ពីលទ្ធផលបូកសរុបការងាររបស់ការិយាល័យជំនាញជូនដល់ សមាជិក សមាជិកា នៃអង្គប្រជុំ។
បន្ទាប់ពីបានស្ដាប់ និងពិនិត្យ របាយការណ៍ របស់ការិយាល័យរួចមក លោកប្រធានមន្ទីរ បានកោតសរសើេរ និងវាយតម្លៃខ្ពស់ដល់មន្រ្ដីគ្រប់លំដាប់ថ្នាក់ ដែលបានខិតខំអនុវត្ដការងារសម្រេចបានដ៏ប្រសើរ។ ដោយឡែក ចំណុចខ្វះខាតមួយចំនួនកន្លងមក មន្រ្ដីយើងត្រូវពង្រឹង និងកែតម្រូវឲ្យមានភាពប្រសើរឡើង។
លោកប្រធានមន្ទីរ បានមានប្រសាសន៍បន្ថែម ពាក់ព័ន្ធនឹងកិច្ចការងារបន្ដរបស់ការិយាល័យ ស្របតាមផែនការសកម្មភាព ក្នុងគោលដៅបង្កើនការអនុវត្ដការងារបានទាន់ពេលវេលាតាមផែនការសកម្មភាពប្រចាំឆ្នាំឲ្យកាន់តែមានប្រសិទ្ធិភាពបន្ថែមទៀត។
ជាកិច្ចបន្ទាប់ទៀត លោកប្រធានមន្ទីរ បានឲ្យ លោក លោកស្រី អនុប្រធានមន្ទីរ និងប្រធាន អនុប្រធានការិយាល័យ ព្រមទាំងមន្រ្ដីទាំងអស់ឲ្យរៀបចំរបាយការណ៍ប្រចាំខែ ត្រីមាស ឆមាស នព្វមាស និងប្រចាំឆ្នាំ ដោយយកចិត្ដទុកដាក់លើអក្ខរាវិរុទ្ធ ខ្លឹមសារ សណ្ដាប់ធ្នាប់អត្ថបទ ឲ្យកាន់តែប្រសើរជាងមុនបន្ថែមទៀត។
ជាចុងបញ្ចប់ លោកប្រធានមន្ទីរ ក៏បានថ្លែងអំណរគុណ សមាជិក សមាជិកា ដែលបានយកចិត្ដទុកដាក់លើកិច្ចការងារប្រជុំឲ្យប្រកបបានជាលទ្ធផលផ្លែផ្កាគួរជាទីមោទនៈ។