![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 15 2 17](https://www.mrd.gov.kh/wp-content/uploads/2024/08/2-17-150x150.jpg)
ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំប្រតិភូ និងក្រុមការងារបច្ចេកទេសក្រសួង ចុះត្រួតពិនិត្យវឌ្ឍនភាពការងារសាងសង់ស្ពានចំនួន ៣កន្លែង នៅខេត្តត្បូងឃ្មុំ និងការងារជួសជុលបន្ទាន់ផ្លូវ ១ខ្សែ នៅខេត្តព្រៃវែង
- ថ្ងៃទី២២ ខែតុលា ឆ្នាំ២០២៣ ម៉ោង ២:៥៥ ល្ងាច
- សកម្មភាពក្រសួង
![ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ដឹកនាំប្រតិភូ និងក្រុមការងារបច្ចេកទេសក្រសួង ចុះត្រួតពិនិត្យវឌ្ឍនភាពការងារសាងសង់ស្ពានចំនួន ៣កន្លែង នៅខេត្តត្បូងឃ្មុំ និងការងារជួសជុលបន្ទាន់ផ្លូវ ១ខ្សែ នៅខេត្តព្រៃវែង 2 6 8](https://www.mrd.gov.kh/wp-content/uploads/2023/10/6-8-1000x666.jpg)
ថ្ងៃអាទិត្យ ៨កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២២ ខែតុលា ឆ្នាំ២០២៣ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អមដំណើរដោយ ឯកឧត្តមរដ្ឋលេខាធិការប្រចាំការ ឯកឧត្តមរដ្ឋលេខាធិការ អនុរដ្ឋលេខាធិការ និងក្រុមការងារបច្ចេកទេសក្រសួង អញ្ជើញចុះត្រួតពិនិត្យវឌ្ឍនភាពការងារសាងសង់ស្ពានចំនួន ៣កន្លែង នៅដំណាក់ព្រីងកើត ឃុំមហាលាភ ស្រុកកោះសូទិន ខេត្តត្បូងឃ្មុំ របស់គម្រោងគ្រប់គ្រងគ្រោះមហន្តរាយនៅកម្ពុជា និងអាស៊ីអាគ្នេយ៍ជំហានទី២ ស្ថិតក្រោមជំនួយហិរញ្ញប្បទានរបស់ធនាគារពិភពលោក។ ក្នុងឱកាសចុះត្រួតពិនិត្យនៅការដ្ឋានផ្ទាល់ ឯកឧត្តមរដ្ឋមន្ត្រី បានណែនាំដល់ទីប្រឹក្សា និងអ្នកអនុវត្តគម្រោង ត្រូវបង្កើនការយកចិត្តទុកដាក់ ដោយអនុវត្តតាមបទដ្ឋានបច្ចេកទេស និងជំរុញការងារសាងសង់ឱ្យទាន់ផែនការគ្រោងទុក។
បន្ទាប់មក ឯកឧត្តមរដ្ឋមន្ត្រី និងប្រតិភូអមដំណើរ បានបន្តចុះពិនិត្យវឌ្ឍនភាពផ្លូវជួសជុលបន្ទាន់ លើកំណាត់ផ្លូវ ១ខ្សែ ប្រវែង ៨គីឡូម៉ែត្រ ស្ថិតនៅក្នុងស្រុកស៊ីធរកណ្តាល ខេត្តព្រៃវែង ដែលទទួលរងការខូចខាតធ្ងន់ធ្ងរដោយសារជំនន់ទឹកភ្លៀង។ ឯកឧត្តមរដ្ឋមន្ត្រី ក៏បានណែនាំឱ្យមន្ត្រីបច្ចេកទេសក្រសួង ឱ្យពន្លឿនការជួសជុលបន្ទាន់ដើម្បីសម្រួលដល់ការធ្វើដំណើរ និងការដឹកជញ្ជូនកសិផលរបស់ប្រជាពលរដ្ឋ៕