មន្ទីរអភិវឌ្ឍន៍ជនបទខេត្តកំពត បើកវគ្គបណ្តុះបណ្តាលរំលឹកឡើងវិញ ស្តីពីយេនឌ័រ និងភាពជាអ្នកដឹកនាំដល់គណៈកម្មការថែទាំអណ្តូង នៅឃុំបានៀវ ស្រុកឈូក ខេត្តកំពត

ខេត្តកំពត៖ ថ្ងៃព្រហស្បតិ៍​ ៥កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១៩ ខែតុលា ឆ្នាំ២០២៣ លោក លី អៀវ ប្រធានការិយាល័យអភិវឌ្ឍន៍សេដ្ឋកិច្ចជនបទ នៃមន្ទីរអភិវឌ្ឍន៍ជនបទខេត្តកំពត បានអញ្ជើញបើកវគ្គបណ្តុះបណ្តាលរំលឹកឡើងវិញ ស្តីពីយេនឌ័រ និងភាពជាអ្នកដឹកនាំដល់គណៈកម្មការថែទាំអណ្តូងទឹក នៅឃុំបានៀវ ស្រុកឈូក ខេត្តកំពត រួមមានចំនួន ០៤ភូមិ គឺ ភូមិតាឡង់ ភូមិព្រៃឈើនាង ភូមិតាមុំ និងភូមិព្រៃភ្ជុំ រួមមានអ្នកចូលរួមសរុបចំនួន ៣៦នាក់ ស្រី ២១នាក់។

វគ្គនេះបង្កើតឡើងក្នុងគោលបំណងដើម្បី៖

១. រំលឹកឡើងវិញពីតួនាទីរបស់ស្ត្រីក្នុងវិស័យទឹកស្អាត និងវិស័យអនាម័យជនបទ។

២. ស្រ្តី និងក្មេងស្រីទទួលបានផលប្រយោជន៍ពីការកាត់បន្ថយ​ពេលវេលា ដើម្បីយកទឹកមកប្រើប្រាស់ និងកែលម្អសុខភាពក្នុងគ្រួសារ​ និងសហគមន៍៕