![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 7 2 17](https://www.mrd.gov.kh/wp-content/uploads/2024/08/2-17-150x150.jpg)
កិច្ចប្រជុំស្តីពី “ការចុះត្រួតពិនិត្យ និងវាយតម្លៃការអនុវត្តអនុកម្មវិធីទី៦ នៃកម្មវិធីទី៣ និងអនុកម្មវិធីទី៦ នៃកម្មវិធីទី៤”ក្រោមអធិបតីភាព ឯកឧត្ដម ជី ស៊ីថា រដ្ឋលេខាធិការ ក្រសួងអភិវឌ្ឍន៍ជនបទ នៅខេត្តកំពង់ចាម។
- ថ្ងៃទី១០ ខែតុលា ឆ្នាំ២០២៣ ម៉ោង ៩:២៥ ព្រឹក
- សកម្មភាពក្រសួង
![កិច្ចប្រជុំស្តីពី “ការចុះត្រួតពិនិត្យ និងវាយតម្លៃការអនុវត្តអនុកម្មវិធីទី៦ នៃកម្មវិធីទី៣ និងអនុកម្មវិធីទី៦ នៃកម្មវិធីទី៤”ក្រោមអធិបតីភាព ឯកឧត្ដម ជី ស៊ីថា រដ្ឋលេខាធិការ ក្រសួងអភិវឌ្ឍន៍ជនបទ នៅខេត្តកំពង់ចាម។ 2 photo 2023 10 09 16 19 49 2](https://www.mrd.gov.kh/wp-content/uploads/2023/10/photo_2023-10-09_16-19-49-2-1000x750.jpg)
ខេត្តកំពង់ចាម: នៅរសៀលថ្ងៃចន្ទ១០រោច ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងទី៩ ខែកញ្ញា ឆ្នាំ២០២៣ ឯកឧត្តម ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញចូលរួមកិច្ចប្រជុំស្តីពី “ការចុះត្រួតពិនិត្យ និងវាយតម្លៃការអនុវត្តអនុកម្មវិធីទី៦ នៃកម្មវិធីទី៣ និងអនុកម្មវិធីទី៦ នៃកម្មវិធីទី៤”នៅសាលប្រជុំមន្ទីរអភិវឌ្ឍន៍ជនបទខេត្តកំពង់ចាម។
កម្មវិធីនេះក៏មានការអញ្ជើញចូលរួមពីគណៈប្រភូអមដំណើររបស់ក្រសួងអភិវឌ្ឍន៍ជនបទ និងលោកប្រធានមន្ទីរ លោក ស្រីអនុប្រធានមន្ទីរ និងលោក លោកស្រីប្រធានការិយាល័យសរុប ២០នាក់ ដែលបម្រើការងារក្នុងការិយាល័យជំនាញរបស់មន្ទីរ ដែលស្ថិតនៅក្នុងអនុកម្មវិធីទី៦ នៃកម្មវិធីទី៣ និងនុកម្មវិធីទី៦ នៃកម្មវិធីទី៤។
គោលបំណងសំខាន់នៃកិច្ចប្រជុំនេះគឺដើម្បីពីការអនុវត្តសកម្មភាពរបស់ការិយាល័យជំនាញនៃមន្ទីរដែលស្ថិតក្នុង
អនុកម្មវិធីទី៦ នៃកម្មវិធីទី៣ និងនុកម្មវិធីទី៦ នៃកម្មវិធីទី៤។
ឆ្លៀតក្នុងឱកាសនោះផងដែរ លោក អុឹង វិសុទ្ធ ប្រធានមន្ទីរអភិវឌ្ឍន៍ជនបទខេត្តកំពង់ចាមបានគោរពរាយការណ៍ជូនដោយសង្ខេបអំពីវឌ្ឍនភាពការងារ ការអនុវត្តអនុកម្មវិធីទី៦ នៃកម្មវិធីទី៣ និងអនុកម្មវិធីទី៦ នៃកម្មវិធីទី៤” របស់មន្ទីរអភិវឌ្ឍន៍ជនបទខេត្តកំពង់ចាម ក្នុងរយៈពេល ៩ខែ ក្នុងឆ្នាំ២០២៣ ជូន ឯកឧត្តមគណៈអធិបតី និងអង្គពិធីទាំងមូល។
បន្ទាប់មក ឯកឧត្តម ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ បានបន្តដឹកនំាកិច្ចប្រជុំពិភាក្សា ដើម្បី ពិនិត្យ និងវាយតម្លៃការអនុវត្តអនុកម្មវិធីទី៦ នៃកម្មវិធីទី៣ និងអនុកម្មវិធីទី៦ នៃកម្មវិធីទី៤”តាមការិយាល័យជំនាញនីមួយៗយ៉ាងផុលផុសប្រកបដោយភាពស្និទស្នាល និងការទទួលខុសត្រូវ ខ្ពស់។
ជាកិច្ចបិទអង្គប្រជុំ ឯកឧត្តម ជី ស៊ីថា រដ្ឋលេខាធិការក្រសួងអភិវឌ្ឍន៍ជនបទ បានផ្តល់នូវអនុសាសន៍ណែនាំសំខាន់ៗចំនួន ដូចតទៅ៖
-បន្តរួបរួមពង្រឹងសាមគ្គីភាពអនុវត្តការងារឱ្យបានជោគជ័យបន្តទៀតតាមគោលនយោបាយរបស់ក្រសួង ក៏ដូចជាកម្មវិធីអាទិភាពចំនួន ៤ របស់ក្រសួងអភិវឌ្ឍន៍ជនបទ។
-បន្តរក្សារបបប្រជុំឱ្យបានទៀងទាត់ ដេីម្បីដោះស្រាយបញ្ហាប្រឈម និងសំនូមពរ
-បន្តរៀបចំផែនការសកម្មភាពការងារជូនក្រសួងឱ្យមានទៀងទាត់ និងទាន់ពេលវេលា។
-ពង្រឹងការងារដែលមាន និងពង្រីកការងារអោយស្នាដៃបន្ថែម
-បន្តអនុវត្តការងារ សម្រេចអោយបានតាមផែនការ
-ត្រូវអនុវត្តតាមយុទ្ធសាស្រ្តបញ្ចកោណ ដែលមានចក្ខុវិស័យ ប្រែក្លាយទៅជាប្រទេសដែលមានចំណូលមធ្យមកម្រឹតខ្ពស់២០៣០ និងជាប្រទេសមានចំណូលខ្ពស់២០៥០ ។
កិច្ចប្រជុំបានបញ្ចប់នៅថ្ងៃខែឆ្នាំដដែលប្រកបដោយកិច្ចសហប្រតិបត្តិការល្អ និងស្មារតីស្និទ្ធស្នាលបំផុត។