![មន្ទីរអភិវឌ្ឍន៍ជនបទខេត្តប៉ៃលិន បានចូលរួមក្នុងកម្មវិធីរៀបចំទិវាចម្ការបង្ហាញលើកទី២ ស្តីពីការអនុវត្តកសិកម្មឆ្លាតវៃលើផលិតកម្មដំណាំបន្លែ 7 photo 2024 07 24 18 35 59](https://www.mrd.gov.kh/wp-content/uploads/2024/07/photo_2024-07-24_18-35-59-150x150.jpg)
ឯកឧត្តម ប៉ាវង្ស សុក្រឹត រដ្ឋលេខាធិការ រួមជាមួយ ឯកឧត្តម ម៉ា សុវណ្ណា អនុរដ្ឋលេខាធិការ ក្រសួងអភិវឌ្ឍន៍ជនបទ បានចូលរួមកិច្ចប្រជុំពិនិត្យនិងពិភាក្សាលើសេចក្តីព្រាងផែនការសកម្មភាព និងថវិកាឆ្នាំ២០២៤ របស់ គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប )នៅទីស្តីការក្រសួងមហាផ្ទៃ។
- ថ្ងៃទី៧ ខែតុលា ឆ្នាំ២០២៣ ម៉ោង ៨:២៥ ព្រឹក
- សកម្មភាពក្រសួង
![ឯកឧត្តម ប៉ាវង្ស សុក្រឹត រដ្ឋលេខាធិការ រួមជាមួយ ឯកឧត្តម ម៉ា សុវណ្ណា អនុរដ្ឋលេខាធិការ ក្រសួងអភិវឌ្ឍន៍ជនបទ បានចូលរួមកិច្ចប្រជុំពិនិត្យនិងពិភាក្សាលើសេចក្តីព្រាងផែនការសកម្មភាព និងថវិកាឆ្នាំ២០២៤ របស់ គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប )នៅទីស្តីការក្រសួងមហាផ្ទៃ។ 2 photo 2023 10 05 12 58 57](https://www.mrd.gov.kh/wp-content/uploads/2023/10/photo_2023-10-05_12-58-57-1000x750.jpg)
រាជធានីភ្នំពេញ៖ នៅថ្ងៃព្រហស្បតិ៍ ៦រោច ខែភទ្របទ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៥ ខែតុលា ឆ្នាំ២០២៣ ឯកឧត្តម ប៉ាវង្ស សុក្រឹត រដ្ឋលេខាធិការ រួមជាមួយ ឯកឧត្តម ម៉ា សុវណ្ណា អនុរដ្ឋលេខាធិការ ក្រសួងអភិវឌ្ឍន៍ជនបទ បានចូលរួមកិច្ចប្រជុំពិនិត្យនិងពិភាក្សាលើសេចក្តីព្រាងផែនការសកម្មភាព និងថវិកាឆ្នាំ២០២៤ របស់ គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប ) នៅទីស្តីការក្រសួងមហាផ្ទៃ ក្រោមអធិបតីភាព ឯកឧត្តម ចាន់ សុធា ប្រធានលេខាធិការដ្ឋានស្តីទី គ.ជ.អ.ប និងមានការចូលរួមពី ឯកឧត្តម លោកជំទាវ តំណាងក្រសួង ស្ថាប័នពាក់ព័ន្ធផ្សេងទៀតផងដែរ។
កិច្ចប្រជុំមានគោលបំណង៖
១. ពិនិត្យនិងពិភាក្សាលើ សេចក្តីព្រាងផែនការសកម្មភាពនិងថវិកាឆ្នាំ២០២៤ របស់គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប)
២. ប្រមូលធាតុចូលពីក្រសួងស្ថាប័ន លើសេចក្តីព្រាងផែនការសកម្មភាពនិងថវិកាឆ្នាំ២០២៤
ជាលទ្ធផលលក្នុងអង្គប្រជុំនេះ៖
១. ក្រសួងអភិវឌ្ឍន៍ជនបទ បានដាក់បញ្ចូលផែនការសកម្មភាពរបស់ខ្លួន ក្នុងផែនការសកម្មភាពរួម របស់គណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប )
២. អង្គប្រជុំបានឯកភាពគ្នាកំណត់យកការកែលម្អផែនការសកម្មភាពឆ្នាំ២០២៤ នៅសប្តាហ៍ទី៣ នៃខែតុលា ឆ្នាំ២០២៣នេះ
៣. អង្គប្រជុំបានណែនាំឲ្យក្រសួងស្ថាប័នធ្វើបច្ចុប្បន្នភាពក្រុមការងារក្នុងគណៈកម្មាធិការជាតិអភិវឌ្ឍន៍តាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប ) រៀងៗខ្លួនឲ្យបានសមស្របដើម្បីអនុវត្តបន្ត។