![ឯកឧត្តម ឆាយ ឫទ្ធិសែន អញ្ជើញដឹកនាំកិច្ចប្រជុំស្ដីពី ការដឹកជញ្ជូនលើសទម្ងន់កំរិតកំណត់លើបណ្ដាញផ្លូវជនបទ នៃកម្ពុជា 9 2 17](https://www.mrd.gov.kh/wp-content/uploads/2024/08/2-17-150x150.jpg)
លោកស្រី ជី ថាវី ប្រធានមន្ទីរអភិវឌ្ឍន៍ជនបទខេត្តកណ្ដាល បានដឹកនាំមន្ត្រីបច្ចេកទេស ចុះពិនិត្យខ្សែផ្លូវដែលរងផលប៉ះពាល់ដោយសារជំនន់ទឹកភ្លៀង ចំនួន ៣ខ្សែ
- ថ្ងៃទី១ ខែតុលា ឆ្នាំ២០២៣ ម៉ោង ៩:២០ ព្រឹក
- សកម្មភាពក្រសួង
![លោកស្រី ជី ថាវី ប្រធានមន្ទីរអភិវឌ្ឍន៍ជនបទខេត្តកណ្ដាល បានដឹកនាំមន្ត្រីបច្ចេកទេស ចុះពិនិត្យខ្សែផ្លូវដែលរងផលប៉ះពាល់ដោយសារជំនន់ទឹកភ្លៀង ចំនួន ៣ខ្សែ 2 photo 2023 09 30 17 20 23](https://www.mrd.gov.kh/wp-content/uploads/2023/09/photo_2023-09-30_17-20-23-1000x750.jpg)
ខេត្តកណ្ដាល៖ នៅព្រឹកថ្ងៃសៅរ៍ ១រោច ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី៣០ ខែកញ្ញា ឆ្នាំ២០២៣ លោកស្រី ជី ថាវី ប្រធានមន្ទីរ បានដឹកនាំមន្ត្រីការិយាល័យផ្លូវជនបទ នៃមន្ទីរអភិវឌ្ឍន៍ជនបទខេត្តកណ្ដាល ចុះពិនិត្យខ្សែផ្លូវដែលរងផលប៉ះពាល់ដោយសារជំនន់ទឹកភ្លៀង ស្ថិតនៅក្នុងទីតាំងភូមិសាស្ត្រ សង្កាត់កំពង់សំណាញ់ ក្រុងតាខ្មៅ និងឃុំកណ្តោក ឃុំដើមឬស ស្រុកកណ្តាលស្ទឹងចំនួន ៣ខ្សែ ដូចខាងក្រោម៖
ខ្សែទី១៖ ផ្លូវសុខេង_យាយប៉ុក មានប្រវែង៧ ០០ម៉ែត្រ ទទឹងខ្នងផ្លូវ ៥ម៉ែត្រ ស្ថិតនៅភូមិអាចម៍កុក សង្កាត់កំពង់សំណាញ់ ក្រុងតាខ្មៅ បានរងផលប៉ះពាល់ប្រវែង ៦៥០ម៉ែត្រ។
ខ្សែទី២៖ ផ្លូវទំនប់៩៤ មានប្រវែង១ ៥០០ម៉ែត្រ ទទឹងខ្នងផ្លូវ ៤ម៉ែត្រ ស្ថិតនៅឃុំកណ្តោក ស្រុកកណ្តាលស្ទឹង បានរងផលប៉ះពាល់ប្រវែង១ ៥០០ម៉ែត្រ។
ខ្សែទី៣៖ មានប្រវែង ៦ ៥០០ម៉ែត្រ ស្ថិតនៅឃុំដើមឫស ស្រុកកណ្តាលស្ទឹង ត្រូវបានក្រសួងអភិវឌ្ឍជាប្រភេទផ្លូវបេតុងបានប្រវែង ១ ៥០០ ម៉ែត្រ ទទឹងខ្នងផ្លូវ ៦ ម៉ែត្រ ត្រូវបានរងផលប៉ះពាល់ប្រវែង៣០០ម៉ែត្រ។
បន្ទាប់ពីបានពិនិត្យ និងបូកសរុបផលប៉ះពាល់នៃការខូចខាតរួចមក មន្ទីរនឹងធ្វើការកែលម្អឱ្យបានឆាប់រហ័ស បន្ទាប់ពីទឹកស្រកផុត ដើម្បីជួយសម្រួលដល់ការដឹកជញ្ជូន និងការធ្វើដំណើររបស់ប្រជាពលរដ្ឋ និងសិស្សានុសិស្សងាយស្រួលទៅសិក្សារៀនសូត្រ៕