ស្វែងរក

សិក្ខាសាលាពិគ្រោះយោបល់ស្ដីពី សេចក្តីព្រាងការរៀបចំគោលការណ៍ណែនាំប្រតិបត្តិការ និងផែនការអភិវឌ្ឍហិរញ្ញប្បទានសាធារណៈជាតិសម្រាប់វិស័យអនាម័យ

ចែលរំលែក

រាជធានីភ្នំពេញ៖ នៅព្រឹកថ្ងៃអង្គារ ១២កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកញ្ញា ឆ្នាំ២០២៣ ឯកឧត្ដម ម៉ា សុវណ្ណា អនុរដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្ដម ឆាយ ឬទ្ធិសែន រដ្ឋមន្ត្រី ក្រសួងអភិវឌ្ឍន៍ជនបទ បានដឹកនាំអង្គសិក្ខាសាលាពិគ្រោះយោបល់ស្ដីពី សេចក្តីព្រាងការរៀបចំគោលការណ៍ណែនាំប្រតិបត្តិការ និងផែនការអភិវឌ្ឍហិរញ្ញប្បទានសាធារណៈជាតិសម្រាប់វិស័យអនាម័យ។

 

អង្គសិក្ខាសាលានេះ មានការចូលរួមពី ឯកឧត្តម ជ្រាយ ប៉ុម អគ្គនាយកបច្ចេកទេស លោក ផេង សំបូរ ប្រធាននាយកដ្ឋានផែនការ និងទំនាក់ទំនងសាធារណៈ នៃក្រសួងអភិវឌ្ឍន៍ជនបទ​ លោកស្រី  ដួង ដានី អគ្គនាយករងនៃអគ្គនាយកដ្ឋានប្រព័ន្ធទឹកកង្វក់ នៃក្រសួងសាធារណការនិងដឹកជញ្ជូន អង្គការយូនីសេហ្វ (UNICEF) អង្គការសហគ្រាសអភិវឌ្ឍន៍អន្តរជាតិកម្ពុជា​ (IDE) អង្គការទស្សន:ពិភពលោក​ (Word Vision) អង្គការវ័តធឺអេត​ (Water Aid) គ្រឹះស្ថានមីក្រូហិរញ្ញវត្ថុនានា សរុបចំនួន ២៦ នាក់។

 

អង្គសិក្ខាសាលានេះមានគោលបំណង៖ ដើម្បីពិភាក្សាលើការប្រមូលទិន្នន័យសម្រាប់ចាប់ផ្តើមដំណើរការរៀបចំគោលការណ៍ណែនាំប្រតិបត្តិការ និងផែនការអភិវឌ្ឍន៍វិស័យអនាម័យ ដើម្បីឈានទៅសម្រេចឲ្យបាននូវគោលដៅអភិវឌ្ឍន៍ប្រកបដោយចីរភាពកម្ពុជា  (CSDG)   ដែលរាជរដ្ឋាភិបាលមានគោលដៅសម្រេចឲ្យបាន៩០% ជាមូលដ្ឋាន​ លើការគ្របដណ្តប់សេវាទឹកស្អាតនិងអនាម័យ នៅឆ្នាំ២០២៥ និង​ សម្រេចបាន ១០០% លើការគ្របដណ្តប់សេវាទឹកស្អាតនិងអនាម័យប្រកបដោយសុវត្ថិភាព នៅឆ្នាំ២០៣០ សម្រាប់តំបន់ជនបទ។

 

ជាលទ្ធផល​ សម្រាប់ការរៀបចំយុទ្ធសាស្ត្រហិរញ្ញវត្ថុជាតិសម្រាប់វិស័យអនាម័យនេះ គម្រោងបានសម្រេចជ្រើសរើស ខេត្តក្រចេះ និងខេត្តត្បូងឃ្មុំ ជាខេត្តដំបូងគេសម្រាប់សាកល្បងក្នុងការចុះប្រមូលទិន្នន័យ។

ព្រឹត្តិការណ៍និងព័ត៌មានថ្មីៗ

ឯកឧត្តម សាន វិសាល បានអញ្ជើញជាអធិបតី ក្នុងសិក្ខាសាលាស្ដីពី ការងារគ្រប់គ្រងគម្រោងពង្រឹងសមត្ថភាពផលិតភាពជនបទ (NRRPCP) ប្រចាំឆ្នាំ២០២៤ និងទិសដៅការងារឆ្នាំ២០២៥ របស់គម្រោងពង្រឹងសមត្ថភាពផលិតភាពជនបទ

៧ ម៉ោងមុន ថ្ងៃទី២១ ខែធ្នូ ២០២៤

ឯកឧត្តមបណ្ឌិត នួន ដាញ៉ិល អញ្ជើញដឹកនាំគណៈកម្មការអន្តរក្រសួង ចុះត្រួតពិនិត្យ និងវាយតម្លៃលទ្ធផលការងារថែទាំខួបផ្លូវចំនួន ២គម្រោង នៅស្រុកចំការលើ និងស្រុកជើងព្រៃ ខេត្តកំពង់ចាម

៩ ម៉ោងមុន ថ្ងៃទី២១ ខែធ្នូ ២០២៤

ឯកឧត្តមបណ្ឌិត សៅ ជីវ័ន្ត បានដឹកនាំគណ:ប្រតិភូអន្តរក្រសួងចុះត្រួតពិនិត្យនិងវាយតម្លៃការងារផ្លូវថែទាំខួបដោយក្រាលល្បាយថ្មភ្នំចំនួន៣ខ្សែ មានប្រវែងសរុប៩៣០០ម៉ែត្រ ក្នុងខេត្តកែប

១១ ម៉ោងមុន ថ្ងៃទី២១ ខែធ្នូ ២០២៤

ឯកឧត្តម ផូ ផារិទ្ធ បានចូលរួមក្នុងកិច្ចប្រជុំពិនិត្យ ពិភាក្សាអំពីផែនការបោះបង្គោលព្រំដែន ការស្ថាបនាបណ្តាញផ្លូវគមនាគមន៍ តំបន់ព្រំដែនកម្ពុជាជាប់ប្រទេសឡាវ – វៀតណាម – ថៃ និងរៀបចំស្នេីសុំថវិកា ឆ្នាំ២០២៥ សម្រាប់ដោះស្រាយសំណង់បានស្ថាបនារួច និងផែនការស្ថាបនាថ្មី នៅតាមបណ្តោយព្រំដែន ប្រទេសកម្ពុជា-វៀតណាម និងព្រំដែនកម្ពុជា -ឡាវ

១ ថ្ងៃមុន ថ្ងៃទី២០ ខែធ្នូ ២០២៤

ឯកសារនិងរបាយការណ៍ថ្មីៗ